VALETI 3:12 - BIBILLYA Mareiyo Meele a Iruva

¹² Naasa vana va Israeli vakawuya ilyamarya Nndumi Iruva, nawe Nndumi Iruva kaniinga Eglon mangyi ya Moabu finya naatare Israeli mashika elyi valellyamarya.

VALETI 3:12 Iomraidhean Croise

2 VAMANGYI 5:1

Naasa Naamani nniini wa itorito lya mangyi ya Shamu, eke nndu nniini usanguny lwa nndumi wakwe, eke nndu ashindywa kimaruma kya wiidimi Nndumi Iruva eniingye Vaashami ivinga, na mmbo ekee nndu nsha wa fira avikywa nsia; indi mmbo etirwa ni ivave.

YUUKA 9:16

Kyeendi lyo shamura-u mukee-u na muu kimaruma ekyi kyeni, naambo shikoore widimi lwakwa, na lyingyi naambo irina lyakwa lyiidukaniswa ulaniny koose.

ISAYA 10:15

Indi Nndumi Iruva mmbo aamba; “A ndesa, kyaara kishiidimaa ikushopya yeto arunda nakyo? Ao nseminu ushiidimaa ikurosa mbee ya yeto mwiirunda nato? Ni kyimwi sha yaamba mbiiri yeeshiidimaa ikurika yeto aitiri, ao nsengye ukurike yeto alakee kyiri”!

ISAYA 37:26

A ndesa nkwiitye ni yeny shiletana indo llya kasha na uka elyo mapookyony; shashemarisya ulaalu, lyive ishora lyafo ulaalu irumata miri ive nrapu.

ESEKIELI 38:16

neewe kushesaama uwe ya vandu vakwa Israeli sha ifishi lyisikyaa uruka. Kyeeri kyeefurumya, shishekweende kukapani na uruka lwakwa yewe Gogu, naambo masanga akooye ishimanya yeny, kyeeri shisheworaa paa weele lwakwa kwafo mbee ya usangu lwawo.

DANIELI 4:22

Nri yeto ni yewe mangyi mmbee, kwava mwaasha kwatira wiidimi. Mmbo kung'ani kwafika uwe nginii-u, na finya tafo ta ushilyi tikakwaana urukeny koose.

DANIELI 5:18

Kyafo yewe mangyi, Iruva yeu wa uwe mmbo aleniinga ndoo Nebukadresa umangyi, na uniini na usuri na itumbe.

HOSEA 6:4

Lyo Nndumi Iruva kaamba, Ewe Israeli na Yuda, a shitani inda kyany? Ikunda lyany kwakwa mmbo lyavivika uviny sha laura ya ngama, ao sha ituu.

Yohane 19:11

Yesu kaallwa, “Nkutiri ushilyi neeny kwee kulaore kweeluningyo luuka efo uuwe-fo. Nkyo kyaniinga yeto ashirambikya kunu maakony afo kava mmbo awonisa ulyamari uniini nnu.”

VALETI 2:11

Naasa llyo vana va Israeli valetana meesi mbee ya Nndumi Iruva vakeenndya maruva a wongo mmbo Mabaali.

VALETI 2:14

Nawe Nndumi Iruva karooyo ni unyafi kavavika maakony a vakiduva vawo vengyi vawo vakakummbwa, nta valakidimi-se ikabana na vakiduva vawo,

VALETI 2:19

lyo kyeeri mwiileta nsongorualefwa, wo vakawuya iva varavi ngota elyo mbee llya vande vawo, veesoraa maruva engyi, veenndyaa, nta valakunde ira shia tawo shiravi nta uumu lwa mirima yaawo

VALETI 3:11

Israeli kakaa na ufoo ando a myaaka makumi aana sele. Numa Otinieli kafwa.

1 SAMUELI 12:9

Lyo vakarekyo Nndumi Iruva waawo, nawe kavavika maakony a Sisera ulya ekee nteteri wa itorito lya Hazori, kavevavika maakony a Vafilisti na maakony a mangyi ya Moabu vakakapana na Israeli.