Valevi 26:4 - BIBILLYA Mareiyo Meele a Iruva

⁴ llyo nshemwengyee mmbwa fyeeri fya vayo, na uruka luwone shoonga ya vayo na miri ivike ndunda shiingyi.

Valevi 26:4 Iomraidhean Croise

1 VAMANGYI 17:1

Naasa Elia Mtibshi, wa veny va Giliard, kavia Ahabu, Kwa irina lya Nndumi Iruva, Iruva wa Israeli, yeto shiifo shimwiindyaa, shasalala mbee yakwe mmbo shakuvia, nkushekaa kuve-fo laura ao m-mbwa kyeeri ekyi kyoose kulare shaamba-fo.

YOBU 5:10

Mwiolotya uruka mbwa, mwisota mira mindeny.

SABURI 104:13

Kuuka uwe nginii-u kwanisa mafumbu na mbwa, Kwaishura ulana mbora ta vayo.

SABURI 67:6

Uruka lukavika ndunda tavayo; Lukavikywa mbora, ni Iruva. Iruva weeru

SABURI 67:7

Iruva alluvikya mbora; Na vandu va ulana loose vamwiindye.

SABURI 68:9

Kwaveengye mmbwa, Mmbwa ya mwiina ikaniisa uruka na sumbai ikarelela.

SABURI 85:12

Ee-da Nndumi Iruva, ashekwekkyaa kuwoni iviiri, Na uruka lweru luvike fimu fiingyi.

SABURI 85:13

Usaari lushekaa mbe yakwe, Na idesye shia takwe.

ISAYA 30:23

Kyeeri mushemweengye mbeu tany, Nndumi Iruva mmbo ashemweengye mmbwa, nayo ishemiisa na yuulula fimu fyiingyi na findo fyany fya mmba fikooye milyiiye imaaye.

ISAYA 5:6

Mmbo shiwiisityou, nshiuvyaa maramba nta nshiuremmya-fo. Mmbikiri na miinga tishemyaa-fo.”

YEREMIA 14:22

A mmbo kwiifo nta iruva lyimwi lya wongo nnang'ani ya maruva yoo a masanga lyishiidimaa yeende mmbwa? Ao ngyina ishidimaa yeende mmbwa? A nshi yewe woi Nndumi Iruva weeru? Lukuvikkye nsia, mashika nnyewe kutanaa findo yefyo fyoose.

ESEKIELI 36:30

Shishemweengerya ndunda ta miri na fimu fya mareminy, naambo mulakooye yaararwa lyingyi mmbandu va masanga kyimaruma kya itura shoonga.

YOELI 2:22

Neeni mafisi nta malasavae, mashika mooro ushemmyaa kundo kwa kasa, na miri ishevikaa ndunda, misabibu na miri ya mafura.

Valevi 25:19

Elyi uruka lusheutaa fimu fya vayo, lyeny neewuura, mukukaye-fo na ufoo.

Valevi 25:21

llyo nshemoolotyaa mbora yakwa imusheye mwaaka yeto wa karindaru, nato usheendee ndunda ta myaaka iraru.

SEKARIA 8:12

Ulaalu, mmbo kushevaa-fo urilalyi urukeny, sabibu mmbo tishevikaa ndunda ta-vayo, na sumbai isheende shoonga, na mmbwa ta mwiina tuuka iruveeu, vandu vashesaa-fo mmbo nshevaniinga findo efyi fyoose five fyawo.

Matayo 5:45

Naambo mukooye imanyika mmbo mukee vana va nde yeto waany wa efo iruveeu; mashika we ava mwiirosa mwi wakwe ukavaiya yewo varavi na yewo vesha. Kaveva mweende mmbwa yakwe ikakapa kwa yewo va usumanu na kwa yewo va kiila.

Mashora 14:17

Lyo nalare nakae nalatiri ukureeki, mashika aletana mesha, kamuniinga mmbwa yakwe yuuka iruveeu, na kyeeri kya fimu, kawuutisa miri yaany shoonga na nsia.”

NKUMBUYE WA UVAVASO 11:13

Na elyi mushearannya mavavasyo akwe na nrima yoo nkeemuvia ulaalu mukunde Nndumi Iruva waany, neendunndya na mirima yaany myoose na ngoo shoose,

NKUMBUYE WA UVAVASO 11:14

llyo neeny nshemoolotyaa mmbwa ya uruka lwany na kyeeri kya vayo, mmbwa ya kisie na ya mateeri, kwiilule shoonga tafo, na misabibu yafo na mafura.

NKUMBUYE WA UVAVASO 28:12

Nndumi Iruva mmbo ashekuboromuyaa masaa efo iruveeu, kuwone mmbwa kyeeri kya vayo, navikye mbora mashora moose a maako afo, neewe kwiidimi yaakuya vengyi findo, lyo yewe kulashakua.

Yakobo 5:7

Kimmba ni indo nyira, sisiryeny kufike nkonu eto Nndumi ashaa. Mwiishi, nremi mmbo avereyaa na nsia fimu fya uruka fikee fya wuuru, kavereya kimaruma kya vayo kutani fimu fyawonisa mbua ya mbee na ya ifurumya.

Usukuyony 11:6

Yewo mmbo vatiri ivavaso lya iima ngyina mbua ilashe nta kyeeri kyoose kya ukisuku lwawo. Nawo mmbo varye ivavaso lya yaalasha mura uve samu, na ikapa uruka na wo ngapo shoose wo kyeeri vakundaa.