Valevi 19:3 - BIBILLYA Mareiyo Meele a Iruva

³ Wo nndu naindye maye, na ndeye, muringe mikonu ya sabato, yeny ni Nndumi Iruva, Iruva wafo.

Valevi 19:3 Iomraidhean Croise

Mapookyony 48:12

Yosefu kawoota yoo ng'undeny yakwe, kakapa kifulu-fulu.

NEHEMIA 9:14

Kwavaniinga Sabato yafo sheele, na uvavaso lwafo vakaluwarya wokony lwa nsero wafo, we Mose.

YUUKA 16:29

Loleny, kimmba Nndumi Iruva alemuniinga Sabato yei, nkyo kyimaruma nkonu wa karindaru kamuninga shoonga yamaa mikonu ivii, wo nndu nakaa ando akwe, kulave nndu auka yoo kwakwe nkonu yeto wa mfungare-fo.”

YUUKA 20:12

Inndya ndoo na mau wafo naambo mikonu yafo ifumbuke yaa ulaniny ando Nndumi Iruva wafo alekuvika.

YUUKA 20:8

Kummbwa nkonu wa mfungare wa Nndumi Iruva kuwallwe mweele.

YUUKA 21:15

Nndu yeto ashekapaa ndeye ao maye kuti nawaa-wa.

YUUKA 21:17

Yeto ashelyisyaa ndeye mboo ao maye kuti nawaa-wa.

FYAASO 1:8

Mwanakwa, arannya kindo kushongoywaa ni ndoo, Nta kulaipale ufundo lwa mau;

FYAASO 23:22

Arannya ndoo akuirye, Nta kulainyale mau kammikwa.

FYAASO 30:11

Kwiifo vandu vadengaa nde waawo, Nta valeanaa va maaye vawo.

FYAASO 30:17

Nndu ainyala ndeeye Na iila kara nalaindya mae, Makukuru a imungony adolaa miso akwe Na ilyiwa nngoru.

ISAYA 58:13

“Kwakooya kushindutaa urende lwafo lulaimmbwe Sabato, kure kulatana findo fya uravi nkonu wakwa mweele, kuvaange Sabato yakwa nkonu wa ifura na nkonu wa Nndumi Iruva utiri wiindi, usharafumwaa, ira kularunda findo fyafo kumuni yefyo kukundye, nta irera marero afo kumuni;

ESEKIELI 20:12

Na mmwasi shavaniinga na mikonu yakwa ya myiindye nnang'ani yaawo naambo wamannyisywa yeny mmbwe Nndumi Iruva shivasawuye.

Valevi 11:44

Mashika yeny ni Nndumi Iruva, Iruva waany, kwiilyiseny, veny veele, mashika neen mmbo shikee mweele, nta mulakutefuse muveni na kindo ekyo kikurufwaa si.

Valevi 19:25

Mwaaka wa kararu llyo mulyaa ndunda ta vayo musennywa. Yeny ni Nndumi Iruva.

Valevi 19:30

“Ringeny sabato takwa, indyeny ando akwa kweele, Yeny ni Nndumi Iruva.

Valevi 19:31

Mulasore vasavi-fo, nta mulavaruuye-fo, mmbo vamutefusaa, yeny ni Nndumi Iruva.

Valevi 19:34

Muny akaa kwany nave sha nndu awonikyeu, nkunde shaasa kukukandye, kimba neeni mwekee veny kulya Misri, yeny ni Nndumi Iruva, Iruva waany.

Valevi 23:3

Rundeny mashora mikonu irindaru nsi, kyeendi nkonu wa mfungare ni nkonu wa yiimuya deny ni nkonu wa yiindya Iruva, mulasheerunda nta ishora lyimwi-fo, n sabato ya Nndumi Iruva fyeeri fyany fyoose”

Valevi 26:2

Indyeny sabato takwa, muvetiiya ando akee kweele wiindi, yeny ni Nndumi Iruva.

MALAKI 1:6

Mwana mmbo eendya ndeye, na nndu nndundi kalla Nndumi Iruva wakwe. Kyasiany, kwakooya yeny shikee nde waany, wiindi lwakwa lwalla-kwi? Na kwakooya yeny shikee Nndumi Iruva waany wiindi lwakwa lukee kwi? Nndumi Iruva mmbo amuvesa yeni vakohani mwanshimina. Neeni mukaamba, “Mmbo lwakumina inda?”

NKUMBUYE WA UVAVASO 27:16

Neeto mwiimina ndeye na maye, nadengwa. Na vandu woose varouwe, Amen.

NKUMBUYE WA UVAVASO 5:16

Inndya ndoo na mau wafo, shaasa Nndumi Iruva, Iruva wafo akuvavasya naambo myaaka yafo ifumbuke, neewe kukooye ivesyo yaa urukeny kukeembike ni Nndumi Iruva, Iruva wafo.

Vaebrania 12:9

Ando amwi na efyo mmbo lutiri vande veru va ngata ya mwiili nawo vakalukapa, neese lukairikya, a nshi kyeni deny luwarani na Nde yeto wa mirima yeeru lukie muu?