Valevi 3:16 - BIBILLYA Mareiyo Meele a Iruva

¹⁶ Nawe nkohani mmbo ashefirumataa na muro yoo uwe ya kitara kyeerasya, nshoonga yeniingya Nndumi Iruva yeeserisya-u na muro, ive nrungo nsha usenyi Nndumi Iruva; mafura moose ni a Nndumi Iruva.

Valevi 3:16 Iomraidhean Croise

Mapookyony 4:4

Abeli nawe keende ngurana shive eto shivanri auta efo mavikyeny akwe. Nndumi Iruva, kasenywa ni Abeli na firaso fyakwe.

2 MBONY TA FYEERI 29:35

Kuuta-fo firaso filya fyekora na muro, vakohani mmbo vetiri mashora engyi endekora mafura alya a firaso filelyiwa ni vandu, kweifo na kiraso kya mfinyu ulya uleniingywa amwi na firaso fyeekora. Kweekyo vakandepookya mwiindye lyingyi yefo mmba ya Iruva.

2 MBONY TA FYEERI 7:7

Naasa mangyi Solomo kavauwa mmba ya Nndumi Iruva nnang'ani ya kiria kilya kyikee mbee ya mmba ya Nndumi Iruva, mashika yoondo nng'u kweyuutya firaso kyemamitwa na mafura a urilalyi mashika kitara kilya kyeerasya kya arera kilennya na firaso fikaingifwa.

YUUKA 29:13

Numa iboo mafura yoo a ingau, na iravati elyo lya irima na syo na mafura yoo akee uwe ya vayo fyoose kufikore na muro yoo uwe ya kitara kya irasya.

YUUKA 29:22

Lyingyi iboo mafura a suva yeyo na nkya wa vayo na ingau lya ndewuny na iravati lya irima na lya syo ti tivii na mafura a syony na kisouwa kya woko usha, mashika ni suva yavikwa kimaruma kya ishora yeele.

ISAYA 53:10

Kya-indi mmbo kivesenyi Nndumi Iruva inkapa indo kya imbavisa. Kwakooya anrambikya-u muu wakwe uwe kiraso kyerasya, Iruva kya ulyamari lwa vandu llyo asheonisaa ufyari na muu mwaasha na yekyo Nndumi Iruva arumbuye kishiinutyoo ni maako akwe.

ESEKIELI 44:15

“Indi vakoani va ufyari lwa Levi, vana va mmba ya Sadoki valya vekee ishifurukannya kyeeri kilya vana va Israeli valeshikapa mungo, yewo mmbo vasheengyera ishifurukannya ishiniinga mafura na samu; ni Nndumi Iruva aamba;

Valevi 17:6

nawe Nkohani mmbo ashenanatyaa samu ya vayo yoo kitareny kyeerasya kya Nndumi Iruva, mwaangony wa yeema neekora mafura a vayo, uveu nrungo nsha kwa Nndumi Iruva.

Valevi 4:26

Na mafura a vayo moose mmbo asheakoryaa yoo kitareny ekyo shaasa llya alekora mafura alya a firaso filya fya yeende ufoo; nawe nkohani nammbikye usandi kimaruma kya ulyamari lwakwe, nawe nasarywa.

Valevi 4:31

Numa noote-fo mafura moose indo shaasa aleuta-fo mafura a firaso filya fya yeende ufoo, naasa nkohani naarumatye yoo kitareny kyeerasya, uve nrungo nsha usennyi Nndumi Iruva; na nkohani mmbo ashevikaa usandi kimaruma kya vayo, nawe mmbo asarywa.

Valevi 8:25

Kawuya keepoo mafura yoo na nkia utiri mafura, na mafura moose a ndeu, na uvambu lwa irima, na syo ivii, na mafura a vayo, na urende yelo usha;

Valevi 9:24

Naasa muro ukauka yoo mbee ya Nndumi Iruva, ukakora kiraso kilya kyeekora, na mafura alya yoo uwe ya kitara kyeerasya, kyeeri vandu woose valelollya muro ulya vakakapa ngaya vakawa si kifulufulu.

Matayo 22:37

Nawe kammbia, “Mmbo kushekundaa Nndumi Iruva wafo kunkunde na ngoo imwi nsi, na nrima umwi nsi, na makusaro amwi nsi.