VALETI 4:7 - BIBILLYA Mareiyo Meele a Iruva

⁷ Neeny mmbo nshekweengyee Sisera nniini wa itorito va Yabini, fika mura wa Kishoni, na mitika, na nkuka wa vandu vakwe, neeny nshevavika maakony afo,”

VALETI 4:7 Iomraidhean Croise

1 VAMANGYI 18:40

Elia kavavia Tireny vakisuku ewo va Baali, alaashuke nta umwi; Vakavatira, na Elia kavakamara kafika kulya kimureny kya Kishoni, kandevawaiya-fo.

YUUKA 14:17

Lolate, yeny nsheallwaa-se ngoo ta Vamisri tive shuumu, nawo vashemuvinngyaa, neeny nshekuwonisyaa nnduma kwa Farao na kwa itorito vakwe woose, na kwa mitika akwe na kwa yewo vasaamye frasi.

YUUKA 14:4

Neeny nsheallwaa ngoo yakwe ive shuumu, nawe nashevavingya, neeny nshekuwonisyaa nnduma yoo kwa Farao, na kwa itorito vakwe, nawo Vamisri woose llyo vashemanyaa dede yeny ni Nndumi Iruva. Naasa vakatana shasa valevavasywa.

YUUKA 14:8

Nndumi Iruva kaallwa ngoo ya Farao wa Misri nawe kavinngya vana va Israeli mashika vana va Israeli mmbo valeuka-fo na ntiri.

YUUKA 21:13

Kyeendi kwankooya mmbo ileva nrenga kulore mmbo alellaaya, indi Iruva kammbika maakony afo nshekooraa kundo asherishyaa.

YOSUA 10:8

Nndumi Iruva kavia Yosua, “Lola kulasheeiryaa vandu yeva, mashika lola yeny shammaa ivavika maakony afo, nta nkwiiyo nndu ashekyaa mbee yafo-fo.”

YOSUA 11:20

Kimba ni Nndumi Iruva aleumisa mirima yaawo indo, kutani valekuumba ikapana na Israeli, naambo vasie piny, vamamitwa woose, shaasa Nndumi Iruva alevavasya Mose.

YOSUA 11:6

Naasa Nndumi Iruva kavia Yosua, “Kulaireye kimaruma kyawo-fo, mashika ndesi sa yei mmbo shivavikaa maakony a Israeli shivawee shivamamite woose, murummbwe mataari a frasi tawo, mukore muro mitika yawo ya frasi.”

YOSUA 8:7

Neeni llyo mushuukaa yoo muvalaaye, mutire muri, mashika Nndumi Iruva, Iruva weeru ammbika muri yeu maakony eru.

VALETI 4:14

Naasa Debora kavia Baraka, Uviny, kuboo, mashika inu llyo nkonu Nndumi Iruva ammbika Sisera maakony afo. A Nndumi Iruva nshi we akusongoye? Naasa Baraka kasoka na ifumbuny lya Tabori aryani na vandu fiku ikumi.

VALETI 4:8

llyo Baraka alemmbia, “Kwankooya kusheendaa neeny, llyo yeny nsheendaa. Lyo kwankooya kulasheendaa neeny, yeny nshisheendaa-fo.”

VALETI 5:21

Mura wa Kishoni ukaveenga Mura ulya wa kasha, to Kishoni Ewe nrima wakwa, kaarya yeenda na mbee

1 SAMUELI 24:10

Lola ulaalu shaasa Nndumi Iruva akurambikya maakony akwa kulya mbangeny, na vandu vakwa maata vakashaaya naambo shikuwee fuku, kya-indi yeny shakulyillya. Shaamba, “Nshishooroyaa Mangyi mwaambe mafura ni Nndumi Iruva woko lwakwa-fo.”

1 SAMUELI 24:18

Neewe inu kwammamba paa shaasa kulera ishiwaa llya Nndumi Iruva aleshirambikya maakony afo.