Valevi 1:4 - BIBILLYA Mareiyo Meele a Iruva

⁴ Naasa neekere woko lwakwe yoo nrony wa kiraso ekyo kyeekora na muro; nayo yiirikyo kimaruma kyakwe, kive kya usandi kwakwe.

Valevi 1:4 Iomraidhean Croise

YUUKA 28:38

Nalyo lyishekaa yoo mbee ya kisangu kya Aron, nave mmbo asheiboo uravi lwa findo efyo fyeele, efyo vana va Israeli vashefyeeremutaa na findo fyawo fya pya fyoose, nalyo mmbo lyishekaa yoo kisanguny kyakwe mikonu myoose, naambo fikooye iwarywa ni Nndumi Iruva.

YUUKA 29:10

Naasa kweendeny shau yeyo yoo yeemeny lya ikwanannya, na Aron na vana vakwe vaashevika maako awo yoo nrweny wa shau yeyo.

YUUKA 29:15

Lyingyi iboo suva, na Aron na vana vakwe vashevikaa maako awo yoo uwe ya nrwe wa vayo.

YUUKA 29:19

Na suva yeyo ya kavii, Aron na vana vakwe vavike maako awo uwe ya nrwe wa vayo.

YUUKA 29:33

Nawo mmbo vashelyaa findo efyo fileende usandi vakakooya ivikwa ishoreny yeele na ilyiswa, kya indi muny nalafilye-fo, ni findo fyeele.

ISAYA 56:7

Nawo mmbo shiveende fika ifumbuny lyakwa yeele, na ivaniinga ifura efo mmba yakwa ya iterevya, firaso fyawo fyekora na muro na fyeersya mmbo fishiirikywaa efo meseny akwa; mashika mmba yakwa ivaangwa mmba ya iterevya mmasanga moose.

ESEKIELI 45:15

Mmbo vaniinngya yoonri lyimwi, nnang'ani a moonri mayana avii, uka efo mmbeny ta vana va Israeli. Mmbo vasheendee firaso fya mareminy, firaso fyeemamitwa, na firaso fya urilalyi, naambo vaidimi itannywa usandi. Ni Yeny Nndumi Iruva shaamba.

DANIELI 9:24

“Myaaka Mfungare ka makumi mfungare nkyo kyeeri Iruva avikye kyaasa kya iporomwa vandu vafo na muri wafo mweele, wooke efo ulyamariny nefwaaywa uravi lwawo, na usumanu lwa llung'anu lushevangiswa, naambo myoorya yoo na ukisuku lwiinutywa, na imwaamba mafura yeto akee mweele nnu.

Valevi 16:21

Na Aron neekere maako akwe yoo nrwen wa mburu yeyo, neekushau ulyamari loose lwa vana va Israeli, na ukasha lwawo, yee, ulyamari lwawo naluvike nrwen wa mburu yeyo, numa narike nndu nairetye kasa.

Valevi 16:24

nawe mmbo asangyaa mwiili wakwe yoo ando eele, naraa masara akwe, nasomuke, neeserisa kiraso kyeekora kyakwe muni na kya vandu,

Valevi 22:21

Na nndu moose yeto asheutyaa Nndumi Iruva kiraso kya ufoo, naambo nainutye kyaasa, ao kiraso kya nrima, efo ng'umbeny ao moonriny noote kindo kisha, nawoni iwarywa, kulakaefo kindo kitefusu-fo.

Valevi 22:27

Ng'umbe ao yoonri, ao mburu yafewa, mmbo ikaa na maye mikonu mfungare, na nkonu wa nyanya iworya ive kiraso kyaniingyo kwa Nndumi Iruva na shia ya muro.

Valevi 3:13

nawe mmbo ashevikaa woko lwakwe yoo nrony wa vayo, na yiishishya yoo mbee ya yeemeny yeele; nawo vana va Aron mmbo vananatyaa samu ya vayo taari toose ta kitara kyeerasya.

Valevi 3:2

Nawe yeto anningyaa mmbo ashevikaa woko lwakwe yoo nrwen a vayo, na yiishishya yoo mwangony wa yeema yeele, nawo vana va Aron, makohani yewo mmbo vashenanatyaa samu ya vayo taari toose ta kitara kyeerasya.

Valevi 3:8

nawe mmbo asheekeraa woko lwakwe yoo nrony wa vayo; neeshishya yoo mwaangony wa yeema yeele; na vana va Aron mmbo vashenanatyaa samu ya vayo efo kitareny taari toose.

Valevi 4:15

Naasany vamiku va ironda elyo vaekere maako awo yoo nrony wa ng'umbe yeyo usanguny lwa Nndumi Iruva,

Valevi 4:20

Niindo ashetanaa kya ng'umbe yeyo, shaasa aletana kya ng'umbe ilya ya kiraso kya ulyamari, natane indo kya yei; nawe nkohani ashevavikyaa usandi nawo vasaryo.

Valevi 4:24

naasa navike woko lwakwe yoo nrony wa mburu, neeishishya yoo vashishyaa firaso efyo fyeerumata na muro, mbee ya Nndumi Iruva; nkiraso kya ulyamari.

Valevi 4:26

Na mafura a vayo moose mmbo asheakoryaa yoo kitareny ekyo shaasa llya alekora mafura alya a firaso filya fya yeende ufoo; nawe nkohani nammbikye usandi kimaruma kya ulyamari lwakwe, nawe nasarywa.

Valevi 4:29

Nawe mmbo ashevikaa woko lwakwe yoo nrony wa kiraso ekyo kya ulyamari, na ishishya kiraso ekyo yoo ando eekorya firaso.

