YOELI 3:10 - BIBILLYA Mareiyo Meele a Iruva

¹⁰ Alasheny makumbi any nave ngyusu. Na makasi a matavi nave mafumu. Na kava mfwafwa nkuti neende fireny.

YOELI 3:10 Iomraidhean Croise

2 MBONY TA FYEERI 25:8

Yewe mmbo kukusarye vashekuniinga finya mmwasi kuvinge fira, ate Iruva mmbwe atiri wiidimi lwa ikuniinga iviinga ao ivingwa, nawe mmbo ashelekyeyaa vakiduva vafo vashekuvinga.”

ISAYA 2:4

Iruva mmbwe ashevaa lleti nnang'ani a masanga, asherummbwa myaandu ya vandu veengyi, vandu vashekoninda ngyupanga ta fira tive makumbi eerema na mafumu ave mindo ya ivikya ng'umbe. Vandu va masanga mmbakikaa vakapani-se-fo, nta ikulosha mbony ta fira-fo.

YEREMIA 51:11

Nnweny mife yaany, mukeepo ngao! Mashika Nndumi Iruva ammbika uramba kwa vamangyi va Medes naambo vandelyamara Babilony kyiike ni itaiya kiduva kyuuka kwa Nndumi Iruva kyimaruma kya mmba yakwe yeeterevya.

MIKA 4:3

Mmbo asherumbwaa myaandu ya vandu va masanga, na ya vaafinya yewo va kufii na va kwaasha. Ngyusu tawo vashetanaa-fo makumbi, na mafumu awo nave makasi ao finndo. Vandu va masanga mmbakyeenda-se fireny-fo, nta ideesya ikapana-fo

SEKARIA 12:8

Nkonu yeto Nndumi Iruva mmbo ashevaringa na ngao, valya va muri wa Yerusalemu, naakwa ni valya vafwafwa nnang'ani yaawo nkonu yeto mmbo vasheva na finya sha ilya ya Davidi, na va mmba ya Davidi isheva na finya ya Iruva. Sha nsu wa Nndumi Iruva asheveerya mbee.

Luka 13:12

Naasa Yesu allolya kammbaanga na yoo akai, kammbia, “Nka kwameeyauwa unana yelo lwafo!”

Luka 22:36

“Kya indi ulaalu yeto akooyaa atiri mboloko neende arie, na yeto wa nkusha naa-kiwo-da. Na yeto akoyaa nalatiri nandekumba soori yakwe ya yeerya nandekuurya usu.