Yakobo 4:8 - BIBILLYA Mareiyo Meele a Iruva

⁸ Serikyeny kufii na Iruva nawe mmbo ashekaa kufii na ini. Maako any nalatani makasha-fo, kimmba mulakee va nrwe umwi.

Kyaasa Kiiya

⁸ Serikyeny kufii na Iruva nawe mmbo ashekaa kufii na ini. Maako any nalatani makasha-fo, kimmba mulakee va nrwe umwi.

Yakobo 4:8 Iomraidhean Croise

SABURI 145:18

Yewo vembaanga Nndumi Iruva kakaa kufii nawo, Mmbo yewo vambaanga na nsia.

Vaebrania 10:22

luserikyeny ng'u na nrima wa dede, na kyikusiryo kivangyi, lukee vasangye mirima yeeru lure makusaro makasha, lukee vasangye miili yeeru na mura mweele.

MALAKI 3:7

Uka kyeeri kya vande vany mmbo muleeveka mukara mavavasyo akwa. Shiwuiyeny-te, neeny shimuwuiye yeni. Lyo yeni mukaamba, “A mmbo lukuwuiyaa inda?”

SEKARIA 1:3

Kweekyo, enda kundevavia; Nndumi Iruva muni matorito mmbo aamba, Wuyeny kwakwa, na yeny shishemuwuuya, ni yeny Iruva muni matorito shaamba.

2 MBONY TA FYEERI 15:2

Nawe keenda yaambya mangyi Asa, kammbia, “Sharanya yewe mangyi Asa, na vandu woose va Yuda na Benyaminy! Nndumi Iruva mmbo akee amwi neeni, kwakooya mwakaa amwi nawe. Mukammuruuya, mmbo mullollya, indi mukanra nawe mmbo ashemuraa.

YEREMIA 4:14

Yewe Yerusalemu, sambya uravi lwa nrima wafo naambo kukooye ikyirwa. A ni fika indii kukaa na makusaro afo makasha?

1 Yohane 3:3

Na wo nndu avikye nsia indo mmbo akwiilyisaa, shaasa we avekee mweele.

SABURI 51:10

Woi Iruva shyuumbya ngoo sheremutu. Kushiniinge nrima mwiiya nsongovisi.

Vaebrania 7:19

(mashika ivavaso llya lya mbee lyileinutya kindo-fo); na ando amwi na ifyo mmbo kulesha-u ivereya iiya isha mmwasi lyelusembera kufii na Iruva.

2 Vakorinto 7:1

Naasany vakunde vakwa, kimmba lutiri fyaasa yefyo, lukwiilyise luveni lulakani na kirinda kyoose kya mwiili na nrima, lwishinutyaa weele lweru lushindyaa Iruva.

ESEKIELI 18:31

Ereny kwaasha ngyulyamari tany toose yeto mulellyamara, muree ngoo shiiyya na mirima miiyya: nkyikyi mukunndye ifwa, yeni va mmba ya Israeli?

SABURI 73:28

indi, kyakwa yeny ni ikaa kufii na Iruva! Yewe Nndumi, Nndumi Iruva mmbwe mbanga yakwa, Mmbo shirumishaa mashora afo moose kutannyi.

1 MBONY TA FYEERI 28:9

“Na yewe mwanakwa Solomoni, kumanye nisha Iruva wa nde-wafo, kundunndye na nrima wafo wa toki, we Nndumi Iruva, mmbo eeshi isuma na imanya mirima na makusaro a vandu. Kwamumanya-we, kullollya, indi kwammukapa mungo, mmbo ashekweera kwaasha llung'anu.

1 Petro 3:21

Ubatiso mmbo luvakye findo efyo, mashika ubatiso mmbo lukeemukira yeni mikonuny yei, (nshi kya ira uravi lwa mwiili-da-fo, kyaindi kya nrima ulatiri usakiro mbee ya Iruva), kyeendwa ni iruka lya Yesu Kristo.

YOBU 17:9

Naakwa ni indo, mworotu mmbo atiraa usumanu lwakwe, nndu mwitana fya usumanu nnyaengeraa itira finya mmwasi.

