YOELI 2:11 - BIBILLYA Mareiyo Meele a Iruva

¹¹ Nndumi Iruva mmbo avavasya ironda lyakwe, valya vamwiirikye vakava veengi neetira finya. Apaa nkonu eto wa Nndumi Iruva shaasa weeresye. Mmbi asheturunyaa?

YOELI 2:11 Iomraidhean Croise

SABURI 18:14

Kyeerya vafiduva vakwa mife kavanyanyata, Karumbuta ukova kavarishisa.

SABURI 46:6

Masanga ammeereya, Ushilyi lukasavaa, Iruva kaonisa unyanga uruka lukaleleka.

SABURI 68:18

Mmbo akeesaama uwe ifumbuu, eerye mifungwa, Neewarya findo fya pya fyuuka kwa vandu vafungwa sanda neewo valyang'a. Naasa Nndumi Iruva andekaa-fo.

ISAYA 13:4

Arannyiny kyoorongye mafumbuu, kyoorongye kya itorito iniini lya vandu! Arannyiny kyoorongye kya vamangyi na masanga akeekusangirya! Nndumi Iruva wa matorito, mmbo akeedeesya itorito lyikeyeenda fireny.

ISAYA 42:13

Nndumi Iruva asheshaa na ukaari, ashetirwaa nkififi sha nndu wa fira, asheiyaa, ee da asheongoraa, Asheoraa vakiduva vakwe wiidimi lwakwe.

ISAYA 7:18

Elyi kyeeri ekyo kyishefikaa, nndumi Iruva mmbo ashemuvaanga namukapye mwiiri yeni vandu va Misri vashe vafye sha nri wooka taari toose ta mura wa Naili. Na Vaashuru vashe wooka urukeny lwawo sha shukyi.

YEREMIA 25:30

Kweekyo yewe nkushaawuya fisuku kyilasha kyawo marero yaa moose kuvavie; ‘Nndumi Iruva nnyarung'unaa ooka uwe, na kuuka muriny wakwe mweele unyanga lwakwe llushiitiwaa; nnyarung'unaa na finya niini kyilasha kya masanga akwe, nakape weele sha yewo vafindikaa misabibu kyilasha kya woose va ulana.

YEREMIA 30:7

Kukeesha nkonu weeresye, wiirye mikonu ingyi myoose. Nkonu wa ngatara niini kwa vandu vakwa, lyo mmbo vashekirwaa.”

YEREMIA 50:34

Yeny mweekyi waawo mmbo shitiri finya, Nndumi Iruva wa matorito mmbwe irina lyakwe. Ni kya dede mmbo shishevakapannyaa shishevaniinga unapwe efo urukeny lwawo, indi Babilony mmbo vandu vashekooya ilya ukyiva!”

ESEKIELI 22:14

A ndesa nrima wafo ushiidima isisirya, ao woko lwafo lutiri finya ya isiika ngapo yakwa elyi kyeeri kyifikaa? Ni yeny Nndumi Iruva shaamba, na nkuti shitani indo.

YOELI 1:15

Woshiny lweru nkonu yeu, Mashika nkonu wa Nndumi Iruva ukee kufii mmbo ushaa sha urumato luukye kwa yeto akee Mwaafinya.

YOELI 1:6

Mashika vakiduva vatiri finya valavaa yeekyena vanshiraya, Mayoo awo akee sha a miiso niini.

YOELI 2:1

Yeni va Sioni, kapeny mbembe, Ongoreny yeni mukee ifumbuny yeele vandu va uruka woose vareremye-u Kimmba nkonu wa Nndumi Iruva wansha.

YOELI 2:2

Nkonu eto ushevaa irrema na ituu nkonu muu na mafishi asherandavaa. Ironda iniini lya nre lyivakye ireema lyishesikyaa mafumbu. Nkulekee-fo kindo sheekyo-fo nta kishekaafo-fo.

YOELI 2:25

Neeny mmbo nshemuviryaa muu kya myaaka yeyo mulelyiwa ni nrie, na uleri mashanga na ngallya.

YOELI 2:31

Nkyeere urete sa yavayo na mwiiri ufwani samu. Efyo filollyo kulore nkonu eto nniini wa Nndumi Iruva weeresye wansha.

YOELI 3:14

Mashika nkonu eto wa Nndumi Iruva, ukee kufii; Yoo imungony elyo mmbo kushekumbya-u nsemu nniini deny wa vandu kwa yuutywa uvingo.

YOELI 3:16

Nawe Nndumi Iruva mmbo asheitiwaa auka Sioni na Yerusalemu. Ngina na uruka fishereremaa. Lyo Nndumi Iruva ashevaa kirishyony kya vandu vakwe na kya vana va Israeli

AMOSI 1:2

Amosi kaamba, “Nndumi Iruva mmbo adina sha miiso ooka Sioni Kaonisa unyanga ooka Yerusalemu. Ura lwa findo fya weesi lukeeyuuma na mare yoo ifumbuny lya Karmeli akeeyuuma.”

AMOSI 5:18

Mmbo kishevaa kyuumu deny kwa yewo vavereye nkonu yeto wa Nndumi Iruva ushe! Nkonu yeto mmbushemuviiya mbusha-ki? Mmbo ushemuviiya nkonu wa ireema, nta mmbushevaa sa-fo.

AMOSI 5:20

Nkonu yeto wa Nndumi Iruva mmbo usheviyaa vandu ireema, nshi sa-fo! Mmbo ushevaa nkonu urandavi ifishi, kulaiyo sa nta shinnywa.

OBADIA 1:15

Mashika nkonu yeto wa Nndumi Iruva ushesheyaa masanga moose. Wo nndu nataiywa kilya aletana. Wo nndu neekeryo iryo lyakwe efo nrony.

NAHUMU 1:6

A mmbo-vi ashiidimaa ikweesa na ngoo ya Nndumi Iruva? Mmbo-vi ashiidimaa isisirya unyaasi lwa nyashi yakwe? We mmbo apuswaa nyashi yakwe ikaaka sha muro, Mmbo ipaparaa naakwa mmawe a ngyina.

MALAKI 3:2

Lyo mmbi ashekaaryaa elyi nsu yeto ashaa? Ao ni vi ashesalala elyi ashaa? Mashika we mmbo ashevakaa muro wa mfuru wa iffwa fesa. Ao mfwanu wa sabuny ya nndu asangyaa soori.

MEEKYENA 24:23

Kasongosya kyaaso kyakwe kaamba, Oshiny lwao mmbovi eto akkyaa kyeeri Iruva, asheinutyaa findo efyo?

1 Vatesalonike 4:16

Mashika Nndumi we muni mmbo asheolokaa auka iruveeu na unyanga luvangaa, lwa nsu ulya nniini na iranda lya Iruva, na valya valefwa vekee na Kristo mmbo vashesongwaa irutwa mbele.

Usukuyony 18:8

Kimmba ni indo ngapo takwe tishensheyaa nkonu umwi, ufu, na ting'wa, na shaa, nawe mmbo asherumatwaa deny ni muro. Mashika Nndumi Iruva yeto alemwaanduya mmuni finya shoose.

Usukuyony 6:17

Mashika nkonu yeto nniini, urye unyafi lwawo wansha, a mmbi yeto ashenkyaa?