Vafilipi 4:8 - BIBILLYA Mareiyo Meele a Iruva

⁸ Na kya ifurumya vanavama vakwa, kwakooya kwiiyo mbony shoose ya dede, fyoose fikee fya waarya, fyoose fya usumanu, fyoose fikee fya usha na fisenyi, neefyo fyoose fikee fya nnduma nsha, kwakooya kwiiyo usha loose, kwakooya kwiiyo nnduma nsha, langeny nnu mikaye ya ngata yeyo.

Kyaasa Kiiya

⁸ Na kya ifurumya vanavama vakwa, kwakooya kwiiyo mbony shoose ya dede, fyoose fikee fya waarya, fyoose fya usumanu, fyoose fikee fya usha na fisenyi, neefyo fyoose fikee fya nnduma nsha, kwakooya kwiiyo usha loose, kwakooya kwiiyo nnduma nsha, langeny nnu mikaye ya ngata yeyo.

Vafilipi 4:8 Iomraidhean Croise

Mapookyony 18:19

Mashika shillolye we mmbwe yeto ashesalallyaa vana vakwe, na va mmba yakwe vasore shia ya Ndumi, vasore dede na usumanu, naambo Nndumi Iruva nawe nainutye Abrahamu fyaasa fyakwe.”

2 SAMUELI 1:23

Sauli na Yonatan, vekee vakunde vakasennya Vekee na muu ao vammeefwa vakava kindo kyimwi Vakarumbuka sha ngoru, vakakaarya sha miiso

2 SAMUELI 23:3

Iruva wa Israeli mmbo alerera, We mbanga ya Israeli kashivia, Yeto mwishillya vandu kya usumanu, Kashillya na usumanu lwa Iruva.

SABURI 82:2

“A kumande indii mwiletaa? Kuleefo usumanu, na ikundya varavi?

FYAASO 11:1

Mesa a yeesya a ulembi Nndumi Iruva mmbo asuuye, Indi kyeeso kya usumanu ni ifura lwakwe.

FYAASO 12:4

Nka nsaari ni ureto lwa utore lwa mmi wakwe, Nka asutaa mmi wakwe mmbo avakkye itiinga mafueny akwe.

FYAASO 16:11

Nndumi Iruva mmbo akundaa kyeeso na mesa a yeesa a usumanu; Mawe moose a mfikony a yeesya ni ishora lyakwe.

FYAASO 20:7

Nndu nsumanu kakaa kwa woorotu Vana vakwe ashevara-u mmbo vawikywa mbora.

FYAASO 31:10

Nka nsaari dede, nkwi awonikaa? Eto atiri usha ngota wo kindo kya uuru uniini.

FYAASO 31:29

Mmi kaamba, “Vaka veengyi mmbo valetana findo fya wende, Indi yewe kwavairya woose.”

FYAASO 31:31

Nrike wakwe usumani iindyo. Mashora akwe nkuti naindywa ando koose.

KYIIMBO KYA FIIMBO 5:16

Kana kyakwe mmbo kiishwe marero arolaa, Kya dede ni nsha kyuumu, Naasany ni indo nkunde wakwa akai, Yee, nyendo akai mbuya yakwa, Yeni vaka va Yerusalemu.

ISAYA 26:7

Shimamiri shia ya nndu nsaari kundo koose ashiiraa kwayallwa shoorotu.

Matayo 22:16

Vakanrummya vakiloshyony kyawo varyani na vandu vatiri mbuya na Herode, vakaamba, “Ale llori! Lwiishi mmbo kukee nndu mwiirera fya dede na shia ya Iruva kwaveifunda kya dede, kulalolaa nta fisangu fya vandu.

Marko 6:20

Neelyi Herode eereiye Yohane eeishi ni nndu nsumanu kaveva mweele. Kakaa anringaa. Kava mumwiirannya kavefulukywa keengyi. Kawuya kavekunda imwaarannya-da.

Luka 16:15

Nalyo kavavia, “Yeni mukee vandu vekwallwa va usumanu muveni efo fisanguny fya vandu. Indi Iruva mmbo amwiishi mirima yaany! Mashika yekyo kirose kunu vanduny mmbo kyava usutu efo usanguny lwa Iruva.

Luka 2:25

Nalyo akakau nndu akee kulya Yerusalemu na irina lyakwe ni Simion. Nawe ni nndu wa usumanu mwiindya Iruva. Kaveva nndu avereyaa kiviiryaa Israeli muu akee nkaye ni Mumuyo Mweele.

Luka 23:50

Nalyo akakau nndu nndumi ansha nafo avangwaa ni Yosefu, akee nndu nsongoru ni ntele kaveva wa usumanu.

