Valevi 3:9 - BIBILLYA Mareiyo Meele a Iruva

⁹ Nawe mmbo asheserisyaa-u kiraso ekyo kya ufoo kive kiraso kwa Nndumi Iruva ikoraa mmuro, nng'u mafura a vayo na kia yeto wa mafura moose, mmbo asheurumbwaau yoo ifweny deny, na mafura yoo asikye ma na maangaau moose,

Valevi 3:9 Iomraidhean Croise

2 SAMUELI 6:17

Vakaata isanduku lya Nndumi Iruva kulya mmba vakalyirwaa ando a vayo alya Davidien-deesya yoo nnang'ani ya yeema llya yeele, naasa Davidi koota firaso fyeekora na muro ando amwi na firaso fya unapwe mbee ya Nndumi Iruva.

1 VAMANGYI 3:15

Nalyo Solomony kamaarukkya rony, lola ni yoorya. Llyo kaveesha na Yerusalemu, kasalala mbee ya isanduku lya kyaasa lya Nndumi Iruva, kaningya firaso fya ikora na muro, na firaso fya unapwe, kavika ifura na mashinga akwe moose.

1 VAMANGYI 8:63

Mangyi kashisha ng'umbe 22, 000 na moonri 120, 000 kyikava kiraso kyawo vaniingya. Nalyo mangyi na vandu vakwe woose vakasamya mmba ya Iruva.

1 VAMANGYI 8:64

Na nkonu yeto muni-da mangyi kasamya kyenga kya nnang'ani kya kari, alya mbee ya mmba ya Iruva kaniingya fimu na firaso fya ikora fya mafura. Kutani indo kimaruma kya inyiiyo ni mwaanya alya ando kwa iniingya firaso fyoose.

1 MBONY TA FYEERI 16:1

Nalyo vakaata isanduku lya Iruva, vakalyivika kulya ulaleny lulya mangyi Davidi emma idesya. Naasa vakawuya iniingya firaso fya imamitwa na urilalyi mbee ya Iruva.

YUUKA 29:22

Lyingyi iboo mafura a suva yeyo na nkya wa vayo na ingau lya ndewuny na iravati lya irima na lya syo ti tivii na mafura a syony na kisouwa kya woko usha, mashika ni suva yavikwa kimaruma kya ishora yeele.

FYAASO 23:26

Mwanakwa, shaarannya na nshushwa. Warya ngaa ya muu wakwa.

ISAYA 53:10

Kya-indi mmbo kivesenyi Nndumi Iruva inkapa indo kya imbavisa. Kwakooya anrambikya-u muu wakwe uwe kiraso kyerasya, Iruva kya ulyamari lwa vandu llyo asheonisaa ufyari na muu mwaasha na yekyo Nndumi Iruva arumbuye kishiinutyoo ni maako akwe.

Valevi 17:5

naambo vana va Israelivaende firaso fyawo, yeto vashishyaa kyenyi, yee, veengye Nndumi Iruva, yoo yeemeny, ka nkohani, nashisheny five firaso fya ufoo kwa Nndumi Iruva,

Valevi 7:3

Yoo kirasony ekyo mmbo asheserisyaau mafura moose; nkia wa vayo utiri mafura, na mafura yoo a ingau,

Valevi 8:25

Kawuya keepoo mafura yoo na nkia utiri mafura, na mafura moose a ndeu, na uvambu lwa irima, na syo ivii, na mafura a vayo, na urende yelo usha;

Valevi 9:19

na mafura a shau, na a suva, nkya va vayo wa mafura, neefyo fisikye maala na syo, ta vayo, na uvambu lwa irima;

MEEKYENA 7:88

Ndafu ikumi na ivii ta kiraso kya ulyamari, shau makumi avii na iinya, suva makumi arindaru, ndafu makumi arindaru, na ngurana ta moonri makumi arindaru wo imwi itiri mwaka umwi kwa kiraso kya umwi lwa ukulungo.

1 SAMUELI 10:8

Neeny mmbo nshekusongoyaa kweende Gilgali, kuveningya kiraso kyeekora na muro, kuveshisha kiraso kya ufoo. Kwiirishe ando a mikonu mfungare kutani sharera neewe shikuvavasye kyeetana.