YOELI 2:2 - BIBILLYA Mareiyo Meele a Iruva

² Nkonu eto ushevaa irrema na ituu nkonu muu na mafishi asherandavaa. Ironda iniini lya nre lyivakye ireema lyishesikyaa mafumbu. Nkulekee-fo kindo sheekyo-fo nta kishekaafo-fo.

YOELI 2:2 Iomraidhean Croise

SABURI 10:6

Nriminy wakwe kaamba, Nshishutwaa-u-fo, marika na marika, Nshiwona ukiva-fo.

SABURI 97:2

Mmbo aringityo ni mmafishi na ireema. Usumanu na udede mfyo nsuka wa ushilyi lwakwe.

YUUKA 10:14

Nrie yeto tikakwaana Misri koose, nta nkulenkaa-fo nrie sheeto ukya elyo-fo nta numa ya vayo nkushekaafo tingyi tifye-indo-fo.

YUUKA 10:6

Na mmba yafo, na mmba ta varundi vafo na ta Vamisri woose mmbo tisheishwaa nrie ngata ya vayo nta vande vafo na vasaawoo mbalelollye-fo, uka elyo vepooka ikaa ulaniny na fika inu. Veekimaa vakainduka vakasomuka.’”

YUUKA 20:21

Naasa vandu vakasalala kwaasha, na Mose kasembeya kufii kulya ireemeny lyilya kulya Iruva eekai.

ISAYA 5:30

Nkonu yeto mmbo vadinaa kwa vana va Israeli sha yoona lya yeeve ikeeyalaluka-laluka, yeto alolaa uruka wuumu mmbo alollya ireema na ukyiva, mwi mmbo usikywaa ni ireema.

ISAYA 8:22

Navo mmbo vashefiikya n-dudu ilola sumbai veesokywa mfyoova mmbo vasheumbutwaa na yeerwa ireeminy iroo lya makyimima.

YEREMIA 13:16

Itumbe ni lya Nndumi Iruva, Iruva wafo, kulaore ammeende ireema, nta kulare kwankapa urende, lwafo ifumbu lyitiri ireema, na kyeeri kusheruuya sa yaluuke ireema, ireema lya makimima.

YEREMIA 13:6

Yiikyira mikonu miingyi, Nndumi Iruva kashivia “Kwiipo kweenda Efrate kundeepoo-fo soori ilya shekuvia endasuruma-fo.”

FIIYO 1:12

Kafuuya wo nndu ashiraa shia kammbia, “Nkyeshilola-dwa! Nkwiifo nndu alembaviswa sha yeny-fo. Nndumi Iruva aleshikaba nang'u kimaruma kya unyafi lwakwe.

ESEKIELI 32:7

Yelyi shishekumamita, mmbo kusheva ireema nginii-u na nyinyiri toose, nshishesikya mwi na mafishi na mwiiri ulemwa ivaa saa.

ESEKIELI 34:12

Ngata ya mwiisi akeruuya moonri akwe, ekee yefo nnang'ani a moonri alya anyanyakkye, niindo shisheruuya moonri akwa, yefo koose shikooya anyanyakye kyeeri kya mafishi a ireema.

ESEKIELI 38:9

Mmbo kukwiipo kuvivike sha uraato, kusikkye uruka sha ifishi, yewe kumuni na itorito lyafo lyoose amwi na masanga engyi yoo akee kyimwi neewe.

DANIELI 12:1

“Kyeeri ekyo akwiipoo nsu yeto nniini we Mikaeli yeto aringaa vandu vafo. Kushe kyeeri kya ngatara kilandelollyo uka elyo vandu vammuumbwa. Elyi kyeeri ekyo kifikaa, vandu vafo woose ewo vakee vareiye efo kyitabuny kya Iruva mmbo vashekyirwaa.

DANIELI 9:12

Mmbo kuleinutya kilya kulerera kya ilutannya yese, na vasongoru veru yewo valelushillya, kweende ngapo ing'ani ilandelollywa ngapo ing'ani indo ulaniny koose sha ngapo ya Yerusalemu.

YOELI 1:6

Mashika vakiduva vatiri finya valavaa yeekyena vanshiraya, Mayoo awo akee sha a miiso niini.

YOELI 2:25

Neeny mmbo nshemuviryaa muu kya myaaka yeyo mulelyiwa ni nrie, na uleri mashanga na ngallya.

YOELI 2:31

Nkyeere urete sa yavayo na mwiiri ufwani samu. Efyo filollyo kulore nkonu eto nniini wa Nndumi Iruva weeresye wansha.

YOELI 2:5

Ntiri wavayo ukavaka wa makari a fira ashivaa kundo kwa fidooro, niindo tisherumbukaa, Tivevaka finya ya muro elyi wakora makyenya moomu, ao sha itorito vakaari va fira.

YOELI 3:4

A yeni nkyoki-deny, yeni va Tiro na Sidon, na ngyuruka ta Vafilisti? A ndesa musheshitaa? Neeny mmbo nshemuviryaa!

AMOSI 4:13

Ni Iruva alevika mafumbu, kavika-fo na ngyuraato. Koora vandu kilya akundye, keende kio na nsanyiny. Keera uwe ya findo fyoose yaa ulaniny. Elyi llyo irina lyakwe, Nndumi Iruva, muni matorito.

SEFANIA 1:7

Nkonu ukee kufii kyeeri Nndumi Iruva ashekaa rembo yuutya vandu uvingo, nkyo mmalallya sau mbee yakwe. Nndumi Iruva mmbo akee idesya yuutya vandu vakwe vave kiraso kyemamitywa mmuro, mmbo ambaanga misa ishekaba Yuda.

SEKARIA 14:6

Kyeeri ekyo nkushekaa-fo mbeo nta mbeo shinyaasi-fo, mmbo kushevaa saa kuleefo ireema.

Matayo 24:21

Shamashika meendi yoo kushekaa-fo fyuure finiini. Nta uka elyo mapookyony a ulana fika ulaalu kulandekae-fo fing'ani indo-fo. Nta meendi a numa mfishekaa-fo finiini indo-fo.

Marko 13:19

Shamashika fyeeri efyo kushekaa-fo fyuure, nafyo shaasa fikai, filandelollyo fing'ani indo-fo kupookya mapookyony a findo fyuumbe efyo Iruva alefitana kufike ulaalu, nta meendi a numa mfishevaa-se indo-fo.

NKUMBUYE WA UVAVASO 32:7

Nkyekummbwa Kusare kya marika yoo na myaaka Nkyevesa ndoo, nawe ashekuviaa Vesa vamiku vafo nawo vakurouwaa,

Vaebrania 12:18

Mashika mmulefikya ifumbu lyivaa ipaana-fo, lyileaka muro, nta ifishi yuu, na ireema, na uraato lwa finya,

Yuda 1:13

Vakawuya ivaka matundulu a yeeve alavaa isiika, na irosa maffwe akee nng'u sony yaawo, vakavaka nyinyiri tirekye shia, vakawoywa ni ireema lyiveemyaa fika llung'anu.

Usukuyony 9:2

Karua irina lya kwa vafu, nsu ukarwa wuuka kulya irininy, uvakye nsu wa nguminy niini, nkyeere na ngyina fikava ireema kimaruma kya nsu yeto wauka efo irininy elyo.