Vafilipi 3:19 - BIBILLYA Mareiyo Meele a Iruva

¹⁹ Yewo mmbo vashefurumyaa na urumato, mashika iruva lyawo nndeu, na itumbe lyawo ni usutu elo lwaawo, valangye findo fya ulana.

Kyaasa Kiiya

¹⁹ Yewo mmbo vashefurumyaa na urumato, mashika iruva lyawo nndeu, na itumbe lyawo ni usutu elo lwaawo, valangye findo fya ulana.

Vafilipi 3:19 Iomraidhean Croise

SABURI 17:14

Woi Nndumi Iruva, kwa woko lwafo Shikira vandu yeva, Vandu valasarye kindo kyingyi, Kulaore ni fya ulana yelu tupu. Iwutisa ndeu tawo na filya kuvadeesye na vana vaavo vave na fiingyi mmwa-si Nawo vareeye vakoku vavo kindo

SABURI 52:1

A nkyiki elyi kukushobya ukasha yewe nndu mbafu, Uwe ya veiindya Iruva?

YEREMIA 44:17

Indi llutanaa filya fyoose lwallyiyya mboo, ikorya ubani nka-mangyi va ngyinii-u na illetyaa firaso fyeena, shaasa luletana yese na vamiku veru, vamangyi veru na vasongoru veru miriny ya Yuda na shieny ta Yerusalemu; kya elyi lwewona shoonga nkuka, lukavessywa nta lulalollye makasha.

ESEKIELI 13:19

Mwanshiila mbee ya vandu vakwa, naambo mukooye iningwa woyi lwa nswa wa nganu na shoonga shidu. Mmbo mukeewaa vandu valakwaani ifwa, mukara-fo valya vakwaani iwaawa, kimaruma kya wongo lwany mukeyoongoya vandu vakwa, nawo vakamwiirikya.

ESEKIELI 34:3

Mukalya alya avanndye mukaraa mafwaa a vayo, mukashisha alya avanndye, lyo mmukeiisa moonri-fo.

HOSEA 4:7

Shaasa vakohani valeengereka niindo na ulyamari lulefumbuka. Mmbo nshefullwa wiindi lwany luve seko.

MIKA 3:11

Vashilyi vany va muri mmbo vashillya vakawarya findo fya vandu vakapwa ng'unde. Vakohani nawo vakakunda itawa ilyi vatambashwa mavavaso. Vakisuku nawo-da vakaawuya fisuku vawonise-fo fesa. Yewo woose vakaamba vai Nndumi Iruva akee nawo. “Nkitiri mwaandu-fo, Nndumi Iruva akee neese,”

MIKA 3:5

Nndumi Iruva mmbo avia vakisuku, Vandu vakwa mmbo valembwaa mmbakisuku valya vaniingwa kindo naambo vavavie mbony shisha, lyo vakisuku ewo veni vakeerese valya kulore vavaniinga kindo.

MALAKI 1:12

Lyo mmbo mwatefusa irina lyakwa mashika elyi mwaamba, “Mesa ya Nndumi Iruva nshi kindo-fo, na findo fyavayo ao nyama mfitiri nnduma-fo.”

Matayo 16:23

Nawe kainduka kavia Petro, “Kwiipoo wuya numa yakwa Satana! Mmbo kwava nsindara-akwa! Mashika ekyo kikee nrweny kwafo nshi ekyo kya Iruva-fo, ni ekyo kya kivandu.”

Matayo 25:41

Nalyo asheviaa na yewo va wokony lwakwe umuso naambe, ‘Ukeny yaa shikai mukee vandu vakee vandenge, mundefika efo murony ularumikaa, ulesurummyo Satana na vasu vakwe.

Luka 12:19

Shivieny nrima wakwa, ‘Manya kutiriny findo fisha fingyi kwansurumyo fya myaaka miingyi. Naasany kukaye rembo, kuve mwiilyaa na ina na ifura.’

Luka 16:19

“Naasa kweefo nndu isimba ekee mwiraa soori ta ki-mangyi ngata shimamiri. Kava mwiisinda alyaa usuri wo nkonu kyikava kyeekoora.

Luka 18:4

Nawe kava mwiilema-da ando a mikonu myaashaa. Elyi lyeefurummya karera efo nriminy, ‘Na kyikava shileereiye Iruva na shilasarye nta nndu,

Varome 16:18

Mashika yewo vakee indo mmbakeerunndya Nndumi weeru Yesu Kristo-fo, nndeu tawo veni. Nawo mmbo vareraa marero mafoo vekukundisaa, ate mmbo vakeelemba mirima ya vandu vatele.

Varome 6:21

A mmbusha-ki mulewonisa-fo? Mashika kindo mushefurummyaa iwonisa-fo ni ufu.

1 Vakorinto 3:3

Mashika fika ulaalu yeni mmbo mukee vandu va ngata ya mwiiliny. Mashika kwany kwiifo kififi na uriingyi. Yeni nshi vandu va ngata ya mwiiliny, na lyingyi mukeenda na ngata ya kivandu?

1 Vakorinto 5:2

Neeni mukarumana, nta mmusukaa-fo, kwakooya ashuuka kwany nndu mwiitana kindo kya ngata efo.

1 Vakorinto 5:6

Irumana lyany nshi isha-fo. Mmbo mulaishi sheelyi ntarang'o munnywa mmbo ushashwa mbumba moose?