Yohane 7:18

Yeto mwiirera kyuuka na shila yakwe mmbo asia ando asheng'anisywa we muni. Indi nndu asiiya yeto aleshiruma ando asheng'anisywa mmbwe nndu wa toki, nalakee na findo fya mwiiri nta.

Mashora 10:22

Vakaamba, “Ni Kornelio nshilyi, akee nndu wa usumanu, mwiindya Iruva, akee nndu atiri irina isha kwa Vayuda woose, mmbo alevavasywa ni nsu mweele, narumi vandu kwafo, kweende kyeny kwakwe, naambo needimi ikwaarannya.”

Mashora 22:12

“Naasa nndu umwi evaangwaa Anania, nsaari wa isora mavavaso, akee nkureekye mesha ni Vayuda woose va efo,

Mashora 6:3

Kyasia vanavama, sauweny vandu mfungare efo nnang'ani yaany, vakureekywa kya usha, vaishwe Mumuyo Mweele, na waarya, naambo luvarambikye mbony yei.

Varome 13:13

Mashora a nsanyiny ni itira wiindi, nta lulasheeva veelya nnu na inangwa, nta itana fya uravi na fya utuusi, nta isyana myaandu, kififi.

Varome 13:3

Mashika yewo veshillya mmbaeresee vandu mashika elyi vatana mesha-fo, kuuta ni elyi vatana maravi. A mmbo kulakunndye iiryaa yeto atiri ushilyi? Kyasia, tana efyo fikwaani naambo kuwoni-u irerwa kisha.

Varome 14:18

Mashika yeto arundya Kristo nisha efo findony efyo mmbo asennya Iruva, naakwa ni vandu vakamwirikya.

Varome 2:29

Ni elyi akee Myuda akee Myuda auka efo nnang'ani na irinwa lyakwe llya efo nriminy, lya ngoony, nshi lya mareiyony-fo. Na nnduma wa vayo nshi wooka kwa vandu-fo, nkwa Iruva muni wooka.

1 Vakorinto 4:5

Naasa yeni mulaute uvingo lwa kindo kyoose kyeeri kilandefika-fo, kutani elyi Nndumi ashaa; mmbwe yeto ashemikyaa yefyo fikee fisurumi ireeminy, neesukkwa fyama fyoose fya ngoony ta vandu, llyony, wo nndu ashewonisaa nnduma wakwe efo kwa Iruva.

2 Vakorinto 13:7

Neese mmbo lukeetereva Iruva naambo mulatani nta kindo kiravi, nshi naambo lulollywa mmbo lwiirikyo-fo lyo naambo yeni mukooye itana ekyo kyisha, na kyikava yese luvakkye yewo valeminkye.

2 Vakorinto 6:8

Na lukaniingwa nnduma nkasha, kya irera kikasha neererwa kisha, sheelyi lukee valembi ate ni vandu va dede.

2 Vakorinto 8:18

Ando amwi nawe lukaruma mwanama yeto nnduma wakwe wa Nrumi ya Nsia mmbo ukwaani siriny toose.

2 Vakorinto 8:21

Kyeeri lukekusara mesha, nshi mbee ya Nndumi-da-fo, na mbee ya vandu-da.

Vagalatia 5:22

Kyaindi ndunda ta Mumuyo ni ukundi, ifura, urilalyi, usisiryo, unndu usha, ilyillya, usaari,

Vaefeso 4:25

Naasa kuuteny wongo, murere dede sheni wo nndu na ungyi, mashika yese loose mmbo luvakye filungo fya mwiili umwi nsi.

Vaefeso 5:9

Kimmba ndunda ta sa ni usha lwa wo ngata na usumanu na dede;

Vaefeso 6:14

Kyasia kwiipony shu, muveraa dede, neeraa kyisha kiringaa mbafu kya usumanu.

NKUMBUYE WA UVAVASO 16:20

Efyo fikee fya usumanu deny mfyo kushesoraa, naambo kukeeny kyaasha neewona ding'u urukeny yelo Nndumi Iruva wafo akuniingaa.

Vafilipi 3:1

Numa ya efyo vanavama, fureny mukee na Nndumi. Imureiya mbony tilya sheni nkishirovyaa yeny-fo, mashika kyivaa mbusha kwany.

Vakolosai 4:5

Kaeny na urango kwa yewo valakee vakristo, mularetaa nta fyeeri.

1 Vatesalonike 4:12

naambo moore wiindi kwa yewo valakee Vakristo na nta mulatafukwaa nkindo.

