Vafilipi 4:6 - BIBILLYA Mareiyo Meele a Iruva

⁶ Mulakwaatare na kindo nta kimwi-fo, lyo wo kindo kimuting'aa mmbo muterevaa Iruva, ando amwi neemwaana, Iruva nakooye imanya yefyo fyamwaanguya.

Kyaasa Kiiya

⁶ Mulakwaatare na kindo nta kimwi-fo, lyo wo kindo kimuting'aa mmbo muterevaa Iruva, ando amwi neemwaana, Iruva nakooye imanya yefyo fyamwaanguya.

Vafilipi 4:6 Iomraidhean Croise

1 VAMANGYI 8:28

Nndumi Iruva wakwa, Yeny shikee ishinga lyafo mmbo shakutereva kwaarannyi kiterewo kyakwa ekyo shiifo shikutereva nkonu yeu wa inu.

2 MBONY TA FYEERI 32:20

Mangyi Esekia na nkisuku Isaya mwana wa Amosi vakatereva Iruva na imfuuya naambo avaniinge weekyi.

SABURI 51:15

Woi Nndumi Iruva tarambwa firomu fyakwa, Na kana kyakwa karere usuri lwafo.

SABURI 55:17

Ngama, nsanyiny, na nkwaany na mmbo shikulaiya, na ifuuya Nndumi Na mmbwe asheeta unyanga lwakwa.

SABURI 55:22

Mario moose reeya Nndumi Iruva wafo Nawe ashekukaarisaa, nta nawe, nnyashereyaa nsumanu wakwe avingwa-fo.

SABURI 62:8

Kyeeri kyoose vikeny nsia kwakwe, yeni vandu. Mongoyeny efyo fyoose fikee yefo miriminy yaany, Mashika Iruva mmbwe kirishony kyeru.

FYAASO 15:8

Firaso fya varavi ni weesi mbee ya Nndumi Iruva. Indi kiterewo kya nndu nsaari nkifurisaa Iruva.

FYAASO 16:3

Vika Nndumi Iruva nsia wa mashora afo, Na ngyuramba tafo tisheinukyaa nisha,

KYIIMBO KYA FIIMBO 2:14

Yewe mbeta yakwa, kukusurumye ngininy. Shoora kisangu kyafo tupu, A nkye shiite unyanga lwafo-dwa Mashika unyanga lwafo mmbo lwasennya, na kisangu kyafo kyikeende nsia.

YEREMIA 32:16

Shikimaa irammbikya Baruku barrwa ilya ya wuuru, shatereva shaamba,

YEREMIA 33:3

“Shivaanga, neeny nshekwiirikyaa, shikoore findo fya wende finiini kulore kufiishi.

DANIELI 3:16

Shadraki, Meshaki na Abedneko vakavia mangyi, “Yee Mangyi nndumi, llutiri kyimaruma ikurouwa yewe kya mbony yei-fo.

DANIELI 6:10

Kyeeri Danieli emanya sheelyi mangyi ammbika woko ishingo llya mmbo eenda kyeny, kaanga mmba efo kirieny kya uwe, ando kutiri idirisha usumanu na Yerusalemu. Yoo idirisheny elyo nng'u ando Danieli eefiryaa-ndi, elolaa Yerusalemu, katereva neyaarafuma Iruva wakwe kararu wo nkonu; ndesa yeeke miishivye yakwe uka numa.

Matayo 10:19

Na kyeeri vamurambikya-fo nta mulasaukwa kindo mushaambaau. Mashika kyeeri ekyo kyeni mmbo musheniingwaa kya yaamba-u.

Matayo 13:22

Na kya yeto tileerwa efo miingeny, we mmbwe mwiirannya ndera yeyo kandetirwa ni ngyusau ta muu yeu na ilembwa ni masaa, nafyo fikansisira na ndera yeyo ikakaa indo ilavika kimu.

Matayo 6:34

Naasany nta mulasaukwa kya ndesi, Shamashika nkonu wa ndesi usawukwaa nkya vayo. Wo nkonu utiri ngatara ya vayo iwumaa.”

