YOELI 2:12 - BIBILLYA Mareiyo Meele a Iruva

¹² Naakwa ni ulaalu Nndumi Iruva arera na vandu vakwe kaamba, “Kuryeny kya dede deny mukootoye neekapa kiiyo.

YOELI 2:12 Iomraidhean Croise

2 SAMUELI 24:10

Davidi eekimaa yeekyena vandu kasavaa nriminy. Nalyo kavia Nndumi Iruva, “Mmbo shallyamara deny elyi shileekyena vandu. Nkyo ulaalu woi Nndumi Iruva mmbo shakutereva kushuute uravi elu, mashika yeny nsero wafo mmbo shiletana utondo deny.”

2 MBONY TA FYEERI 30:6

Mangyi amwi na vasongoru vakwe, vakaruma mashinga indefita nrumi Yudaya na Israeli koose ishaamba indi, “Yeni vandu va Israeli, mmbo mulekiiya kipashuka llya mulekapwa ni Vaashuru. Wuiyeny Nndumi Iruva, Iruva wa Abrahamu, Isaki na Yakobo, naambo nawe nawauye.

2 MBONY TA FYEERI 6:27

kuvaarannyi kuuka yefo iruveeu kuvasarye ngyulyamari tawo mashinga afo, vandu vafo Israeli; na ivalosha ilatya shia isongovikye, kushekapa-fo mmbwa kunu urukeny lwafo yelu kuniingye vandu vafo luve masaa awo.

ESTA 4:16

“Endesanyirya Vayuda woose va Shushan, mukootoye ando a mikonu iraru mulalyaa nta ina kindo, kio na nsanyiny, neeny na fishinga fyakwa mmbo lutanaa indo, llyo shaangeny na kwa mangyi lla neelyi shilatiri muumu, kwakooya shawaawa, na shiwaawa.”

YUUKA 33:5

Nndumi Iruva kavia Mose, via vana va Israeli Eni mmbo mukee vandu vatiri singo shuumu, shaamba ni ikaa neni ando a kivero, mmbo nshemumamitaa moose, kyasia ulaalu kuuteny findo fyany fisha naambo shimanyi kindo nshemutanyaa.

ISAYA 22:12

Nkonu yeto Nndumi Iruva wa matorito, mmbo ekunndye mukape kiiyo, neefira muute fii ta nrrwe neeraa soori ta makunnya.

ISAYA 58:4

Yeni mmbo mukekootoya naambo muvakyani na ikabana yeni mweni na veni, na ikapa ngunde ya uravi. Mmukekotooya nkonu yeu wa inu naambo mwaaranyi unynga luuke uwe-fo.

YEREMIA 3:22

“Wuyeny, yeni vasoro vaturi va kyikusirio, Yeny shishiisa iwwo kyikusirio lyany. Lola, lwakusheya mmbe; mashika kukee Nndumi Iruva, Iruva weeru.

YEREMIA 36:7

Kulakooye ndesa vatereva Nndumi Iruva vauke efo shieny tawo shiravi, mashika Nndumi Iruva mmbo akunndye ivarikya ngapo shiroo.”

YEREMIA 4:1

Nndumi Iruva aamba indi, “Yeni Israeli, kwakooya mukunndye iwuya, shiindukyeny. Kwakooya mushuutaa mbee yakwa uravi yelo shilusuuye, na kulare musingasingaa lyingyi

YEREMIA 4:2

na kwakooya mulyaa mboo, ‘Shaasa Nndumi Iruva eefo na muu,’ kya udede, kya usumanu, na waarya, llyo masanga ashewonaa ngarami kwakwe na ikwiitikisa kwakwe.”

ESEKIELI 33:11

Vavie, Nndumi Iruva aamba, Yeny shiifo na muu, nshifurie ifwa lya nndu llyamari-fo, indi nndu llyamari naalashike, neera-fo shia yakwe shikasha akee na muu. Alashikeny, alashikeny, mure shia shikasha; nkyikyi yelyi mukundye ifwa, yeni mmba ya Israeli?

DANIELI 9:3

Neeny sheendukya Nndumi Iruva, shantereva na imweererya shakwaamba ifu, sharaa makunnya, neekootoya shinterevaa,

HOSEA 12:6

Naasany ulaalu, eni va ufyari lwa Yakobo, kusuryeny Iruva waany mumbuiye. Soreny filya amuvia mutani fya ikunda na usumanu, muvevereya Iruva wany na usisiryo namutannyi filya akundye.

HOSEA 12:7

Nndumi Iruva kawuya kaamba, “Vandu va Israeli mmbo vashilemmyi vakavaka Vakanaani Mmbo valemba vandu veshuryanaa nawo-veveesyaa findo na masaa a ulembi

HOSEA 14:1

Yeni vandu va Israeli, wuyeny kwa Nndumi Iruva waany. Ulyamari lwany llo lulemweengye nsindara mukawa.

HOSEA 6:1

Vandu vakaamba, “Sye luwuiye Nndumi Iruva! We mmbo alelurandwa lyo ashelufumaa lyingi. Kalupushwa, lyo ashelufingaa fishavere fyeeru.

YOELI 1:13

Yeni vakohani raeny soori ta kiiyo. Ongoreny yeni veerundya ando kweele Oshony mulale shoovi, yeeni veefurukanya Iruva. Mashika elyi firaso lfya nswa na mfinyo filakiifo.

SEKARIA 7:3

Naambo vandevesa, vakohani na vakisuku va Nndumi Iruva muni matorito; A-ndesa lukeengera ikootoya na ifiirra kunu mwiiri wa karaanu ndesa lulemmishivia itana ando a myaaka miingyi ilemmiira?

SEKARIA 7:5

Via vandu woose va urukeny elu, na vakohani kyeeri mwefinga, nekootoya mwiiri wa karaanu na wa mfungare, mmbo mwefinga kimaruma kyakwa?

MALAKI 1:9

Ulaalu mmbo shamuvavasa, mutereve usari kwa Iruva, nalusarye, elyi muletana indo. A ndesa Iruva ashemwiirikyaa mulansaryo mbele?

Mashora 26:20

Nkyo mbele shandeongoya valya va Dameski na Yerusalemu, na uruka loose lwa Uyuda, na vandu va masanga, sheelyi vakurye vaindukye Iruva, vatani findo fiinani na ikurya lyawo.

VALETI 2:4

Naasa nsu wa Nndumi Iruva ekimaa ivia vandu va Israeli woose marero yoo nawo vakakapa kiiyo.

VALETI 20:26

Llyo Israeli woose vakarwa na Beteli vakandefuuya Nndumi Iruva nkonu piti valakommba kindo, vakautyan Nndumi Iruva firaso fyeekora na muro na firaso fya ufoo.

1 SAMUELI 7:3

Naasa Samweli kavia Vaisrali woose, “Kwakooya mwawuiya Nndumi Iruva na mirima yaany myoose, na yuuta-fo maruva yoo mutiri, nng'u Maashtoreti alakani neeni, muniingye Nndumi Iruva mirima yaany nenndundya we muni, nawe mmbo ashemutaa maakony a Vafilisti.”

1 SAMUELI 7:6

Vakakusang'irya-fo, vakaraa mura vakeende mbee ya Nndumi Iruva, vakakootoya, vakaamba, “Mmbo lulelyamarya Nndumi Iruva.” Samweli kavaterevya kulya Mispa.