VALETI 3:7 - BIBILLYA Mareiyo Meele a Iruva

⁷ Vana va Israeli mmbo valelyamarya Nndumi Iruva vakanrekyo we Nndumi Iruva waawo, vakarunndya maruva a wongo Mabaali na Maashtoreti.

VALETI 3:7 Iomraidhean Croise

1 VAMANGYI 16:33

Ahabu kashevika-fo Ashera; Keengera yeengye Nndumi Iruva, Iruva wa Israeli ngoo kailannya vamangyi woose va Israeli va mbee yakwe.

1 VAMANGYI 18:19

Naasa ulaalu shivaangya vandu kuumbye vandu va Israeli woose kulya ifumbuny lya Karimeli, na vakisuku valya va Baali mayana aana na makumi araanu, na valya va Ashera mayana aana valya valyee shoonga meseny ya Yesebeli.

2 VAMANGYI 23:14

kukava andu kutefusu kwiishwe mafwa a vandu vafu.

2 VAMANGYI 23:6

Nawe kandesomuta-fo Ashera kulya mmba ya Nndumi Iruva, kwaasha na Yerusalemu fika kulya Kidroni, kaiparya muro kulya kimuren kya Kidroni, kasais ive kiluulyi, kandeera kiluulyi kilya uwe ya fifu fya vandu.

2 MBONY TA FYEERI 15:16

Mangyi Asa esoka Maaka, we maye, kansoka wiindi llwa lwevaangwa nka-mangyi (mama malkia) kimaruma kya isongosya mafwanu kilakwaani na mavavaso a Iruva, a Ashera iruva lya kyika. Asa keera kwaasha ifwanu yelyo, kaifishafisha, kandeimamitya kulya imungony lya kimureny kya Kidroni.

2 MBONY TA FYEERI 24:18

Llyo vandu vemanda yaanga mwiindye yefo mmba ya Nndumi Iruva, Iruva wa vasaawoye vawo.

2 MBONY TA FYEERI 33:19

Kiterewo kya mangyi, na ngata Iruva alemwarannya, ngyulyamari takwe toose atannyi naitura wiindi kwa Iruva, na kundo endetana kweiinndya Ashera na mafwanu a maruva a wongo kulare enkunyiisa kwa Iruva, mmbo akee mareiye yefo mbony ta Vakisuku.

2 MBONY TA FYEERI 33:3

Katana-se kundo kwerasya maruva a wongo, alya Esekia we ndeye emma yaafishafisha. Katana kitara ando kwerasya Baali, kasongosya mafwanu a marua Ashera, na yiindya nyinyiri.

2 MBONY TA FYEERI 34:3

Kwikee mwaaka wa kaana wa ushilyi lwa Yosia, ekee indo mwana n-ndu, kapooka yiinndya Iruva wa saawoye mangyi Davidi. Yosia myaaka yiina mmwasi, kapooka iwunndwa-wunndwa kulya koose kwekee kutani kundo kweyiinndya mafwanu Ashera na maruva a wongo.

2 MBONY TA FYEERI 34:7

Minyanuny koose kwa umangyi lwa taari ya ndoo, kandefishafisha-fo mafwanu a Ashera moose na fitara fyeerasya fyoose fikapaparwa fyengafyenga fikava sha kiluulyi, naasa kawuya Yerusalemu.

SABURI 106:35

Indi mmbo valesasanga na vandu va masanga Vakakulosha mashora awo.

SABURI 106:36

Vakainndya mafwanu a maruva awo, Mafwanu yoo akava nreiyo wawo.

SABURI 106:7

Vande veru kulya Misri Mmbalekusara mashora afo a wende-fo. Nta mmbalekummbwa ilyillya lyafo iingyi-fo. Vakalyang'aa alya yeeveny, yeeve lya Shamu.

YUUKA 34:13

Kyeendi kushesambwaa fitara fyawo fyerasya, neefisha fisha ngo tawo, neemamanya maruva awo a kyika Ashera.

YEREMIA 23:27

yewo vakusarye yeengye vandu varekkywa irina lyakwa kya moorya vakeevia umwi na ungyi, fika sha vamiku vawo verekkywa irina lyakwa kyeendwa ni Baali?

NKUMBUYE WA UVAVASO 16:21

Kulavaaye kiri kya mafwanu a Ashera kyeeri kusongosyaa ando erasya Nndumi Iruva wafo-fo,

NKUMBUYE WA UVAVASO 4:9

Lyo lola kukwiise nnu, kuringe nrima wafo kulasheerekyo filya kulelollya na miso afo kumuni, nta filasheuka muuny wafo, mmbo kusheongoyaa neelosha vana vafo na vana vawo:

NKUMBUYE WA UVAVASO 8:11

Kukwiise nnu deny naambo kulasherekywa Nndumi Iruva, Iruva wafo na mavavaso akwe yaa nkeekuvia inu.

NKUMBUYE WA UVAVASO 8:14

naasany kulasheekurosa efo nriminy wafo kurekywa Nndumi Iruva, Iruva wafo yeu alekuuta kulya Misri ushingeny;

NKUMBUYE WA UVAVASO 8:18

Mmbo kushekummbwa Nndumi Iruva wafo kimmba mmbwe yeto akuniinga finya yewona usimba yelo, naambo neengere ivangisa kyaasa kilya alevikya vande vafo fika inu.

VALETI 3:12

Naasa vana va Israeli vakawuya ilyamarya Nndumi Iruva, nawe Nndumi Iruva kaniinga Eglon mangyi ya Moabu finya naatare Israeli mashika elyi valellyamarya.

VALETI 3:8

Nndumi Iruva karooywa ni unyafi kimaruma kya Israeli nawe kavavika maakony a Kushan-rishataimu ekee mangyi ya Mesopotamia, nawo vana va Israeli vakarunndya mangyi yeto Kushan-rishataimu ando a myaaka nyanya.

VALETI 6:25

Naasa kio ekyo kyeni Nndumi Iruva kashevia Gidion, “Iboo ngoleta ya ndoo, imwi ngoleta ya kavii ya myaaka mfungare, kuterwe kitara kya Baali kyeerasya ekyo ndoo atiri, kurummbwe na iruva lya kyika Ashera lyiwe si.”

VALETI 8:33

Gidion eekifwa indi, vana va Israeli vakaalashika vakeendya maruva a wongo Baali, na Baal-Beriti vakammbika iruva lyawo.

VALETI 8:34

Vana va Israeli mmbalekikummbwa Nndumi Iruva waawo-fo, nawe mmbwe alevaauwa maakony a vakiduva vawo woose,

1 SAMUELI 12:10

Lyo wo vakafuuya Nndumi Iruva vakammbia, “Mmbo lulelyamara nnu elyi lulera Nndumi Iruva lukarundya maruva a wongo Lyo ulaalu lwakutereva kulukire maakony a vakiduva veru, lukurundye yewe.”

1 SAMUELI 12:9

Lyo vakarekyo Nndumi Iruva waawo, nawe kavavika maakony a Sisera ulya ekee nteteri wa itorito lya Hazori, kavevavika maakony a Vafilisti na maakony a mangyi ya Moabu vakakapana na Israeli.