YOELI 2:1 - BIBILLYA Mareiyo Meele a Iruva

¹ Yeni va Sioni, kapeny mbembe, Ongoreny yeni mukee ifumbuny yeele vandu va uruka woose vareremye-u Kimmba nkonu wa Nndumi Iruva wansha.

YOELI 2:1 Iomraidhean Croise

1 MBONY TA FYEERI 15:28

Naasa Vaisraeli woose vakakuumbya amwi ikurika isanduku lya kyaasa lya Nndumi Iruva fika Yerusalemu ando amwi vefuraa. Vakalyiimya veefinaa na yiimba na unyanga lwa wo ngata. (Barangumu, tarumbeta, matoasi finanda na finubi)

SABURI 119:120

Mmbo nkekureremya shikwiinndyaa;

SABURI 87:1

Iruva mmbo aletannya mmba yakwe Uwe ya ifumbu lyakwe yeele.

YUUKA 10:14

Nrie yeto tikakwaana Misri koose, nta nkulenkaa-fo nrie sheeto ukya elyo-fo nta numa ya vayo nkushekaafo tingyi tifye-indo-fo.

ISAYA 13:6

Kapeny kyiiyo mashika nkonu wa Nndumi Iruva ni kufii ukai, mmbo ukeesha ngapo yuuka kwa Nndumi Iruva atiri finya.

ISAYA 13:9

Nkonu wa Nndumi Iruva ukeesha nkonu nkasha wa nyashi shikasha ya Nndumi Iruva ishaallwa uruka luve urumato ishemamita valyamari vakwa.

ISAYA 2:12

Mashika Nndumi Iruva wa matorito, mmbwe asherelelisaa wo umwi yeto atiri nrima wa ikutuula neekurosa we muni na valya vatiri finya.

ISAYA 66:2

Mashika woko llo luletana efyi fyoose, findo efyi fyoose kutani fyayutika, ni Nndumi Iruva aamba, indi nndu yeu mmbwe shimullaa, nndu akee nnana, atiri ngoo ikunyiisye itirwa mbwiiri, yeto akee irerema kyeeri eeta irero lyakwa.

ISAYA 66:5

Aranyiny irero lya Nndumi Iruva, yeni mukererema kiruma kya irero lyakwe; vana vama vany vamusuuye yeni, valemura kimaruma kya irina lyakwa, waleamba, “Naarafumwa Nndumi Iruva lwiidimi ilollya ifura lyany; indi washesutwaa.”

YEREMIA 16:10

Kyeeri kushevia vandu marero yoo moose, nawo vashekuvesa, ‘A kyikyi Nndumi Iruva alurikkya ngapo ing'ani indi uwe yeeru? Ni ukasha-ki lwatana? Ni ulyamari-kyi lwatannya Nndumi Iruva, Iruva weeru?’

YEREMIA 16:7

Nkwiifo nndu ashevafishya kyenga kya nkate yewo vakeiya kyimaruma kyeevavirya muu yewo vafiiywa nta ivaniinga kyikombe kya mura weena ndeye ao maaye-fo.

YEREMIA 4:5

Rerya kulya Yuda, ongoya Yerusalemu, “Kapeny iranda urukeny koose; Ongora deny kwaamba, ‘Kuumbyeny amwi, lurishye yaanga miriny itiri turuve!’

YEREMIA 5:22

A musheereiyye-se? Ni ndumi Iruva avesa; Mureremaa-se mbee yakwa? Mmbo shilevika nsanga uve nnyanu wa yeeve, nnyanu ilashiidimaa ikillya; ra neelyi matundulu akweeraa, lyo nnyikillyaa nnyanu yeto-fo;

ESEKIELI 12:23

Vavie sheelyi yeny Nndumi Iruva shaamba sheelyi kyaaso yekyi nkyikaa kisendwa lyingyi urukeny Israeli-fo. Vavie sheelyi kyeeri kyammafukya kya ukisuku loose luinukye.

ESEKIELI 21:12

Yewe mwana wa nndu, kapa kyoorongye, kuffwe na unyanga lwa mavavyo, mashika vandu vakwa vammipoiywa usu, nkyilasha kya vasongoru woose va Israeli, Vamiipowa vandewaawaa ando amwi na vandu vakwa. kweekyo kapa shoro yafo.

