VALETI 2:4 - BIBILLYA Mareiyo Meele a Iruva

⁴ Naasa nsu wa Nndumi Iruva ekimaa ivia vandu va Israeli woose marero yoo nawo vakakapa kiiyo.

VALETI 2:4 Iomraidhean Croise

ESRA 10:1

Nalyo elyi Esra eefo atarevaa nepara ulyamari indo, kakutuula, si kifulufulu yoo mbee ya mmba ya Iruva womi vaka na vana va Israeli veengyi nnu vakakusanyirya yoo akai, veeshiiyaa nnu.

FYAASO 17:10

Wikiimbi kwa nndu nrango lutiri muye Ngota ngapo iyana kwa nrung'ani.

YEREMIA 31:9

Vandu vakwa mmbo vashewuya veshiiyaa, vatereve shivatetere veewuyaa. Nshevateteryaa mgyusokeny ta mura, shieny shisha valasinga-singa. Yeny mmbo shikee nde kwa Israeli, na Efraimu kava mwana wakwa mmbe.”

YOELI 2:12

Naakwa ni ulaalu Nndumi Iruva arera na vandu vakwe kaamba, “Kuryeny kya dede deny mukootoye neekapa kiiyo.

SEKARIA 12:10

Valya va mmba ya Davidi neewo vakee muriny wa Yerusalemu, mmbo nshevaniinga nrima wa ilyillya na nrima wa fiterewo valollye valya valevaafinya ngata vakee ivavywa naambo vaiiye kyimaruma kyawo sha nndu ayiiyaa mwana wakwe wa ngitany, akabe kiiyo na ivavywaa nnu sha nndu afiira kya ifiiywa ni mwana wakwe mmbee.

Luka 6:21

Ngoma yeni mutirwa nshaa ulaalu, kimmba mukaa muwuutiswa. Ngoma yeni mwiifo mwiiyaa ulaalu, kimmba mukaa museke.

Luka 7:38

Kashesalala yoo numa ando aoroye nang'u marende ashiiyaa kanshoshotya misoru alya marendeny. Kawuya kaangata-u na fii ta nrwe wakwe. Nawe kamiminda-miminda marende alya akwe kaamba mafura alya.

2 Vakorinto 7:10

Mashika ivavyo lyikee lya ngata ya Iruva mmbo lyeendee ikurya yelyo lyishendee ukiro lulaifo iting'wa, kyaindi ivaviywa lya kiulana mmbo lyeende ufu.

Yakobo 4:9

Muverovyo nting'wa na ikapa kiiyo. Ikyesa lyany lyaaluke kiiyo, na ifura lyany lyive yaanguywa.

VALETI 2:3

Naasa nkyo kileengye shaamba, Nshishe vaumbutaa vauke kwany-fo. Mmbo vashemukaya vavake mwiinga neeva nreiyo kwany, na maruva awo ave nsindara wany.”

VALETI 2:5

Vakafishya ando alya irina ni Bokimu. Vakauntya-u Nndumi Iruva kiraso.

1 SAMUELI 11:4

Naasa vandu vakafika kulya Gibea kwa Sauli, vakavia vandu marero yoo, na vandu woose vakayya misoru.

1 SAMUELI 7:6

Vakakusang'irya-fo, vakaraa mura vakeende mbee ya Nndumi Iruva, vakakootoya, vakaamba, “Mmbo lulelyamarya Nndumi Iruva.” Samweli kavaterevya kulya Mispa.