Valevi 5:2 - BIBILLYA Mareiyo Meele a Iruva

² ao kwakooya nndu apaana kindo kikee kitefusu, sha nnying'a wa kindo kya ngoroshony ukee ntefusu, ao nnying'a wa kindo kya mmba kikee kitefusu, ao kya ikuru lyikee itefusu, na kindo ekyo kyikava kirike kwakwe, lyo we kava ntefusu, llyo ashekurikaa ulyamari lwa vayo;

Valevi 5:2 Iomraidhean Croise

SABURI 19:12

A mmbi ashiidimaa ilollya ukasha lwakwe muni? Nndumi kushiliilyise na efyo fya kirika.

ISAYA 52:11

Endeny kyany, endeny kyany, ukeny efo, mulapaani kindo kiravi, ukeny nnang'ani ya vayo; veny vandu vesha yeni murye fisha fya Nndumi Iruva.

Valevi 11:11

Ni tefusu kwany, mmulyaa nyama ta vayo-fo na minying'a ya vayo ni tefusu.

Valevi 11:8

Mulalye nyama ta vayo, nta mulafibaani naakwa fifiiye-fo, ntefusu kwany

Valevi 4:13

Na kwakooya ironda lyoose lya Israeli lyatana ulyamari lulakusarye, na kindo ekyo kilalollyo paa misony awo, kyeendi lyo mmbo valeimbwau kya efyo Nndumi Iruva alevavasa sheelyi valatani, nakyo kikavatefusany,

Valevi 5:17

Na kwakooya nndu atana ulyamari katanau kimwi kya efyo Nndumi Iruva aleima filatano, naakwa aletana indo nalaishi, lyo mmbo allyamara, nkuti neebo uravi lwakwe.

Valevi 5:3

ao kwakooya mmbo apaana kindo ekyo kitefusu, ao kya nndu wa vandu, na findo efyo fitefusu fikava mfyo fyatefusa nndu eto, nawe nta nallamanye, kyeeri ashemanyaa llyo amanyaa sheelyi mmbo akee ntefusu;

Valevi 5:4

ao se, kwakooya nndu akulyisa mboo we muni elyi aangusya we muni isenda kaniny kyakwe nawe karenga ao katana mesha, kindo kyoose ekyo ashesendaa elyaa mmbo kulore ankusara nisha nakyo kiva kindo kirike kwakwe; llyo kyeeri ashemanyaa kuti namanyi sheelyi mmbo akee uvingony,

Valevi 7:21

Na kwakooya nndu ungi, ao kya kindo kitefusu, ao findo fingi fyoose firavi, numa nndu yeto kalya nyama ya kiraso kya ufoo, kya Nndumi Iruva, nndu yeto narauwa na vandu vakwe.

HAGAI 2:13

Llyo Hagai kaamba, “A kwakooya nndu apaana nndu mfu kava ntefusu. Kwakooya apaana findo efyo na woko, ndesa fivaa fitefusu?” Vakammbia, “Ee”

MEEKYENA 19:22

Na kindo kyoose kyabaanwa ni nndu ntefusu nakyo mmbo kivaa kitefusu, na nndu apaana kindo ekyo kitefusu nawe naveva ntefusu kufike nkwaany.

Luka 11:44

Oshiny lwany! Mmbo mufwanani na fifu filalollyo na vandu yewo veirau yoo uwe valafimanyi.”

2 Vakorinto 6:17

Naasany, Lakaniny nawo, mukee kwaasha nawo, Nndumi aamba indo, mulapaani kindo kitefusu-fo, mmbo nshevawaryaa kwakwa,

NKUMBUYE WA UVAVASO 14:8

na nguve nayo ikwaavye mbungashu, lyo nnyirafunyaa mura-fo, nkyo nguve nshitefusu, mulalye nta mulaipaane naakwa ifiiye-fo.