Vafilipi 4:17 - BIBILLYA Mareiyo Meele a Iruva

¹⁷ Nta nshi shilangye mweengere ishitannya indo-fo, lyo mmbo shifurye kimaruma kya simbo yeto tany tikeengera ifumbuka efo kwany.

Kyaasa Kiiya

¹⁷ Nta nshi shilangye mweengere ishitannya indo-fo, lyo mmbo shifurye kimaruma kya simbo yeto tany tikeengera ifumbuka efo kwany.

Vafilipi 4:17 Iomraidhean Croise

FYAASO 19:17

Mwiiekkya ngwera mmbo aarya Nndumi Iruva, Nndumi Iruva ashentaa kya mitannye yakwe misha.

MIKA 7:1

Oshiny lwakwa, Mmbo shivakye nndu atirwa nshaa nalaona nta ndunda isaaye yoo nriny nailye. Ndunda toose mmbo tammaa iyaywa-fo mmbandu vengyi.

MALAKI 1:10

Kyevaa kyeeni umwi waany naraye myaango ya mmba ya Iruva naambo mulandeata muro wa ruu wekora firaso! “Nshitiri ifura neeni-fo,” Nndumi Iruva arera indo. Nta nshiwaryaa firaso fya maako any-fo.

Yohane 15:16

Nta shi yeni muleshisauwa-fo. Ni yeny shilemusauwa yeni, shamuruma mweende mundevika ndunda. Na ndunda yeto tany muvikaa tikooye ikaafo llung'anu. Na wo kindo mwankitereva Nde kikee kya irina lyakwa naambo naidimi imuniinga.

Yohane 15:8

Kindo Nde-yaakwa akooya ing'aniswa nakyo ni elyi mwavika ndunda shiingi, mukashiviiya vakiloshyony vakwa.

Varome 15:28

Naasany kwakooya shainutya ishora elyo, na iringisya ndunda eto, mmbo nshiiraa kwany sheende Hispania.

2 Vakorinto 11:16

Mmbo sharera lyingyi, nndu naleshekusara yeny mmbo shikee nrung'ani kyaindi naakwa mashikusarya indo, shiwaryeny sha nrung'ani waany, naambo neeny shiidimi irumana-u kinnywa.

2 Vakorinto 9:5

Naasa mmbo shilelollya nkuti shiitike vanavama yeva vasongwe ifika kwany, mupooke ideesya yekyo mulevikya kyaasa uka mbee, kikooye kiiyo, kive sha kiraso, nta kilasheeva kindo kyaniingywa na kififi.

Vafilipi 1:11

Indo muvekaa-fo mwiishwe ndunda ta usumanu kyeendwa ni Yesu Kristo, kya itumbe na nnduma wa Iruva.

Vafilipi 4:11

Nshi nkeerera indo mashika elyi shaanguywa nkindo-fo, mashika shilemmaa iishivya na iirikya ikaa na mwiina yeto wakwa.

1 Vatesalonike 2:5

Mashika yese lluleamba marero ekukundisa luveni-fo, neeni mwiishi indo, nta llulerera marero esikya unyuku-fo, nawe Iruva eeshi ekyo.

1 Timoteo 3:3

nta nalave nndu wa wari ao mwiikapana; lyo nave nndu mfoo; nta nalave nndu mwiillya ulai na vandu, nta nalave nndu mwiikunda fesa-fo;

1 Timoteo 6:10

Mashika kimayeny kyiwi ni kya uravi lwa wo ngata ni ikunda fesa, nayo elyi vengyi vanyiilanga nnu vakalakana na iirikyo, neekwaatara na mavavyo meengyi.

Tito 1:7

Mashika mmbo kisumani askofu nave nndu nalatiri kiteve, mashika mmbo akee nngari wa Iruva; nta nalave nndu akukundye we muni-fo, nalave mwaangu irosa unyafi-fo ao mwinangwa mmbwari na mwikunda myaandu-fo, nta nalave mwikuwonisya kindo kilasumani-fo.

Tito 3:14

Vandu veru vakuloshe itira maako neetana findo fisha naambo valave sha vandu valavikaa ndunda.

Vaebrania 6:10

Mashika Iruva nshi nrekwa kutani arekyo mashora any-fo, na ukundi lulya muleora kimaruma kya irina lyakwe, llya mulefurukannya veele, na fika ulaalu ni indo-da mukeetana.

1 Petro 5:2

mwiise na isalallya nisha ironda elyo lya Iruva lyikee kwany, nta mulavaa sheelyi mwaitikywa, kyaindi mutani indo kyikee kya ikunda shaasa Iruva akundye; nta nshi kya fesa ya ntambo-fo, lyo kive kya nrima.

2 Petro 2:15

vakara shia ya usumanu, vakareka, vesoraa shia ya Balaamu we mwana wa Beori, ulya alekunda weesi lwetana uravi.

2 Petro 2:3

Na efo langony tawo mmbo vashewonaa-fo mbusha efo kwany kimaruma kya marero awo a ulembi na ngapo yaawo shaasa kyekee uka elyo mbee nnyikyeeywa-fo, na yeto mwivarumata ni afii akai nta nnalala-fo.

Yuda 1:11

Oshiny lwawo! Mashika mmbo valevaka Kaini, na irenga sha Balaamu na kindo valetawa kya efyo ni irumatwa sha Kora.