Valevi 20:2 - BIBILLYA Mareiyo Meele a Iruva

² Lyingyi via vana va Israeli, nndu moose wa Israeli, ao veny vawo, aniingya Moleki mwana wakwe, nkuti nawaawa, vandu vankape na mawe.

Valevi 20:2 Iomraidhean Croise

1 VAMANGYI 11:7

Solomoni katannya Kemoshi usumanu lwa Vamoabi ando kwa uwe, kulya ifumbuny lyisumannyi na Yerusalemu, na Moleki usumanu lwa vana va Amoni.

2 VAMANGYI 17:17

Vakakora vana vawo va kyuumi na va kyika, uwe ya muro, vekapaa ramli nata ya usavi, vakakukumba veni na veni, naambo vaidimi itana makasha mbee ya usangu lwa Nndumi Iruva, kutani atirwa ni unyafi.

2 VAMANGYI 23:10

Nawe kawunndwa Tofeth ilya ikee kulya imungony lya vana va Hinomu, naambo nndu nalasheniingya mwana wakwe wa kyuumi ao wa kyika nave kiraso kwa Moleki.

2 MBONY TA FYEERI 28:3

Kakora ubani kulya mamungony a Hinomu naakwa ni vana vakwe veni kavaniingya vakava kiraso kyemamita kya mafwanu. Kalatya mikaaye mikasha ya vandu va Hinomu valya Nndumi Iruva evaumbuta-fo kyeeri Vaisraeli vekeyaanga urukeny lwawo.

2 MBONY TA FYEERI 33:6

Karasa vana vakwe vave kiraso kyemamitwa kulya imungon lya Hinnom. Ekapa ubau, na ivesa mbony kwa varumu na vasavi, eree irisi. Katana makasha meengyi usanguny lwa Nndumi Iruva, Iruva karooywa ni ngoo mmwasi.

SABURI 106:38

Vakairita samu ilatiri mbese, Samu ya vana vawo va kyuumi na va kyika

YEREMIA 32:35

Vakatannya Baali fitara fyeerasya kulya imungony lya Hinomu, kundo valeuta vana vawo firaso fyeekora na muro kwa iruva lya Moleki. Nta nshilevavasya vatani indo-fo, nta nkyekee nrony wakwa-fo. Vakatana indo vakeengye vandu va Yuda ulyamari.”

YEREMIA 7:31

Na valetana ando a uwe kulya Tofeti yefo ulaleny lwa mwana wa Inomu irasya vana vawo va vomi na vakyika; kulaore shilemmbavavasya nta ikusara.

ESEKIELI 20:26

Shavareeya vakutefuse na mbora yaawo veni kya irasya mafwanu a maruva a wongo vana va mbee. Shavatannya indo ngapo ivavaa naambo vamanyi sheelyi yeny, mmbwe Nndumi Iruva.

ESEKIELI 20:31

Kyeeri mwiifo mwiyuutyaa firaso fya pya, na irasya vana vaany murony mmbo mwiifo mwikwaaruvaa na marumu any moose fika inu. Yeni mushivesaa kyindo, yeni va mmba ya Isaeli? Shakuvia yeny shiifo na muu, Nndumi Iruva, shiveswaa irero ni yeni-fo.

ESEKIELI 23:37

Mashika mmbo valetuuswa na samu nnyefo maakony awo ifwani, vakakutuusa na mafwanu naakwa ni vana vawo valya veshiiryee vakaniingya firaso fyekora murony naambo filyiwa mmafwanu.

ESEKIELI 23:39

Mashika llya vemeerasa vana vawo kwa maruva awo a wongo, nkonu yeto mweni llyo veanga ando akwa kweele vakandetefusa-fo. Lolaany, yekyi nkyo valetana yefo mmba yakwa.

Valevi 17:13

Nndu yeto akee wa ufyari lwa Israeli, ao wa veny vawo, yeto atiri ifisi ao ndeye yeyo ilyiwaa, mmbo apuswaa samu ya vayo nalyikye uteriny,

Valevi 17:15

Na nndu yeto alyaa kindo kyafwa, ao nyama kindo kyaaratuwa niifisi, kava waany ao muny, nasangye soori takwe, nasambe mureny, naveva ntefusa fika nkwaany, neeleny.

Valevi 17:8

Neewe vavie indi, Nndu moose wa Israeli, ao veny vawo, yeto ashuutaa kiraso kyeekora,

Valevi 18:21

Neewe kulasherwaa ufyari lwafo kwa Vamoleki naambo kularevese irina lya Iruva wafo, yeny ni Nndumi Iruva.

Valevi 20:1

Naasa Nndumi Iruva karera na Mose, kammbia,

Valevi 20:27

Kwakooya nndu nndumi ao nndu nka alafya, ao akee nsavi, nkuti nawaawa, vakapwa na mawe, samu yawo ivasheye veni.

Valevi 24:14

Somuta nndu yeto amina na poo ya ulale, na valya woose valeita ekyo alerera vaekere maako awo yoo nrony wakwe, naasa ironda lyoose lyimbwae na mawe.

Valevi 24:16

Na yeto ashedengaa irina lya Nndumi Iruva nkuti nawaawa, ironda lyoose mmbo lyinkapaa na mawe, kava muny, ao muni poo, elyi aarara irina lya Nndumi Iruva nawaawa.

Valevi 24:23

Mose karera na vana va Israeli nawo vakasomuta yeto alelyisa mboo yoo poo ya ulale, vakankapa na mawe vakambwaa. Vana va Israeli vakatana shaasa Nndumi Iruva alevavasya Mose.

Mashora 7:43

Mmbo muleipoo yeema lya Moleki na nyinyiri ta iruva lyany Refani, mafwanu muleasongosia naambo mwiinndye. Neeny mmbo nshemusamisaa mweende kwaasha mwiire Babilony.’”

NKUMBUYE WA UVAVASO 12:31

Kulasheetannya Nndumi Iruva wafo indo-fo mashika efyo Nndumi Iruva afisuuye mfyo valetana ando amwi na vana vawo vakootya maruva a wongo firaso fyeekora na muro.

NKUMBUYE WA UVAVASO 17:2

Na kwakooya efo kwany urukeny kulevikwa ni Nndumi Iruva, Iruva wafo kushelollyoo-fo nndu wa kyuumi ao wa kika, atanaa meesi mbee ya Nndumi Iruva, Iruva wafo.

NKUMBUYE WA UVAVASO 18:10

Nta kwany nalalollyo-fo nndu akora mwana na muro ave kiraso kya maruva-fo, ao iwara urengu, ao ilollya fiifo fyeeri fisha na fikasha, ao yaawuya findo,

NKUMBUYE WA UVAVASO 21:21

Llyo womi woose va muri vankape na mawe, nafwe; neeni niindo musheutaa uravi kunu Israeli koose, neewo vashiitaa woose vakooye yiiryaa.

NKUMBUYE WA UVAVASO 22:21

llyo vashesomutaa mwana yeto yoo mbee ya mmba ya ndeye na womi va muri vankape na mawe tana afwa, kimmba aletana kya urung'ani kunu Israeli katana ulyamari yelo ekee kwa ndeye, llyo kusheutaa uravi kwany.