VALETI 9:4 - BIBILLYA Mareiyo Meele a Iruva

⁴ Vakanniinga fyenga makumi mfungare fya fesa kwa Baal-beriti, nawe Abimeleki kanniinga vandu varavi vakee maraami naambo varue nawe uvayony.

VALETI 9:4 Iomraidhean Croise

2 SAMUELI 6:20

Naasa Davidi kawuya na kyeny naambo nandevikya va kyeny kwakwe mbora. Nawe Mikali mfu wa Sauli keenda indemmbwarya, kaamba, “Inu mangyi ya Israeli ammbonisa itumbe deny elyi akufwala kakusukwa mbee ya fishinga fya varundi vakwe, kava sha nndu itondo nalasarye, niindo itondo lyitanaa mbee ya vandu lyilasukaa nta!”

2 MBONY TA FYEERI 13:7

Numa, kasangyira vandu vatondo valaishi nta itana kindo, nawo vakaaya Rehoboamu mwana wa Solomon naambo atani filya veekunndye fya mirwe yaawo, nta nalaidimi ivalemya. Kimaruma llya ekee mwana na mashora yaa akava maroo kwakwe.

YOBU 30:8

Mmbo vekee varung'ani na masembo Yewo kyeva kuti vaumbutwa urukeny na mbiiri.

FYAASO 12:11

Nndu nremi nalakee nroko mmbo atiri shoonga shapu; Indi mwisora mbony tilavaa nnyatiri urango-fo.

SEFANIA 3:4

Vakisuku vawo valasaraa kindo, vakava valembi, Vakohani vawo vakatefusa findo fyeele, na mavavaso a Nndumi Iruva vakaafullwa vaambe ekyo kivasennyaa wo veni.

Mashora 17:5

Na Vayuda vakalollya kififi, vakaipoo vandu vave vakee vandu va tangalu, valatiri nnduma nsha vanduny, nawo vakaumbya vandu vakaanta kituuru kulya muriny, vakeengya vandu va mmba ya Yason, vakakunda ivarwaa mbee ya vandu va muri;

VALETI 11:3

Llyo Yefta karishafo nalakikaese na vana va ndeeye, keenda uruka lwa Tobu. Na vandu vafiri vakeenda veeriani na Yefta.

VALETI 8:33

Gidion eekifwa indi, vana va Israeli vakaalashika vakeendya maruva a wongo Baali, na Baal-Beriti vakammbika iruva lyawo.

VALETI 9:27

Naasa vakeenda mareminy awo a misabibu, vakayaya ndunda ta vayo, vakakama vakasongosia mfinyo vakavika sukukuu mmba ya iruva lyawo, vakalya neena needenga Abimeleki

1 SAMUELI 22:2

Wo nndu eetiri ukiva uve, ao sye, na valya veetiri kivasavesaa nriminy, vakandekusanyirya kulya kwakwe, nawe kavasongoya. Nawo mmbo veekee vandu mayana aana.