Yakobo 4:1 - BIBILLYA Mareiyo Meele a Iruva

¹ A fira nkwi tikeyuuka ando amwi na ngapanu eto tikee kwany? A-nshi kunu kwany kweni efo langony eto tikapanaa na malungo any?

Kyaasa Kiiya

¹ A fira nkwi tikeyuuka ando amwi na ngapanu eto tikee kwany? A nshi kunu kwany kweni efo langony eto tikapanaa na malungo any?

Yakobo 4:1 Iomraidhean Croise

YEREMIA 17:9

Nrima va nndu mbutiri ulembi, ukailannya findo fyingyi fyoose, mmbutiri ukunang'ari deny a mmbi aumanyaa?

Matayo 15:19

Shamashika efo ngoony mfo kundo kushuukaa makusaro meesi, na fya uwai, na fya utuusi, na wiivi, na fya urui, na fya ukureekyi lwa wongo, na fyaararo.

Yohane 8:44

Yeni mmbo mukee va nde yeto waany we mmbishwa. Na efyo fikunndyo mmbwe mfyo mukunndye itana. We ekee mwiiwaa vandu uka elyo mapoonkyony nta nalakee na dede-fo kimmba efo nriminy mmbwakwe kulaifo kya dede yeyo kyeeri arera wongo mmbo arera ekyo kikee kyakwe muni, mashika we akee muni wongo kaveva mmbwe ndeye wa vayo.

Varome 7:23

Lyo kunu malungony akwa shalollya-fo ngata ingyi, ikeekapana fira na ngata ilya ya umanyo lwakwa, na ishikamara mfungwa wa ulyamari kyishuukya kunu mwiiliny wakwa.

Varome 7:5

Mashika llya lweekee na ngata ya mwiili, lango ta ulyamari yeto tilelollyo kyimaruma kya uvavaso, mmbo tilerunda mashora efo malungony any kutani taonisya ufu kimu,

Varome 8:7

Kyimmba kirengo kilya kya mwiili ni ukiduva na Iruva, mashika elyi kilashiindyaa mavavaso a Iruva, nta nkishiidimaa iinndya-fo.

Vagalatia 5:17

Mashika to mwiili mmbo utiri lango wikapanaa na Mumuyo, na Mumuyo ukakapana na mwiili; mashika efi fivii mmbo fivikyani kiduva kutani mwalemwa imanya kyeetana.

Vakolosai 3:5

Kyasia, lakaniny na lango sheesi ta ya ulaniny, utuusi na uravi, na ilanga, llyo iindya maruva a wongo;

2 Timoteo 2:23

Lyo marero a utondo evesa-vesa alemi mashika nshi a urango-fo, nang'u mmbo ashendee myaandu tupu.

Tito 3:3

Mashika elyo mbee naakwa ni yese llweetiri urango-fo, mmbo lwekee varavi, lukalembika, lwiirundyaa lango sheesi ta wo ngata, lwiisindaa uraviny na ukasha neesuvana na vengyi.

Tito 3:9

Kyaindi lyo marero a ulai kukwiise nang'u na ng'anu-ng'anu, na myaandu, na ulai lwa mbony toorokye. Mashika efyo mfitiri mbusha-fo nta urango-fo.

Yakobo 1:14

Mashika wo nndu mmbo eswaa llango takwe muni timoommwaa na illemba.

Yakobo 4:3

Naakwa mwatereva, mmuwonisaa-fo mashika elyi muterevaa kikasha, naambo murundye nafyo lango eto tany.

1 Petro 1:14

Veny sha vana vatiri wiindi mure mulasora lango tilya ta mbee teeriyani na utondo.

1 Petro 2:11

Vakunde vakwa, mmbo shamwiikima mwikee sha vandu va kyaaro valaiyo kyaasha, kwiiseny na lango ta mwiili yeto tikapanaa na mumuyo.

2 Petro 2:18

Mashika kyeeri vapuswaa marero maniini nnu ekurosa nnu, na uravi na lango ta mwiili velembaa vandu valemmaa irisha valya vakeengera ikaa efo ngaeny ya ulembi.

2 Petro 3:3

Mwimanyaa mbele irero lya elyi kya yaamba elyi mikonu ya ifurumya mmbo vasheshaa vandu va kinyala na vetatala, vesoraa lango tawo veni.