Vafilipi 2:15 - BIBILLYA Mareiyo Meele a Iruva

¹⁵ naambo mukooye iva vana vesha va Iruva valatiri mbese, nta ulembi, mulatiri nta ntambo yaa irikeny elyi lyikee ilyang'a lyikeenda mwiiri, neeni elyi mukee nnang'ani yaawo mmbo mulollyo sha sa niini ya ulaniny yelu,

Kyaasa Kiiya

¹⁵ naambo mukooye iva vana vesha va Iruva valatiri mbese, nta ulembi, mulatiri nta ntambo yaa irikeny elyi lyikee ilyang'a lyikeenda mwiiri, neeni elyi mukee nnang'ani yaawo mmbo mulollyo sha sa niini ya ulaniny yelu,

Vafilipi 2:15 Iomraidhean Croise

SABURI 122:5

Mashika nng'u vasongoru vakai, Veesalallya vammba ya Davidi.

YUUKA 34:35

Vana va Israeli vakalollya kisangu kya Mose mmbo kikee mika, naasa Mose kavikau lyingi soori, fika kyeeri ashereraa lyingyi na Iruva.

FYAASO 4:18

Shia ya vandu vasaari ivakye ngesa ya nraasi, Shaasa imikyaa ikamika kutani nsanyiny wafika.

FYAASO 8:8

Kana kyakwa nkashaambaa marero a dede sheni. Ulembi ni kindo kyeesi firomuny fyakwa.

ISAYA 60:1

Kwiipoo, yewe Sioni kwavaa sa; mashika sa yafo yansha, na usuri lwa Nndumi Iruva lukeekuvaiya.

DANIELI 6:4

Naasa veesalallya na vashilyi mbalakisennywa ni mbony yei-fo. Nkyo vakaruuya shia vashiidima ituula nayo Danieli, valaonise, mashika elyi Danieli ekee nndu mwaarya nnu, kulaore etanaa findo fya ntambo.

Matayo 10:16

“Llen-te mmbo shamuruma mukee sha moonri akee nnang'ani ya fite fya ngoroshony. Veny sha shoka tikee shirango, muveva sha mbeta tilashevikaa ntambo.

Matayo 17:17

Na Yesu kaallwa kaamba, “Apaa irika lyilemmyi ikusirya-u lyikaenda mbai. A shikae neeni shifike kwi? Mweende na yaa shikai-te!”

Matayo 5:45

Naambo mukooye imanyika mmbo mukee vana va nde yeto waany wa efo iruveeu; mashika we ava mwiirosa mwi wakwe ukavaiya yewo varavi na yewo vesha. Kaveva mweende mmbwa yakwe ikakapa kwa yewo va usumanu na kwa yewo va kiila.

Matayo 5:48

Naasany veny vandu vasongovisi shaasa Nde yeto waany wa efo iruvee-u akee nsongovisi.”

Luka 1:6

Nawo vee vavii vekee vandu va usumanu efo usanguny lwa Iruva; veevallya na mavavaso moose a Nndumi na ngyufundo takwe valatiri nta mbese.

Luka 6:35

Indi veny vekunda vakiduva vany, veny vetanya vandu fya usha na ivaakuya mulavereyaa kindo mutawaa. Llyo isina lyany lyisheng'anaa muveva na vana va eto akee uuwe ya findo fyoose. Kimmba we ava indo mwiisimba naakwa ni yewo valatiri kyaanu na yewo varavi.

Yohane 5:35

Ulya mmbo akee sha taa yaatwa ikamika, Neeni mukakyesa na sa yakwe ando a kivero.

Mashora 2:40

Kavautya ukureeki evaviaa findo fiingyi evaikyimbaa, kavavia, kwiiseny na irika elyi lya umini.

Mashora 20:30

Na lyingise nnang'ani yaany muweni vashekwiipoo vandu vashambaa fyeelemba vashoommwa na vakiloshyony yewo vavasore wo.

Varome 16:19

Mashika wiindi lwany mmbo lulemanyika ni vandu woose, nkyo kyimaruma shafura neeni. Lyo mmbo shikundye muve vaarya nnu mwitanaa findo fisha, muveva vatondo findony fikasha.

1 Vakorinto 1:8

Mmbwe yeto ashemuvangisaa fika mafurumyony, naambo mulashekapwa mong'wa nkonu ulya wa Nndumi weeru Yesu Kristo.

