Valevi 4:7 - BIBILLYA Mareiyo Meele a Iruva

⁷ Numa ya vayo nkohani napusuye samu ndumba toose ta kitara kyeerasya ekyo kyeefumirya nrungo mbee ya Nndumi Iruva, yoo yeemeny yeele; numa ya vayo samu shoose ya ng'umbe yeyo nasheipusuya yoo si ya kitara kyeevika firaso fyeekora na muro, yoo mwaangony wa yeema elyo.

Valevi 4:7 Iomraidhean Croise

SABURI 118:27

Nndumi Iruva mmbwe Iruva, Nawe mmbwe alweengye sa. Ipoony maangashi mwikesaa mweende, mwiiriani kutani mwafika yoo kitareny kyeerasya.

YUUKA 29:12

Numa kwiipoo samu, kunanatye efo ndumbeny iinya ta kitara kya irasya na nni wafo, numa pusuya samu shoose yoo kwasi ya kitara kya irasya.

Valevi 1:5

Nawe mmbo asheshishaa ng'umbe yeyo yoo mbee ya Nndumi Iruva. Na vakohani vana va Aron, vasembere samu yeyo, vaifwallye taari toose ta kitara kya-irasya ekyo kyiikee yoo mwaangony wa yeema elyo.

Valevi 16:18

Naasa nasomuke neende yoo kitareny kya Nndumi Iruva kyeerasya neevika usandi kyakwe muni, neebou samu ya ng'umbe ilya, na samu ya mburu ilya neevika kitaren tari toose.

Valevi 4:18

Na samu ingi naivike efo ndumbeny iinya ta kitara kyeerasya kikee mbee ya Nndumi Iruva, ekyo kikee yeemeny yeele, numa samu shoose naipusuye yoo si ya kitara kyeele ekyo kya firaso fyeekora, kikee yoo mwaangony wa yeema yeele.

Valevi 4:25

Naasany nkohani naipoo samu ya kiraso ekyo kya ulyamari, nashoshotye efo mbai ya kitara kya firaso fyeekora na muro, na samu yeyo ingi naipusuye yoo kwasi ya kitara ekyo kyeekora firaso.

Valevi 4:30

Naasa nkohani mmbo ashiipoo samu ya vayo na nni wakwe, neivika efo mbai ya kitara kyeerasya, na samu ya vayo shoose mmbo asheiletyaa yoo kwasi ya kitara kyeerasya.

Valevi 4:34

Naasany nkohani naipoo samu ya kiraso ekyo kyeekora na muro na nni wake a aivike efo mbai ya kitara kyeerasya, numa samu shoose naipusuye efo mbai ya kitara ekyo kyeerasya;

Valevi 5:9

numa samu ya vayo kyenga mmbo asheishoshotya efo mbai ya kitara kyeesya, na samu yeyo yeesaa-u ishoshotyo efo kwasi ya kitara ekyo nkiraso kya ulyamari.

Valevi 6:30

Llyo kiraso kya ulyamari nkishelyiwaa-fo ekyo samu ya vayo ileenda neefo yeemeny yeele, naambo ivike usandi yoo ando kweele; mmbo ikorwaa na muro.

Valevi 8:15

Naasa kaishisha, na Mose kaipoo samu ya vayo, kaishoshotya na nni taari toose ta kitara kyeerasya, kaeremuta nayo kitara ekyo, numa kaletya samu yeyo yoo kwasi ya kitara, kakyeeremuta, naambo navike usandi kimaruma kya vayo.

Valevi 9:9

Naasa vasero va Aron vakanserisya samu ilya, nawe koolotafo nni vakwe, na iyaamba efo mbai ya kitara kyeerasya, kawuya kaletya samu yeyo yoo kwasi ya kitara,

Vaefeso 2:13

Kyaindi ulaalu kimmba mutiri Kristo, yeni elyo mbee mwekee kwaasha ulaalu mmbo mwammendwa kufii nsamu ya Kristo.

Vaebrania 9:15

Kimmba ni indo mmbo akee Nrumi wa Kyaasa Kiiya, naambo, ufu lukammekaa-u kimaruma kya yuuta filya fikasha filetanwa kyeeri kilya kya kyaasa kilya kya mbee, yewo vakee vavaange vawarye kyaasa kya ding'u ya llung'anu.

Vaebrania 9:21

Na yeema elyo nalyo na fiiya fyoose fya miindye kafinanatya samu kiwo,

Usukuyony 6:9

Kyeeri aleporommwa muuri ulya wa karaanu, shalollya yoo kwasi ya kitara kyeerasya mimuyo ya valya valenshishwa kimaruma kya irero lya Iruva, na kimaruma kya ukureekyi lwawo.