ESEKIELI 30:3

Mashika nkonu yeto ukee kufii, nkonu wa Nndumi Iruva ukee kufii mmbo ushevaa nkonu wa mafishi kyeeri kya urumato lwa masanga.

ESEKIELI 33:3

kwakooya alollya usu lwiisha uwe ya uruka yelo, kakapa wombe lweiikyimba vandu;

ESEKIELI 33:6

Lyo mwiringa kalollya usu lwiisha, nta nalakape wombe, nta vandu valaikyimbwa, na usu lukasha lukootau nndu moose nnang'ani yaawo, yeto ammuutwau ekee yefo ulyamariny lwakwe indi samu yakwe mmbo shiivesa yefo maakony a nringyi yeto.

ESEKIELI 7:10

“Kwiiseny, nkonu ulya ukee kufii! Umbiiri lwammbaa, ikung'anisa lyammoora Urumato lwany lwansha.

ESEKIELI 7:12

Kyeeri kyansha, yee, nkonu ulya ukee kufii. Mwiyuura nalashekushela nta mwikumba nalaiye-fo; mashika ngapo yakwa mmbo ishewoyaa vandu woose.

DANIELI 6:26

Mmbo shavavasya, vandu woose-si ya ushilyi lwakwa, vaereye na yiindya Iruva yeu wa Danieli. We ni Iruva akee na muu, nawe mmbo asheshillyaa llung'anu. Umangyi lwakwe lulamamitwaa nta wiidimi lwakwe llukaa lumande-fo.

DANIELI 9:16

Ni yewe Nndumi kuleva mwiluringa efo koose luukye. Kulakirooywa-se nngoo kimaruma kya Yerusalemu-fo; nta kimaruma kya ngyulyamari teru na uravi luletanwa ni vakuu veru-fo. Yerusalemu muri wafo na ifumbu lyafo yeele. Vandu va masanga valuringyitye mmbo vakeemina Yerusalemu na vandu vafo kimaruma kya ulyamari lweru na kya uravi lwa vakuu veru.

DANIELI 9:20

Kyeeri shiifo shireraa neetereva, neekurya ulyamari lwakwa, na ulyamari lwa vandu vakwa Israeli, na yeererya Iruva wakwa navauwe mmba yakwe sheele.

HOSEA 5:8

Kabeny iranda lya fira kulya Gibea! Muvekaba wombe kulya Rama! Ongoreny kya fira efo Bethaven! Vandu va Benyamen, endeny fireny.

HOSEA 8:1

Kaba iranda. Ekawo misa mmbo vakeesha sha uviri urukeny lwakwa! Vandu vakwa mmbo valefisha kyaasa kilya shilevika nawo, vakamina na ufundo lwakwa.

YOELI 1:15

Woshiny lweru nkonu yeu, Mashika nkonu wa Nndumi Iruva ukee kufii mmbo ushaa sha urumato luukye kwa yeto akee Mwaafinya.

YOELI 2:11

Nndumi Iruva mmbo avavasya ironda lyakwe, valya vamwiirikye vakava veengi neetira finya. Apaa nkonu eto wa Nndumi Iruva shaasa weeresye. Mmbi asheturunyaa?

YOELI 2:15

Yeni va Sioni, kapeny mbembe Kusanyiryeny veengi nnu mukootoye,

YOELI 2:31

Nkyeere urete sa yavayo na mwiiri ufwani samu. Efyo filollyo kulore nkonu eto nniini wa Nndumi Iruva weeresye wansha.

YOELI 3:14

Mashika nkonu eto wa Nndumi Iruva, ukee kufii; Yoo imungony elyo mmbo kushekumbya-u nsemu nniini deny wa vandu kwa yuutywa uvingo.

YOELI 3:17

Llyo mushemanyaa, yeni Israeli, sheelyi yeny ni Nndumi Iruva, Iruva waany, shikee ifumbuny lyakwa yeele lya Sioni. Nato Yerusalemu mmuri mweele. Vandu va masanga mmbakaa vauvinge-se-fo.

AMOSI 3:6

A iranda lya fira lyikapwaa vandu vare valeereve? A vandu vasheywaa nngapo kulore Nndumi Iruva annyiruma?