2 Vakorinto 6:17

Naasany, Lakaniny nawo, mukee kwaasha nawo, Nndumi aamba indo, mulapaani kindo kitefusu-fo, mmbo nshevawaryaa kwakwa,

Vaefeso 5:27

Naambo nakuwonisye siri itiri itumbe ilatiri ivara nta mbese nta uravi sha elo; naambo ive sheele ilatiri ivara.

NKUMBUYE WA UVAVASO 32:5

Mmbo valetana findo fya utefusu Mmbavaa vandu-fo, llo uravi lwawo Wo irika yeesi, lyeevekye deny

Vafilipi 1:10

muwarye yefyo fikee fisha, naambo mutire mirima myaa, ilatiri ivara, kufike nkonu yeto wa Kristo.

Vafilipi 3:6

efo kwa utakusu, shava mwiisisya siri, kya usumanu luwonikaa kimaruma kya iringa uvavaso, nsheetiri mbese-fo.

1 Vatesalonike 5:23

Naasany Iruva yeto wa urilalyi namwiilyise nakamwi, naambo ngoo tany na mirima yaany na miili yaany mukooye iringwa nisha, mukae-fo mulatiri kiteve, kufike nkonu yeto Nndumi weeru Yesu Kristo asheshaa nato.

1 Timoteo 3:10

Yeva nkuti valolwa mbele, llyo varundeny mashora a ushemasi, elyi vammaa imanyika mmbatiri kyiteve.

1 Timoteo 3:2

Kyasiany kindo kikooye askofu ni iva nndu nalarerwa kikasha, nndumi wa nka umwi, nave wa mwiiyanu na araiye urango, naveva nndu mwaarya, mwiambya vandu naveva nndu eeshi ilosha;

1 Timoteo 5:14

Kyasiany mmbo shaamba vaka yewo va ding'u valandenkwa, vaorwa vaire vana, vaidimi ikallya kyeny kwawo, naambo valasheelekeiya nkiduva yeto mwaanya wa ivautya kiteve.

1 Timoteo 5:20

Valya vakeengera itana ulyamari vakyeemyi yoo mbee ya woose, naambo vengyi vaute-u iiryaa.

1 Timoteo 5:7

Naakwa ni efi fivavasye, naambo valawoni kiteve.

Tito 1:6

kwakooya nndu nalatiri kiteve nawe ni nndu wa nka umwi, na vana vakwe vatiri iirikyo, nta valarerwaa kya ukasha nta valakee valyang'a.

Tito 2:10

Valave veevi; lyo vaore usha lwawo woose, naambo vashope ufundo lwa Mwikira we Iruva weeru findony fyoose.

Tito 2:15

Ongoya vandu mbony yeti, ikimba na isakyira nookaari loose, nta kulave nndu akumina.

Vaebrania 7:26

Mashika mmbo kilelukooya lutire Nkohani nniini wa ngata yei akee mweele, nalatiri uravi, nalatiri nta ivara, akee nrauwe na varavi, kavekaa uwe kairya iruveeu;

1 Petro 2:12

Kaeny na ngaa shisha efo kwa vandu va masanga, naambo kwakooya vamweekerya fya wongo sheelyi mukee veetana makasha, elyi valolaa mikaaye yaany misha, vang'anise Iruva elyi nkonu ufikaa.

1 Petro 2:9

Kyaindi yeni mmbo mukee ufyari usauwe, lukee ukohani lwa kimangyi, ufyari lwa vandu veele, vandu va ushilyi lwa Iruva, naambo mwiidimi ivambisa isarya lyakwe yeto alemuvaanga naambo muuke ireeminy na yaanga seny yakwe iilanyi;

2 Petro 3:14

Kimmba ni indo, vakunde vakwa, kimmba muvikye nsia ilollya findo efyo, kutakureny naambo musalale iirikyony kyeyoora sheelyi mmutiri kiteve-fo nta ifiiya sony mbee yakwe-fo.

Usukuyony 2:5

Naasa kumbwany ni angaa kulewoya, kukurye na itana mesha alya a mbee. Lyo kwanra kulatana indo, mmbo nshaa kwafo, na yeny nshutaa taa yafo ando a vayo, elyi kwanra kulakurya.

Usukuyony 3:9

Lola mmbo shakuniinga yewo va ironda lya Satana, yewo vashambaa wo ni Vaisraeli nawo nshi wo-fo, mmbo vakeyaamba wongo, lola mmbo nshevarumaa vashefirya ndi yoo marendeny afo, na imanya sheelyi mmbo shikukundye.