8 Kulaifo nta imwi ikunaa ingi, wo imwi na shia yavayo, wo imwi ishiira mbai kulaifo kibaaya.
Karingitya mmba shoose na vandu vatiri usu wokony veringamangyi.
Mangyi kaengera isimamba lya kavii karingitya muri moose na uwe ya vayo katana-u nnara na taari ya kipoo kaengera isimamba lyingi karingitya riti; kavambisa kwa wiiya lyikatira finya taari ilya ivaangwa Milo kulya muriny wa Davidi. Kaengera deny isongosya mafumu na ngao.
Vandu valya vekeetana isimamba sanda na valya veeboo mario, mmbo valekuvikau dede, wo nndu eerundaa na woko yelu, yelu lungi mmbo lutiri kisha kyeekapana.
Nalyo yeny na vana va ma na varundi vakwa, na vandu valya veeringa sheekee nawo, nta kio lluleuta-fo soori teru-fo. Nalyo wo nndu mmbo aleenda na kisha inderaa mura.
Indo llyo akingya nndu nalamamike, muu wakwe ulamamitwa na usu.
Indi vakara valamwiirikya, mmbo avamamita na usu, na ifwa kya itura urango.
Nre: ntitiraa mangyi-fo, Indi mmbo teendaa kwi matorito.
Maa tafo ni nnda wa ndunda shirenderi tivaramaa, Amwi na ndunda shisha ngota tingyi toose, ina na nardo.
Mmbakeyaaraa-fo nta ikapa urende-fo mmbakeerengeya nta ilala rony-fo nkwiifo ngomita ileporumuka nta nruu ta fyaaru iporumuka-fo.
Nrie yeto mmbotisheshaa na finya nnu, tirwe na uwe sha itorito va fira, wo imwi iishi shia yavayo tilateeree.
Mmbo tarumbukya muri tikasaama na isimamba na yaanga efo mmba tishiraa neefo madirisheny tikavaka msanyinyi.