Vafilipi 4:3 - BIBILLYA Mareiyo Meele a Iruva

³ Ee-da, shikundye na yewe, ishinga uroye wakwa wa dede, kweekye vaka yewo, mashika mmbo valekapannya Nrumi ya Nsia ando amwi neeny, ando amwi na Klementi, ando amwi na yewo vengyi valeakana neeny nawo marina awo akee efo kyitabuny kya muu.

Kyaasa Kiiya

³ Ee-da, shikundye na yewe, ishinga uroye wakwa wa dede, kweekye vaka yewo, mashika mmbo valekapannya Nrumi ya Nsia ando amwi neeny, ando amwi na Klementi, ando amwi na yewo vengyi valeakana neeny nawo marina awo akee efo kitabuny kya muu.

Vafilipi 4:3 Iomraidhean Croise

SABURI 69:28

Marina awo afuutwa-deny efo kyitabuny kya muu; Marina awo alalollywa-deny efo kyitabuny kya vasumanu-fo.

YUUKA 32:32

Kyeendi ulaalu kwakooya kulavasaryaa ulyamari lwawo, shakutereva, uta irina lyakwa efo kyitabuny kyafo.”

ISAYA 4:3

Yewo vashesaa-fo veifo na muu muriny wa Yerusalemu kulya Sioni mmbo vashevaangwa Veele! Valya marina awo akeemareyye yefo kyitabuny kyakwe wo mmbo vashesaa Yerusalemu.

ESEKIELI 13:9

Mmbo nshoorrwa woko lwakwa uwe yaany yeni vakisuku mukeyaamba wongo na yaawuya fisuku fya ilemba vandu. Kyeeri vandu vakwa vakwaanannya irummbwa shila, yeni mmukooywau-fo. Nta mmuvikwaa yefo urambeny lwa vandu va mmba ya Israeli-fo, nta mmushaanga yefo urukeny lwa Israeli-fo; llyo mumanyaa sha elyi yeny mmbwe Nndumi Iruva.

DANIELI 12:1

“Kyeeri ekyo akwiipoo nsu yeto nniini we Mikaeli yeto aringaa vandu vafo. Kushe kyeeri kya ngatara kilandelollyo uka elyo vandu vammuumbwa. Elyi kyeeri ekyo kifikaa, vandu vafo woose ewo vakee vareiye efo kyitabuny kya Iruva mmbo vashekyirwaa.

Luka 10:20

Indi kindo mushefuraa nakyo nshi elyi mimuyo yeyo mikasha imwiirikye-fo, mmbo mushefuraa elyi marina any akee mareiye efo iruveeu.”

Varome 12:1

Naasany vanavama vakwa, mmbo shamutereva kyikee kya isarya lya Iruva niingyeny miili yaany ive kyiraso kyeele kyitiri muu, kive nkyo mwiindye wa dede.

Varome 16:12

Shiidikiryeny na Trifaina na Trifosa, vasasari nnu efo kwa Nndumi. Shiidikiryeny na Persisi, nkunde alekutakura nnu kyimaruma kya Nndumi.

Varome 16:9

Shiidikiryeny na Urbano, nndundi wa Kristo ando amwi neeny, na Stakisi, nkunde wakwa.

Vafilipi 1:12

Lyo vana vama vakwa, mmbo shikundye mumanyi sheelyi filya fyoose fileshikooya mmbo fileenda indo mmwasi kyeendwa ni ikwaanisa Nrumi ya Nsia.

Vafilipi 1:16

Wo mmbo vakeyaamba Kristo na ukundi, veishi sheelyi yeny mmbo shikee nsauwe naambo shikureekye Nrumi ya Nsia;

Vafilipi 1:27

Llyo mikaaye yaany ive shaasa kiisumanyi Nrumi ya Nsia ya Kristo. Naambo kwakooya shasha neemulollya, yeni, ao kwakooya shilaiyo, shikooye iita mbony tany, sheelyi mmbo muselelyi shumu mwikee na nrima umwi nsi, mwiikapannyaa iirikyo lya Nrumi ya Nsia.

Vafilipi 1:5

kimaruma kya wiitanu lwany ivambisa Nrumi ya Nsia, uka nkonu ulya wa mbee na kufike inu.

Vafilipi 1:7

Na shaasa kivekee kuti yakwa shimukusarye kya efyo fyoose, mashika yeni mmbo mukee kunu nriminy wakwa, kimmba kyeeri kya ikaa lyakwa kifingyony neefo ishoreny elyo lya ikureekya Nrumi ya Nsia na iivangisa, yeni moose mmbo muleakana neeny isarya elyi.

Vafilipi 4:2

Mmbo nkeetereva Euodia, shooka-fo shatereva Sintike, vave na nrwe umwi-nsi vekee na Nndumi.

Vakolosai 1:7

Shaasa Epafra akee ishinga urooye wany na nkunde waany alemulosha. Kaveva mwifurukannya Kristo akee nsaari kimaruma kyany.

Usukuyony 13:8

Na vandu woose va uruka mmbo vashelyifiryaa ndi, yeto moose irina lyakwe lyilakee ireiye efo kyitabuny kya muu kya Ngurana ya Iruva, ulya aleshishwa uka llya ulana luleumbwa.

Usukuyony 17:8

Ifisi llya kulelyilollya lfa efo, llyo lyikiefo-fo, lyo mmbo lyikudeesye isaama lyuuka si kwa vafu na yeenda urumatony. Neewo vakee ulaniny, mmbo vasheawukwaa elyi valollyaa ifisi elyo, elyi lyeiyo lyo lyilakiyo, lyo lyishekaa-fo.

Usukuyony 20:12

Shalollya vafu, vaniini na vadu, vesalalyi yoo mbee ya kitima kilya kya itumbe; numa fitabu fikatarambuwa, na kyitabu kingyi kikatarambuwa, nkyo kilya kya muu; na vafu yewo vakautyo uvingo kiinani na filya fikee fireiye efo fitabuny, shaasa mashora awo akai.

Usukuyony 20:15

Na nndu yeto nalandereiywa efo kyitabuny yekyo kya muu mmbo aleerwa iruveny llya lya muro.

Usukuyony 21:27

Nafo nkusheangaa-fo kindo kyikee kifwafwa, ao yeto mweende unyafi na wongo-fo, kuuta yewo veni vakee vareiye efo kyitabuny kya muu kya Ngurana ya Iruva.

Usukuyony 3:5

Yeto ashevingaa mmbo avikwa indo soori shaa, nta nshisheutaa irina lyakwe efo kyitabuny kya muu-fo na yeny mmbo nshekureekyaa irina lyakwe mbee ya Ndeakwa, na mbee ya vasu vakwe.