Valevi 4:31

Numa noote-fo mafura moose indo shaasa aleuta-fo mafura a firaso filya fya yeende ufoo, naasa nkohani naarumatye yoo kitareny kyeerasya, uve nrungo nsha usennyi Nndumi Iruva; na nkohani mmbo ashevikaa usandi kimaruma kya vayo, nawe mmbo asarywa.

Valevi 4:33

Nawe navike woko lwakwe yoo nrony wa kiraso kya ulyamari, naasa naishishe ive kiraso kya ulyamari, yoo firaso fyeekora na muro fishishywaa.

Valevi 4:35

numa nootefo mafura a vayo moose, shaasa mafura alya a ngurana aleutwa-fo alya kirasony kya ufoo;numa nkohani naakorye yoo kitareny, shaasa firaso fya Nndumi Iruva fitanyoo eto teenserisya na muro; na nkohani mmbo ashembikyaa usandi kimaruma kya ulyamari elo alelutana, nawe mmbo ashesarwa.

Valevi 4:4

Nawe mmbo asheendee ng'umbe yeyo na yoo mwaangony wa yeema yoo mbee ya Nndumi Iruva nawe nashevika woko lwakwe yoo nrony wa ng'umbe yeyo, na yiishisha mbee ya Nndumi Iruva.

Valevi 5:6

nawe neengye Nndumi Iruva kiraso kya yuutwa ulyamari elo lwakwe alelutana, llo uruvi ao suven, afyuuta efo wiisirony lwakwe, kive ni kiraso kya ulyamari nawe nkohani nashembikya usandi kya ulyamari lwakwe.

Valevi 6:7

llyo nkohani ashevikaa usandi kimaruma kyakwe mbee ya Nndumi Iruva, nawe nafwaayo kya ekyo kyoose atana kikee ulyamari.

Valevi 8:14

Naasa keende shau ilya ya kiraso kya ulyamari, na Aron na vasero vakwe vakavika maako awo yoo nrony wa ng'umbe yeyo ya kiraso kya ulyamari.

Valevi 8:18

Numa kaserisya-u suva ilya ya kiraso kyeekora na muro, na Aron na vasero vakwe vakaekera maako awo yoo nrwen wa suva illya.

Valevi 8:22

Numa kawuya kaserisyau suva ya kavii, suva yeyo ya ivaeremuta, na Aron na vasero vakwe vakayeekerya maako yoo nron.

Valevi 9:7

Mose kavia Aron, sembeya na yoo kitareny, kuute kiraso kyafo kya ulyamari, na kiraso kyafo kyeekora na muro, kuvike usandi kimaruma kyafo kumuni, na kya vandu kuveniingya na kiraso kya vandu, kuvike usandi kimaruma kyawo, shaasa Nndumi Iruva alevavasya.

MEEKYENA 15:25

na nkohani navike usandi kimaruma kya ironda lyoose lya vana va Israeli, nawo vafwaayo, elyi lwekee ulyamari lwawo na vameende firaso fyawo, kiraso kyeeserisya Nndumi Iruva na muro, na kiraso kyawo kya ulyamari vakeenngye Nndumi Iruva kimaruma kya urekwa lwawo;

MEEKYENA 15:28

Nawe nkohani navike usandi kimaruma kya nndu yeto alelyamara, elyi atana ulyamari nalaishi, naambo navikywa usandi, nawone isarywa.

MEEKYENA 25:13

we na ufyari lwakwe lwa numa kyaasa kya iva makohani llung'anu, mashika llya aletirwa nkififi kyeekunda Iruva wakwe, kavevikya vana va Israeli usandi.

MEEKYENA 8:10

Neewe, kushevakwaanisya Valevi mbee ya Nndumi Iruva; Na vana va Israeli vavike maako avo uve ya Valevi;

MEEKYENA 8:12

Na Valevi vavike maako awo uwe ya mirwe ya ng'umbe yeto, neewe kuuteu ng'umbe imwi ive kiraso kya ulyamari kwa Nndumi Iruva neeyo ya kavii ive kiraso kyeemamita, kive kya usandi nnang'ani ya Valevi.

Varome 12:1

Naasany vanavama vakwa, mmbo shamutereva kyikee kya isarya lya Iruva niingyeny miili yaany ive kyiraso kyeele kyitiri muu, kive nkyo mwiindye wa dede.

Varome 3:25

Mmbwe Iruva alemmbika nave nsandi kyeendwa nkikusiryo efo samuny yakwe, naambo noore usumanu lwakwe, kyimaruma kya ilekeya efo usisiryony lwa Iruva ngyulyamari toose tilensongwa itanwa.

Varome 5:11

Nta nshi indo-da-fo, mmbo luveetiri ifura lwiikee na Iruva kyeendwa ni Nndumi weeru Yesu Kristo, yeto luleona isandwa na Iruva kyimaruma kyakwe.

Vafilipi 4:18

Lyo yeny mmbo shitiri findo fyoose na mmwasi, shaishwa shapu; findo filya fileuka kwany mmbo shilefityo ni Epafradito fikava nrungo nsha, kikaveva kiraso kyikee kiirikye kikasennya Iruva.

Vaebrania 10:4

Mashika samu ya shau na mburu nnyimaa yuuta ulyamari-fo.

1 Yohane 2:2

Nawe mmbwe nsandi kimaruma kya ngyulyamari teru; nta nshi kya ngyulyamari teru yese-da-fo, kyaindi na ta ulana loose.