AMOSI 5:18

Mmbo kishevaa kyuumu deny kwa yewo vavereye nkonu yeto wa Nndumi Iruva ushe! Nkonu yeto mmbushemuviiya mbusha-ki? Mmbo ushemuviiya nkonu wa ireema, nta mmbushevaa sa-fo.

AMOSI 8:2

Nndumi Iruva kavesa Amosi, Nkyokyi ekyi kulollye?” Kammbia, “Nkikapu kitiri ndunda.” Nndumi Iruvan kashivia, “Kwa vandu vakwa va Israeli ekyi nkyo kyeeri kyeefurummya. Nshikialashaa-se kilya kyeevakapa-fo.

OBADIA 1:15

Mashika nkonu yeto wa Nndumi Iruva ushesheyaa masanga moose. Wo nndu nataiywa kilya aletana. Wo nndu neekeryo iryo lyakwe efo nrony.

SEFANIA 1:14

Nkonu yeto nniini wa Nndumi Iruva nkufii ukai, kufii nnu, mmbo ukeyaangusya isha! Ni nkonu ushevavisaa; Naakwa vava matorito vatiri fisha nkonu yeto mmbo vashefwaa!

SEFANIA 1:16

Ni nkonu uringitye ni maranda a fira, na kyoorongye kya matorito va fira, vasammbwaa miri miikare na minara ya vayo.

SEFANIA 1:7

Nkonu ukee kufii kyeeri Nndumi Iruva ashekaa rembo yuutya vandu uvingo, nkyo mmalallya sau mbee yakwe. Nndumi Iruva mmbo akee idesya yuutya vandu vakwe vave kiraso kyemamitywa mmuro, mmbo ambaanga misa ishekaba Yuda.

SEFANIA 3:11

Kyeeri ekyo eni vandu vakwa nta mmushekitirwaa nsony mashika elyi muleshilyamarya-fo. Neeto moose mwikurosa akee nravi mmbo nshe-dovaa-u. Llyo neeni mulakishilyamaryaa-se alya ifumbuny lwakwa yeele.

SEKARIA 14:1

Loleny nkonu wa Nndumi Iruva ukeesha. Yeni vandu va Yerusalemu, masaa any akeeshaawa mbee yaany mwiilollye.

SEKARIA 8:3

Yeny mmbo shiwuya muriny wa Sioni shishevikaa marembo akwa yoo Yerusalemu nnang'ani. Yerusalemu mmbo ushevaangwa muri wa usumanu, na ifumbuu lyakwa yeny Nndumi Iruva muni matorito, mmbo ushevaangwa ifumbu Yeele.

MALAKI 4:1

Manyiny-te nkonu yeto wa Nndumi Iruva wiifo ushaa. Mmbo ushelollyoo sha muro nniini. Yewo veekung'anisa veni na varavi vashevaa sha muulu. Nndumi Iruva wa matorito mmbo aamba nkonu eto mmbo ushemamitaa vandu kulashesaau nta nri ao itavi.

MEEKYENA 10:2

“Songosieny maranda avii a fesa, ni ishora lya mfuuru, tive teevaanga vandu vakwaanannye,

MEEKYENA 10:3

Na kyeeri vakabaa maranda yoo, ironda lyoose mmbo lyishekuummbyaa, yoo mwaangony wa yeema yeele lya ikwanannya.

1 Vakorinto 14:8

Mashika iranda lyikakapwa lyikauta unyanga lulaishiwa mmbi akudeesyaa kya fira?

Vafilipi 2:12

Kyasiany vakunde vakwa, shaasa muletira wiindi mikonu myoose, nta nshi kyeeri kilya shekee neeni-da-fo, kyaindi kive indo mmwasi elyi shilaiyo, moore ukiro lwany yeni muveni mwiitirwa ni usau na irerema.

1 Vatesalonike 5:2

Kimmba yeni muveni mmbo mwiishi ninsha sheelyi nkonu yeto wa Nndumi weewuya mmbo usheshaa sha inyinyi kyeeri kya kio.

Yakobo 5:8

Na yeni kevesisiryeny-te mukaarise mirima yaany, mashika isha lya Nndumi mmbo lyikee kufii.

1 Petro 4:7

Lyo masiyony a findo fyoose ansha kufii, naasany, wareny urango muvelala shoovi mwiterevaa.

Usukuyony 6:17

Mashika nkonu yeto nniini, urye unyafi lwawo wansha, a mmbi yeto ashenkyaa?