YOELI 1:13 - BIBILLYA Mareiyo Meele a Iruva

¹³ Yeni vakohani raeny soori ta kiiyo. Ongoreny yeni veerundya ando kweele Oshony mulale shoovi, yeeni veefurukanya Iruva. Mashika elyi firaso lfya nswa na mfinyo filakiifo.

YOELI 1:13 Iomraidhean Croise

2 SAMUELI 12:16

Nawe Davidi kafuuya Nndumi Iruva kimaruma kya mwana yeto. Davidi kakootoya, kalala si eeterevaa.

1 VAMANGYI 21:27

Ahabu ekiita mbony yeto, kakuuta soori takwe karaa makunnya, mwiiliny wakwe, kakootoya, kalaaya makunnya, keenda ekunyiisye.

ISAYA 22:12

Nkonu yeto Nndumi Iruva wa matorito, mmbo ekunndye mukape kiiyo, neefira muute fii ta nrrwe neeraa soori ta makunnya.

ISAYA 61:6

Indi, yeni mmbo muvaangwa makohani va Iruva weeru, mmbo mulyaa umasi lwa masanga, na iitikisa usuri lwawo.

YEREMIA 4:8

Kya indi, reeny makunnya, mufwe neekapa kiiyo nnu; Mashika nyashi shinyaasi ya Nndumi Iruva nnyishiindukaa ilure-fo.”

YEREMIA 9:10

“Kwiipo kapeny kyiyyo na yoongora kya mafumbu, na iffwa kya ngorosho ta nng'alo, mashika mmbo fikee imamika nta nndu ashiiraa-fo, nta yaana lya findo llyiitiwa-fo; ndeye ta nginii-u na mafisi a ngoroshony nfyanrisha na imaya.

ESEKIELI 21:12

Yewe mwana wa nndu, kapa kyoorongye, kuffwe na unyanga lwa mavavyo, mashika vandu vakwa vammipoiywa usu, nkyilasha kya vasongoru woose va Israeli, Vamiipowa vandewaawaa ando amwi na vandu vakwa. kweekyo kapa shoro yafo.

ESEKIELI 27:31

Mbashoota nrwe na weembe kimaruma kyafo, neekufingya makunnya, kiiyo kya mavavio kishevarovya miriny yaawo.

ESEKIELI 7:18

Mmbo varaa soori ta makunnya, vetirwa mmbwerei na usutu na mirwe yaawo ishuutwa iwoya.

HOSEA 9:5

Elyi kyeeri kisauwe kisheshaa kya yuutya Nndumi Iruva mirumwa na sukukuu, mmbo vashentannya-ki?

YOELI 2:12

Naakwa ni ulaalu Nndumi Iruva arera na vandu vakwe kaamba, “Kuryeny kya dede deny mukootoye neekapa kiiyo.

YOELI 2:14

Kulakooye Nndumi Iruva ashealashikaa naluniinge-se mbora, llyo neeni mushemutyaa firaso fya nswa na mfinyo.

YOELI 2:17

Vakohani vefurukannya Nndumi Iruva ando kweele na yoo mwangony wa mmba ya mwiindye vaiye netereva, veshaamba, “Voi Nndumi Iruva auwany vandu vafo, nta kulalotore vandu va masanga engyi valwarare na iluteenda, veshaamba, ‘AIruva waany akee kwi?’”

MEEKYENA 28:14

Na firaso fyeena mmbo fivaa kyenga kya nini na ng'umbe, na kyenga kya lita ya mfinyo isandwa na suva yeyo na kyenga kyingi kisandwa na ngurana yeyo ya suva, na yekyi nkyo kiraso kyemamitwa kya wo mwiiri wa mwaaka.

MEEKYENA 28:4

Ngurana imwi mmbo ishuutwaa ngama na ingyi nkwaany,

MEEKYENA 28:7

Na kiraso kya kindo kyeena kyikee ni kindo kinangaa na ngurana yeyo, fyuutyo Nndumi Iruva ando yoo eele.

MEEKYENA 29:6

mmwasi ya kiraso ekyo elyi mwiiri wabooka, na kiraso kya nswa, na kiraso ekyo kyeemamitwa kya wo nkonu, na kiraso kya nswa na fyeena, shaasa ivavasyo lyikai, five nrungo nsha wa kiraso kyemamitya Nndumi Iruva na muro.

1 Vakorinto 4:1

Nndu nalulole indi, sheelyi mmbo lukee varundi va Kristo, na vangari vekallya fyama fya Iruva.

1 Vakorinto 9:13

A-mmbo mulaishi sheelyi valya varundaa mmba ya Iruva mmbo valyee findo fya vayo, na valya varundyaa yoo kitareny kyerasya mmbo vawonisa-u waavi lwawo?

2 Vakorinto 11:23

A-wo ni vefurukannya Kristo? (A shirere sha nsukwa), yeny ni mmwasi; efo ngatareny shavairya deny, na ifingwa shailannya deny, neekapwa shailanya kyeeso; nrengeny ya ufu keengyi.

2 Vakorinto 3:6

Nawe mmbwe yeto akeelwiidimisya iva veekeya Nrumi ya Nsia; nshi wa mareiyo-fo, lyo mmbwa mumuyo, mashika mareiyo mmbo awaa, lyo Mumuyo to mmbo urutaa.

2 Vakorinto 6:4

Kyaindi lukuwonisye nnduma kya wo kindo, sha varundi va Iruva; na usisiryo wiingyi, na ngatareny, na ifiiyo, na fyuure.

Usukuyony 11:3

Na yeny mmbo nsheningaa vakureekyi vakwa vavii mumu vaute ukureekyi ando a mikonu 1, 260, veree makunnya.