Matayo 6:8

Naasa yeni mulave shawo; mashika Nde yeto waany aishi yekyo mwatura kulaore mwammutereva.

Luka 10:41

Naasa Nndumi kammbia, “Marta, Yewe mmbo kwasaukwa na ikuvinisa na findo fiingyi.

Luka 12:22

Nalyo kavia valya vakiloshyony vakwe, “Nkyo kyimaruma shamuvia, nta mulave vandu veesaukwa-saukwa kya muu yeu kindo mushelyaa, nta kya mwiili eto wany, kindo musheraa.

Luka 12:29

Nta mulave vandu veevesa-vesa kindo mushelyaa na ina nta mulatafukwa-tafukwa kya findo efyo-fo.

Luka 18:1

Naasa Yesu kaveera kyaaso kyeevafunda kuti vave vetereva Iruva fyeeri fyoose nta valashelemwa.

Luka 18:7

Iruva mmbo mwaamba we asheraa nalarumbuya yewo asawuye myaandu yaawo kya songosiny, nawo veefo vamfuyaa kio na nsanyiny, nawe navatevese tupu?

1 Vakorinto 7:21

A kulevaangwa kwikee ishinga? Naasa kulasue-fo. Lyo kwakooya kushiidimaa yuuka-fo, nkisha, tana indo.

1 Vakorinto 7:32

Kyaindi mmbo shikunndye mulawonise waataro. Yeto nalarye nka mmbo akuvinisaa na mbony ta Nndumi shaasa akooyaa insenya.

2 Vakorinto 1:11

neeni kwakooya mwaakana neese itereva kimaruma kya simbo ilya luningwaa nngarami ya vandu vengyi, naambo vandu veengyi vaniingye kyaanu kimaruma kyeru.

Vaefeso 5:20

muveana Iruva Nde mikonu myoose kya findo fyoose, kwi irina lya Nndumi weeru Yesu Kristo.

Vaefeso 6:18

na fiterewo na fyeerero fyoose mwiiterevaa wo kyeeri mukee na Mumuyo, muvelala shoovi kya efyo mwiiterevyaa veele woose.

Vakolosai 3:15

Na urilalyi lwa Kristo lumusalallye miriminy yaany, nkyo mulevaangyo, muveva vandu va kyaanu.

Vakolosai 3:17

Na wo kindo mutanaa, na kyikava kyeerera ao kyerunda, taniny fyoose na irina lya Nndumi Yesu, muveana Iruva Nde kyeendwa mmbwe.

Vakolosai 4:2

Laleny shoovi nnu mwiiterevaa, ando amwi na yaana Iruva,

1 Timoteo 2:1

Naasany kindo kya mbee kive ni fyeerero na fiterewo neeterevya vengyi Iruva ando amwi na fyaanu, efyo mufitani kimaruma kya vandu woose.

1 Timoteo 5:5

Na yeto akee nka wa dingu deny karewa muni, yeto we mmbo avikye Iruva nsia, kavesinda etereva na yeererya Iruva kio na nsanyiny.

1 Petro 4:7

Lyo masiyony a findo fyoose ansha kufii, naasany, wareny urango muvelala shoovi mwiterevaa.

1 Petro 5:7

Mukeeny indo muvenrika we mario any moose, ni elyi we akee ikuvinisa nnu kyany yeni.

1 SAMUELI 1:15

Nalyo Ana karouwa kammbia, “Oode-te yeny mmbo shirovyo nriminy, nshiniiye nta kindo kinangaa-fo, mmbo sharambuya Nndumi Iruva nrima wakwa.

1 SAMUELI 30:6

Davidi keereve nnu, mashika vandu maata mmbo veekundye nakapo na mawe, veetinnywo nnu n'kya vana vawo na vaka vawo. Lyo we Davidi kakukaarisa na ivika Nndumi Iruva nsia, we Iruva wakwe.

1 SAMUELI 7:12

Naasa Samweli keepoo iwe kalyisaleesa alya nnang'ani ya Mispa na Sheni kalyivaanga “Eben-ezeri,” nkyo kyaamba, “Fikainu ni Nndumi Iruva alelweekya.”