Matayo 12:33

“Allweny nri uve nsha na ndunda ta vayo tiveshia. Ao allweny nri uve nkasha na ndunda ta vayo shikasha.

1 Timoteo 2:8

Kimmba ni indo, mmbo shikundye vomi vaate miindye wo ando, veshiipoo maako awo vavikye vandu mbora kulaiyo ulai nta unyafi.

ISAYA 29:13

Nnndumi Iruva mmbo aamba, “Vandu eva vakee ishiinndya kwa marero-nsi na kunu mirima yaawo mmbo ikee kwaasha na yeny. Mmbo vashiinndyaa velolaa mikaaye ya vandu-nsi.

SABURI 24:4

Ni vandu valya vamurundya na nrima mwaa, Valaindyaa maruva engyi, Nta ilya mboo ya wongo-fo.

1 Petro 1:22

Mukammaa ikwiilyisa mirima yaany na iirikya dede yeyo, muvefikya ikunda lya Kikristo lyilatiri ukunang'ari, mukundani na nrima.

SABURI 18:20

Nndumi Iruva; kashininga findo fya pya, Kimaruma shilerunda fya usumanu, Na maako akwa alatiri ukasha.

Yakobo 1:8

Nndu akee ilasa kuvii mmbo atirwa nnyinyira shieny takwe toose.

SABURI 26:6

Woi Nndumi Iruva mmbo shasangya maako akwa, Kya yoora sheelyi nshitiri ivara-fo, Shakulunga na valya veanga mwiindyeny, Sharingitya mesa afo.

Mashora 15:9

nta nnyalevikau kilakaniso nnang'ani yeeru yese nawo-fo; kavasangya mirima yaawo na kikusiryo.

Mapookyony 18:23

Abrahamu kasembea kufii kammbia, “A mmbo kusherumataa yeto wa usumanu kunsande na yeto nravi?

YOBU 16:17

Ra na elyi kulaore shallammya nndu na woko lwakwa, na fiterewo fyakwa kwa Iruva n fyaa.

Matayo 15:2

A nkikyi elyi vakiloshyony kyafo vava veimmbwa ngyufundo ta vakuu? Mashika vara valasangya maako elyi valya shoonga.

YEREMIA 4:11

Kyeeri yekyo nkyishevywaa vandu na Yerusalemu, “Uraato lwa muro uka uwe ya fidooro yefo kasa koomu lukesheya mfu va vandu vakwa, nshi lwaiyeela ao ivivita mamburu-fo,

YOBU 9:30

Naakwaa shasamba na laura ya kyaamwi, na isangya maako na sabuny,

ISAYA 13:15

Yeto moose ashelollywa mmbo ashedoshwa ndeu, yeto ashetirwa mmbo ashewaawa na usu.

SABURI 73:13

A-nkonu wakwa mmbo ulefwa-ki Shileinndya indo mavavaso shilatani ulyamari?

Matayo 27:24

Naasa Pilato kalollya kulaifo kindo kyikyivaa, kyoorongye kilya kyikaenda kyiing'anaa tupu. Kawarya mura kasangya maako yoo kisanguny kya vandu valya vakuummbye-u mamwiingyi. Kaamba, “Loleny yeny nshitiri ukasha na samu ya nndu yeu-fo. Loleny yeni muveni!”

1 SAMUELI 14:35

Nawe Sauli katannya Nndumi Iruva kitara kyeerasya, nakyo nkyo kitara kya mbee Sauli aletannya Nndumi Iruva.

SABURI 119:113

Yewo vatirwa nyinyira mmbo shivasuuye, Lyo irero lyafo shalyikunda.

ISAYA 58:2

Indi vakeshiruuya wo nkonu; vakundye imanya shia takwa, sha masanga alya aletana usumanu, valare ivavaso lya Iruva waawo, nng'u mavavaso a dede kwakwa, wakafura ikaa kufii na Iruva.

Yakobo 3:17

Kyaindi urango luukye kwa Iruva mmbo lukee usha, lwa urilalyi na ufoo, lwa waarya, lulangye yarannya vandu vengyi, lukaishwa ilyillya na itira ndunda shisha, lulatiri uriingyi, nta lulatiri ukunang'ari.

FIIYO 3:57

Kwashirouwa kwashivia shilairyae-fo