VALETI 3:8 - BIBILLYA Mareiyo Meele a Iruva

⁸ Nndumi Iruva karooywa ni unyafi kimaruma kya Israeli nawe kavavika maakony a Kushan-rishataimu ekee mangyi ya Mesopotamia, nawo vana va Israeli vakarunndya mangyi yeto Kushan-rishataimu ando a myaaka nyanya.

VALETI 3:8 Iomraidhean Croise

Mapookyony 24:10

Naasa ishinga elyo lyikaipoo ngamula ikumi tuuka efo ngamulen ta nndumi wakwe, keenda, mashika masaa moose a nndumi wakwe mmbo ekee ushilyiny lwakwe, kakwiipoo, kandefika Mesopotamia, kafika muriny wa Nahori.

SABURI 106:41

Kavarambikya maakony a vandu va masanga, Na valya vevasuuye vakavashillya.

SABURI 129:1

Uka udu lwakwa mmbo valeshilyisa ukiva Ulaalu Israeli naambe.

SABURI 44:12

Kwakumba vandu vafo kwa wuuru udu. Kulawone-fo nta mbusha shidu.

SABURI 6:1

Woi Nndumi Iruva, Kulashisakire kwa unyafi lwafo-fo, Kulashikape kwa unyaasi lwafo-fo.

SABURI 85:3

Kwashillya unyafi lwafo loose. Kwara unyaasi lwafo.

YUUKA 22:24

na unyafi lwakwa ni kuti lusaami neeny mmbo mshemuwaa na usu, na vaka vany nawo vasheva vaka va ding'u, na vana vany varewa ngwera.

ISAYA 50:1

Nndumi Iruva aamba indi, “Kwakooya mmbo shilakannye na mau Yerusalemu-le; nkwi akai mareiyo yoo alelulakanisa? Ao ndesa mmbo shilevakumba sha nndu mwiikumba vana vakwe ushingeny? Yeni mmbo mwekumbwa kimaruma kya makasha any, na maaye waany karewa kimaruma kya uravi lwany.

Valevi 26:17

Neeny shilole kwaasha na yoo mukai, mukabwa ni vakiduva vany, newo vamusuuye vamushillye murishe ing'ana kulaiyo nndu akeemuumbuta.

HABAKUKI 3:7

Shilelollya vandu va Kushan vaawukwa, na Vamidian vakarerema.

Varome 7:14

Mashika lwiishi kimayeny kya uvavaso ni efo nriminy, kyaindi yeny mmbo nkee wa mwiiliny, mmbo shikee nkumbe ulyamariny.

NKUMBUYE WA UVAVASO 29:20

Nndumi Iruva, Iruva nnyashesaryaa nndu wa ngata yeyo-fo, llyo unyafi lwakwe lusherwaa sha nsu kwa nndu yeto, na urumato elu lwaambawa kyitabuny yekyi lunsheye, nawe Nndumi Iruva, naangate irina lyakwe ulaniny.

NKUMBUYE WA UVAVASO 32:30

Niinda nndu ashindimaa yuumbuta vandu kyiku Na vandu vavii vaumbute fiku ikumi Nndumi Iruva waawo mmbo alemmbaka we Nndumi Iruva mmbo alemmbaraa?

VALETI 2:14

Nawe Nndumi Iruva karooyo ni unyafi kavavika maakony a vakiduva vawo vengyi vawo vakakummbwa, nta valakidimi-se ikabana na vakiduva vawo,

VALETI 2:20

Nndumi Iruva karooywa ni unyafi kimaruma kya Israeli, kaammba, “Kimmba vandu yeva vafisha kyaasa kyakwa shilevika na vande vawo nta valaarannye unyanga lwakwa,”

VALETI 3:10

Mumuyo wa Nndumi Iruva ukankaya kaleta Israeli, keenda fireny. Nawe Nndumi Iruva kavika Kushan-rishataimu wa Mesopotamia maakony akwe nawe kammbinga.

VALETI 3:7

Vana va Israeli mmbo valelyamarya Nndumi Iruva vakanrekyo we Nndumi Iruva waawo, vakarunndya maruva a wongo Mabaali na Maashtoreti.

VALETI 3:9

Naasa vana va Israeli veekifuuya Nndumi Iruva, nawe kavarikya mwiivakiran, mmbwe Otinieli mwana wa Kenasi ndeye n-du wa Kalebi.

VALETI 4:9

Nawe kammbia, “Nkuti sheende neewe, indi manya kyaaro ekyi nkishekuningaa nnduma yewe-fo, kimmba Nndumi Iruva ashevikaa Sisera maakony a nndu nka.” Naasa Debora keenda na Baraka fika Kedeshi.

1 SAMUELI 12:9

Lyo vakarekyo Nndumi Iruva waawo, nawe kavavika maakony a Sisera ulya ekee nteteri wa itorito lya Hazori, kavevavika maakony a Vafilisti na maakony a mangyi ya Moabu vakakapana na Israeli.