1 Timoteo 2:2

Kimaruma kya vamangyi neewo woose vatiri ushilyi, naambo luwoni suku shisha na ta urilalyi, lukee na waarya na utele.

1 Timoteo 3:11

Na vaka vawo naawo, vave vasaari, nta valave vevikya vengyi ureeree, vave va mwiiyanu, vave vaarya findony fyoose.

1 Timoteo 3:4

naveva mwiisalallya kyeny kwakwe nisha neelosha vana vakwe vatire vyo;

1 Timoteo 4:12

Lola nndu moose nalasheemina ukoo lwafo-fo, mashika nkuti kuve kyaaso kwa yewo vakusirye, kwiireraa na kwiitanaa, na yoora ikunda na kyikusiryo kisha.

1 Timoteo 5:10

Nawe nkuti nakooye akureekyo mesha, kwakooya alerosa vana, neyaambya veny neesangya veele marende, na yeekya velyiswa ukyiva, neetana findo fisha etiri usau.

1 Timoteo 5:2

vaka vakuu kuvaikimbe sha mau, na vana va kyika sha vamfwamau, kutani indo na waarya nnu.

Tito 1:8

Lyo nave nndu alangye yaambya vandu, alangye mesha, wa mwiiyanu, wa usumanu, mweele, ashiidimaa isira ngata yakwe muni.

Tito 2:14

yeto alekuuta we muni kimaruma kyeru, naambo naluute efo maraviny moose, nelyise vandu yewo va ushilyi lwakwe muni, vatiri umale lweetana mashora mesha.

Tito 2:2

kyeyaamba vamiku vave na mwiiyanu, vakae na wiindi, na waarya vantumaa kikusiryony na ukundiny neeva na usisiryo.

Tito 2:7

yewe kumuni kuve kyaaso kyisha kyeelolwa kwikee na mweendo usennyi findony fyafo fyoose, neefo ufundony lwafo koore woorotu na usaari.

Tito 3:14

Vandu veru vakuloshe itira maako neetana findo fisha naambo valave sha vandu valavikaa ndunda.

Vaebrania 11:2

Na vamiku veru mmbo valekureekywa kya ekyo.

Vaebrania 13:18

Luterevyeny; mashika lwiishi mmbo lutiri nrima nkesi, lukakunda itira ngaa shisha findony fyeru fyoose.

Yakobo 1:27

Imanya Iruva lya dede lyilatiri kiteve mbee ya Iruva Nde llyo elyi, “Ni indesaiya vana va ngwera na vaka va ding'u efo ngatareny tawo, na ikuringa kumuni kulawoni-fo fiteve.”

Yakobo 3:17

Kyaindi urango luukye kwa Iruva mmbo lukee usha, lwa urilalyi na ufoo, lwa waarya, lulangye yarannya vandu vengyi, lukaishwa ilyillya na itira ndunda shisha, lulatiri uriingyi, nta lulatiri ukunang'ari.

1 Petro 1:22

Mukammaa ikwiilyisa mirima yaany na iirikya dede yeyo, muvefikya ikunda lya Kikristo lyilatiri ukunang'ari, mukundani na nrima.

1 Petro 2:12

Kaeny na ngaa shisha efo kwa vandu va masanga, naambo kwakooya vamweekerya fya wongo sheelyi mukee veetana makasha, elyi valolaa mikaaye yaany misha, vang'anise Iruva elyi nkonu ufikaa.

1 Petro 4:8

Mmwasi ya findo fyoose veny na usasari nnu lwa ikundana, mashika ukundi mmbo lulamyaa ulyamari na lukang'ana inda.

2 Petro 3:1

Vakunde vakwa, barrwa yei nnyo ya kavii shilemureiya yeni. Kunu barrueny eti mmbo shikunndye shaante mirima yaany shiimukumburaa,

1 Yohane 3:18

Vana vakwa vadu, lulakunde na marero-fo nta na ulumi-fo, lukunde kya dede na itana indo.

1 Yohane 3:3

Na wo nndu avikye nsia indo mmbo akwiilyisaa, shaasa we avekee mweele.

1 Yohane 4:1

Nyira vakunde vakwa, mulairikye wo nndu-fo, lyo eseny wo ngata ya nndu kwakooya yauka kwa Iruva ao oode. Mashika vakisuku va wongo veengyi mmbo valenkwipoo ulaniny.

RUTI 3:11

Kyasiany mwanakwa, kulairyeefo, mmbo nkutannyaa shaasa kukundye, kimmba vandu woose va kunu muriny yeu vaishi sheelyi yewe mmbo kukee nka nsaari.