VALETI 2:12 - BIBILLYA Mareiyo Meele a Iruva

¹² Vakara Nndumi Iruva wa vande vawo yeto alevauta kulya Misri, vakainndya maruva a vandu valya vekee kwawo efo neefo, vakafuluta Nndumi Iruva na unyafi.

VALETI 2:12 Iomraidhean Croise

SABURI 106:36

Vakainndya mafwanu a maruva awo, Mafwanu yoo akava nreiyo wawo.

SABURI 78:58

Vakaengye Nndumi Iruva iswa kyuuka na ando a irasya maruva awo; Vakanrosya ngoo kalollya kififi kya maruva awo a ipasha.

YUUKA 13:14

Naasa fyeeri fishaa elyi mwana wafo ashekuvesaa, “Ifura elyi llyeekyi?” Llyo kushemmbyaa, “Nndumi Iruva mmbo aleluuta Misri kwi-finya ya woko lwakwe, kulya mmba ya ushinga.”

YUUKA 13:16

Kindo ekyi mmbo kishevaa ni kiringisyo wokony lwafo, na kilola efo misony afo, mashika Nndumi Iruva mmbo aleluuta Misri kwa wiidimi lwa woko lwakwe.

YUUKA 13:3

Naasa Mose kavia vandu, “Kumbweny nkonu yeu, nto nkonu muleuka Misri, efo mmbeny ya ushinga, kyuuka na woko lwa finya lwa Nndumi Iruva mmbo alemweende yaa mmbushelyiwaa nkate utiri ntarang'o-fo.”

YUUKA 13:9

Mmbo suku-kuu yeyo ishevaa sha wende yoo wokony lwafo na kindo kya ikummbwa yoo nnang'ani a miso afo, nalyo ivavaso lya Nndumi Iruva lyilawiike kaniny kyafo-fo, mashika ni woko lwa Nndumi lutiri finya lulekuuta urukeny lwa Misri.

YUUKA 20:5

Kulafiindye nta kulafirunndye-fo; mashika ni yeny Nndumi Iruva, Iruva wafo, ni Iruva atiri kyififi, mmbo nshetaiyaa vana maravi a vande vawo, shitani shafika irika lya kararu na lya kaana lya valya vashisuuye;

YEREMIA 16:11

Neewe mmbo kushevavia ‘Ni kyimaruma vandeye vany valeshimina yeny, ni Nndumi Iruva aamba, vakalatya maruva engyi vakaarunndya na iyaiinndya vakashimina yeny nta mmbaletira mavavaso akwa-fo

NKUMBUYE WA UVAVASO 13:5

Naasa nkisuku yeto ao mamoorya yeto nawaawa, kimmba aamba findo filasumani kwa Nndumi Iruva, Iruva waany, yeto alemuuta kulya Misri, kakuwouwa kulya mmba ya ushinga, neeto vai mmbo akunndye ikweeveta nakuute shieny yeyo Nndumi Iruva alekoora kuisore. Yeyo nnyo shia ya yuuta uravi efo kwany.

NKUMBUYE WA UVAVASO 29:18

Nkyo kulasheekaa-fo nta nndu umwi nnang'ani yaany, wo ave nndumi ao nka nta mfyari nalare Nndumi Iruva, Iruva weeru nanderunndya maruva engyi-fo, kilasheelukya-fo kindo kisheendee kidengo na urumato.

NKUMBUYE WA UVAVASO 29:25

Llyo vandu vasherouwaa vaambe, “Mashika elyi valera kyaasa kya Nndumi Iruva wa vande vawo, kilya alevika nawo llya alevauta kulya Misri.”

NKUMBUYE WA UVAVASO 32:15

Lyo vandu va Nndumi Iruva veekyiinina vakammina Llya valesennya neewuura nisha Vakaraany Iruva yeto alevavika-u Vakamina mbanga ya ukiro Lwawo.

NKUMBUYE WA UVAVASO 33:17

Umangyi ni lwa mwana wakwe mmbee mbembe takwe tive sha ta mboo Nakuni nato vandu va masanga, veende kwaasha, Ni fiku makumi fya Efraimu, mfiku fya Manase.

NKUMBUYE WA UVAVASO 4:25

Kyeeri mushekaa urukeny yelo kyaasha, mutirye-fo vana na vashuku, mulyamarike neepasha mafwanu a kindo kyoose nang'u nalasenyi Nndumi Iruva, Iruva waany, munrosye unyafi;

NKUMBUYE WA UVAVASO 5:9

Kulafiinndye nta ifirunndya-fo, mashika niyeny Nndumi Iruva, Iruva wafo, nnyen Iruva shilasisiryaa elyi mwatira iruva ungyi, neeny mmbo nshetaiyaa vana ulyamari lwa vande vawo shitani shafika irika lya kararu na lya kaana lya valya vashisuuye,

NKUMBUYE WA UVAVASO 6:12

llyo kukwiise nnu, kulasheerekyo Nndumi Iruva yeu alekuuta kulya Misri kwekee ushingeny.

VALETI 10:11

Nawe Nndumi Iruva kavia vana va Israeli, “A ndesa shilemwaauwa-se maakony a Vamisri na a Vaamiri na a Vaamoni na a Vafilisti?

VALETI 5:8

Vakasauwa maruva a wongo Nato fira tikavasora A kulelollyo-fo nta ngao ao ifumu? Efo fikuny makumi aana fya Israeli?

VALETI 8:33

Gidion eekifwa indi, vana va Israeli vakaalashika vakeendya maruva a wongo Baali, na Baal-Beriti vakammbika iruva lyawo.