VALETI 10:16 - BIBILLYA Mareiyo Meele a Iruva

¹⁶ Naasa vakoota-fo maruva alya a wongo eekee kwawo, vakabooka yiinndya Nndumi Iruva, nawe Nndumi Iruva kalollya ukyiva lwa Israeli.

VALETI 10:16 Iomraidhean Croise

Mapookyony 6:6

Nndumi Iruva kakurrya elyi aleumba nndu ulaniny kasokkywa mfyoova nriminy.

2 VAMANGYI 13:23

Indi Nndumi Iruva kavalillya, na itingwa, kyawo kimaruma kya kyaasa kyakwe na Abrahamu, na Isaka, na Yakobo, nta nnyalekunda ivamamita nta ivantya kwaasha na usangu lwakwe-fo.

2 MBONY TA FYEERI 15:8

Asa ekiita marero yaa, a ukisuku lwa Asaria mwana wa Odedi, kikanniinga nrima koota-fo mafwanu alya moose ekeyeengye vandu vakasua kulya urukeny loose lwa Yuda na Benyaminy na alya a ngyuruka tilya toose etiri mifungwa kulya mafumbuu a Efraimu. Nalyo kasongosya kwa wiiya kitara kyeerasya kya Nndumi Iruva, kilya kyekee kulya ndaleny ya mmba ya Nndumi Iruva.

2 MBONY TA FYEERI 33:15

Koota-fo maruva a wongo, na mafwanu alya ekee kulya mmba ya iterevya, na fitara fyeerasya filya emmbika uwe alya mmba ya iterevya yekeeshitanyi, na kundo kungyi kulya Yerusalemu kawunndwa findo yefi fyoose kandefyeera kwaasha ya muri.

2 MBONY TA FYEERI 7:14

Kwakooya vandu yewo vakwa vakunyiisa, vatereve na ishiruuya vashera-fo mikaaye yawo mikasha, llyo yeny shishevaarannyaa kuuka iruveeu, shivafwaaye ulyamari lwawo, na uruka lwawo.

SABURI 73:21

Kyeeri makusaro akwa ekeevava Na ngoo yakwa ikadoshwa;

ISAYA 63:9

Nnang'ani ya ukiva lwawo woose we kalyiswa, ukiva na nsu wa kisangu kyakwe kavakira, kyuuka we muni, kavarosa, kavaipoo mikonu myoose ilemmiira.

YEREMIA 31:20

“Israeli, kukee mwana wakwa nkunde nnu, shinkunndye nnu deny. Elyi shakusenda mmbo shasennywa nnu, Nrima wakwa mmbo wasembeya kufii neewe. Mmbo nshekulyillyaa.

HOSEA 11:8

“Israeli a niinda nshidimaa ikweera efo? A mmbo nkuraa inda? A nshidimaa ikumamita shaasa shetannya Adima, ao shikutannyi shaasa shetannya Zeboiimu? Nrima wakwa mmbushekeyaa shitani indo-fo Ikunda lyakwa kwafo yewe lyitiri finya nnu,

HOSEA 14:8

Vandu va Israeli mmbashekisoraa maruva a wongo-fo. Mmbo nshevaringaa neerouwa fiterewo fyawo. Mmbo nshevavikyaa nruve vave sha nri ulanaa, shive kimayeny kya mbora tawo.”

MIKA 7:18

Nkwiifo iruva lyikuvakye-fo Nndumi Iruva yewe mmbo kwasarya ngyulyamari ta vandu vafo valya valelusaaya-u. Nta nkwarooywa ni unyafi llung'anu-fo, kyeendi mmbo kusennywa ni elyi kwaloora ikunda lyafo lyilamandaa.

Luka 15:20

Nalyo kakwipoo keenda kulya kwa ndeye. Elyi akee kwaasha ndeye kallollya, kavavyo mmuu, keenda eerishaa, kallingilya singony kammiminda.”

Luka 19:41

Na elyi eefo ashaafukyaa-fo kalola muri ulya kaudonisya misoru.

Yohane 11:34

Kaamba, “A kundo mulemwaara nkwi?” Vakammbia, “Osho kushelola.”

Vaefeso 4:32

na lyingyi veny velyilyana muveni na veni, muvesaryana shaasa Iruva nawe alemusarya kyeendwa ni Kristo.

NKUMBUYE WA UVAVASO 32:36

Mashika Nndumi Iruva asheetaa vandu vakwe Nalyillye mashinga akwe Kyeeri ekyo alollya finya tawo tammeeleleka Neelyi valollyaa nkwasaau nndu nalakeemfinge

Vaebrania 3:10

Nkyo sharooyo ni unyafi kimaruma kya irika elyi, shaamba, ‘Kyeeri kyoose mirima ya vandu yeva mmbo yeevekye, mmbalemanya shia takwa-fo.’

Vaebrania 4:15

Mashika Nkohani yeu weeru Nniini nnyalelemwa itamballya neese kunu ufwafweny lweru-fo, mashika we mmbo aleeswa kimwi sheese-da kya findo fyoose, lyo nalatani ulyamari.

YOSUA 24:23

Yosua kavavia, ‘Kyasia ulaalu maeny-fo maruva yoo a wongo akee kwany, mirima yaany yiindukye kwa Nndumi Iruva, Iruva waany mmbwe muni lushendundyaa na yaaranya unyanga lwakwe’

VALETI 2:18

na Elyi Nndumi Iruva alevavikya valeti yewo, Nndumi Iruva kakaa nawo, kavaringa kyeeri kyoose kya valeti yewo, kavaauwa maakony a vakiduva vawo, mashika Nndumi Iruva mmbo alevalyillya elyi alelola shaasa vakiduva vawo valevasisya neevasaveesa,

1 SAMUELI 12:10

Lyo wo vakafuuya Nndumi Iruva vakammbia, “Mmbo lulelyamara nnu elyi lulera Nndumi Iruva lukarundya maruva a wongo Lyo ulaalu lwakutereva kulukire maakony a vakiduva veru, lukurundye yewe.”

1 SAMUELI 7:3

Naasa Samweli kavia Vaisrali woose, “Kwakooya mwawuiya Nndumi Iruva na mirima yaany myoose, na yuuta-fo maruva yoo mutiri, nng'u Maashtoreti alakani neeni, muniingye Nndumi Iruva mirima yaany nenndundya we muni, nawe mmbo ashemutaa maakony a Vafilisti.”

1 SAMUELI 7:4

Nalyo Vana va Israeli vakootafo mabaali na Maashitoreti, vakarundya Nndumi Iruva muni.