Vafilipi 3:20 - BIBILLYA Mareiyo Meele a Iruva

²⁰ Lyo yese kweru kwekaa ni iruveeu, na yoo nng'u luvikye nsia ilollya Mwikira, we Nndumi Yesu Kristo;

Kyaasa Kiiya

²⁰ Lyo yese kweru kwekaa ni iruveeu, na yoo nng'u luvikye nsia ilollya Mwikira, we Nndumi Yesu Kristo;

Vafilipi 3:20 Iomraidhean Croise

SABURI 16:11

Mmbo kushoora shia ya muu Mbee ya usangu lwafo mmbo kuishwa ifura, Na efo wokony lwafo usha mmbo nkwiifo mesha fyeeri filung'ani.

SABURI 17:15

Indi yeny mmbo shishekulollyaa yewe, Kimmba nkee wa dede mbee yafo, Shankwipoo mmbo nshishywaa ifura yo mbee yafo.

FYAASO 15:24

Shia ya nndu atiri urango usha nnyeendaa na uwe kundo kukee muu; Naambo naturunye yaanga si kwa varumu.

Matayo 19:21

Yesu kammbia, “Kwakooya kukundye iva nndu nsongovisi deny, enda kundekumba efyo kutiri, kufyaavye vakiva. Llyo kushetiraa masaa efo iruveeu. Kwammaa oshoony kusheshilatya.”

Luka 12:21

Naasa kya nndu ashekusanyiryaa findo ni indo kishendaa kwakooya kulaore atiri umasi lwa efo kwa Iruva.”

Luka 14:14

Neewe llyo kushevaa nndu wa ngoma, kyimmba valatiri kindo kyekutaa mmbo kushetawaa yoo marukyony a yewo wa usumanu.”

Mashora 1:11

vakaamba, “Yeni vandu va Galilaya a niinda elyi mwasalala mwiilolaa iruveeu? Yesu yeu aroswa na iruveeu auka kwany, mmbo ashewuyaa lyingyi indo shaasa mwallollya eerwaa na iruveeu.”

1 Vakorinto 1:7

Nta mmulaanguyo nsimbo nta imwi-fo, mukavekaa-fo mwiivikaa nsia kya ishekoora paa lya Nndumi weeru Yesu Kristo.

1 Vakorinto 15:48

Shaasa yeto wa uteeri akai niindo yewo va uteeri vakai.

2 Vakorinto 4:18

Naambo lure lulalole nnu yefi filollyo ulaalu, llulle efyo filalollyo. Mashika efi filollyo ulaalu mfya kirambo-da, lyo yefyo filalollyo mfya llung'anu.

2 Vakorinto 5:8

Naasa mmbo lutiri nrima nkaari neese mmbo lulollye nkyeni lure lulakaa na mwiili yeu lundekaa na Nndumi.

Vagalatia 4:26

Kyaindi Yerusalemu ya uwe ni muni kyeny, nawe ni maye weeru yese.

Vaefeso 2:19

Kyasiany, kimmba ni indo, mmukyikee veny nta vandu vakee iira-fo, mmbo mwammba veni kyeny ando amwi na veele, vandu va kyeny kwa Iruva.

Vaefeso 2:6

Kaluruta ando amwi nawe-sho, kaluvika ando amwi nawe efo ulaniny llwa lwa kimumuyo lukee na Kristo Yesu.

Vafilipi 1:10

muwarye yefyo fikee fisha, naambo mutire mirima myaa, ilatiri ivara, kufike nkonu yeto wa Kristo.

Vafilipi 1:27

Llyo mikaaye yaany ive shaasa kiisumanyi Nrumi ya Nsia ya Kristo. Naambo kwakooya shasha neemulollya, yeni, ao kwakooya shilaiyo, shikooye iita mbony tany, sheelyi mmbo muselelyi shumu mwikee na nrima umwi nsi, mwiikapannyaa iirikyo lya Nrumi ya Nsia.

Vakolosai 1:5

Kyeendwa ni ivika nsia eto mulesurummyo iruveeu, eto mbony ta vayo muleita llya mbee efo dedeny ya irero lya Nrumi ya Nsia.

1 Vatesalonike 1:10

muvevereya Mwana wakwe nooke iruveeu, mmbwe yeto alennduta kooka kwa vafu, we Yesu, yeto ashelukiraa unyafi yelo lusheshaa.

1 Vatesalonike 4:16

Mashika Nndumi we muni mmbo asheolokaa auka iruveeu na unyanga luvangaa, lwa nsu ulya nniini na iranda lya Iruva, na valya valefwa vekee na Kristo mmbo vashesongwaa irutwa mbele.

2 Timoteo 4:8

Mafurumyony a vayo mmbo shikee n-deesye ureto lwa usumanu, elo Nndumi yeu mwirummbwa usumanu asheshiniingaa nkonu yeto, nta nshi yeny shimuni-fo, ni ando amwi na vandu woose yewo valelanga ilollya ifumirwa lyakwe.

Tito 2:13

lwiivereyaa na nsia ekyo kyeende mbora na yoorwa itumbe lya Kristo Yesu, Iruva mmbwe akee Mwiikira weeru;

Vaebrania 12:22

Kyaindi yeni mmbo mwasheya ifumbu lya Sion, na muri wa Iruva akee na muu, Yerusalemu ya iruveeu, na maronda meengyi a vasu fiku fiingyi,

Vaebrania 9:28

na Kristo nawe, mmbo aleutwa kiraso lyimwi naambo neepoo ngyulyamari ta vandu veengyi, nawe mmbo asheshaa lya kavii, kulaiyo ulyamari, kwa yewo vembereya vaoni ukiro.

Usukuyony 1:7

Lola-te, efo ashaa na mafishi; na wo iriso mmbo lyishellollyaa, na yewo valenndosha na ifumu, na vandu va masanga a ulana woose vashekapaa kiiyo kyeendwa mmbwe. Ee ni indo. Amen.