2 Vakorinto 11:12

Lyo mmbo ntanaa ekyo nkeetana, naambo shiwaani neewo vakeeruya mwaanya naambo vauture, naambo kya irero elyo vakeekurosa nalyo valollywa mmbo vakee kimwi neese-da.

2 Vakorinto 11:15

Naasany nta nshi kindo kiniini kwakooya na varundi vakwe vakwaalasha vave sha varundi va usumanu-fo, yewo mafurumyony awo vashevaa kimwi na mashora yoo awo.

Vagalatia 6:13

Mashika naakwa ni yewo vakee varini mmbakeeinutya uvavaso-fo; lyo mmbo vakunndye yeni murinwa-da, naambo vakufurye kimaruma kya vayo-da.

Vafilipi 2:21

Mashika vandu vengyi mmbo vakeeruuya mbony tawo veni, na nshi mbony ta Kristo Yesu-fo.

Vakolosai 3:2

Kusareny efyo fikee uwe, nshi yefyo fikee kunu si-fo.

2 Vatesalonike 1:9

vasheorotwaa ni urumato lwa llunganu, irauwa deny vauke kisanguny kya Nndumi na itumbe lya wiidimi lwakwe.

2 Vatesalonike 2:12

naambo yewo woose valelema iirikya dede yeyo vautyo uvingo, mashika elyi valefurya uravi.

2 Vatesalonike 2:8

Lyo yeto akee kilemi asheorwaa paa, nawe Nndumi Yesu ashemwiviaa mumuyo wakwe ummbwaa, na inrumata deny elyi aiyo.

1 Timoteo 6:5

na ulai lwa vandu mirwe yaawo ilasongovye vakatura fya dede vakakusara sheelyi usaari ni shia ya iwonisa mbusha.

2 Timoteo 3:4

Mmbo vakee veeriingya vengyi, vakatira utiilyi, neekung'anisa, vakakunda lango ta mwiili ngota ikunda Iruva.

Yakobo 4:16

lyo ulaalu mmbo mwakurosa mwirumanaa, ikurosa lyoose lya ngata yei mmbo lyikee ikasha.

2 Petro 2:1

Kyaindi kulya vanduny valya mmbo kulekwiipoo-fo vakisuku va wongo, shaasa na efo kwany kushekaa-fo velosha va wongo, nawo mmbo vasheloshaa vandu mbony ta urere tiretaa, vavelema naakwa ni Nndumi yeto alevawouwa, vakwengye urumato wo veni uviny.

2 Petro 2:13

Vakasumana na firetaa, fikee ni weesi lwa uravi lwawo, vakakusara unangwa kyeeri kya nsanyiny ni kindo kya ifura, vakava varavi na sony vesoraa lango tilatiri nnyanu vevikaa mirumwa ya ikunda, elyi vavikaa mirumwa yaawo ando amwi na yeni.

2 Petro 2:3

Na efo langony tawo mmbo vashewonaa-fo mbusha efo kwany kimaruma kya marero awo a ulembi na ngapo yaawo shaasa kyekee uka elyo mbee nnyikyeeywa-fo, na yeto mwivarumata ni afii akai nta nnalala-fo.

Yuda 1:10

Indi vandu yeva mmbo vakeeyaarara kindo valakiishi nta, na filya vafiishi uka mbee vakakutefusa nafyo na ivaka mafisi alatiri nta urango.

Yuda 1:16

Vandu yeva mmbo vakunung'unaa, vakasora lango tawo, na kana kyawo kakarera marero maroo ekurosa, vekundyaa valya vatiri uniini naambo vawoni-fo mbusha yaawo.”

Yuda 1:4

Mashika kwiifo vandu valeanga siriny veshoovyaa, vakee vautye uvingo uka kipooka. Nawo ni vandu valaishi Iruva, vakee vealasha isarya lya Iruva lyikava kindo kya tangalu. Nawo mmbo valema Iruva yeto muni akee mmbwe wa dede, na Nndumi weeru Yesu Kristo.

Usukuyony 18:7

Shaasa alekurosa we muni na ilanga findo fya ulana, nningyeny mavavyo na ting'wa kiinani indo-da. Mashika mmbo akeamba efo nriminy wakwe, yeny mmbo shikee nka wa mangyi, nta shi nka wa ding'u-fo, nta nshishelolyaa ting'wa-fo.

Usukuyony 19:20

Ifisi llya lyikawarwa, ando amwi na nkisuku ulya wa wongo, yeto aletana ngyende tilya elollye, nato nto alevalemba nato vandu valya valewarya wende lwa ifisi elyo, na iindya ifanu lyakwe, yewo ve vavii vakeerwo veefo na muu kulya iruveny lya muro lyishakaa sha kibiriti.

Usukuyony 21:8

Lyo yewo veerei na yewo valairikye, newo veende unyafi, na veewaa, na vasavi, na vatuusi, na veindya maruva a wongo, na vaongo woose, waavi lwawo ni kulya iruveny llya lya muro wa kibiriti. Yelu llo ufu lwa kavii.”

Usukuyony 22:15

Efo poo mfite fefoo, na vasavi, na vatuusi na vewaa, na yewo veindya maruva a wongo, na wo nndu yeto alangye wongo na itana fya vayo.

1 SAMUELI 2:29

A mmbo kyava inda elyi mwakapa firaso fyakwa na waafu lwany na ando yoo eerasya mukamina, kweendya vana vafo ngota yeny naambo mukoye ivanda kyuuka efo firasony fya vandu vakwa fikee fisha?