Vafilipi 1:12 - BIBILLYA Mareiyo Meele a Iruva

¹² Lyo vana vama vakwa, mmbo shikundye mumanyi sheelyi filya fyoose fileshikooya mmbo fileenda indo mmwasi kyeendwa ni ikwaanisa Nrumi ya Nsia.

Kyaasa Kiiya

¹² Lyo vana vama vakwa, mmbo shikundye mumanyi sheelyi filya fyoose fileshikooya mmbo fileenda indo mmwasi kyeendwa ni ikwaanisa Nrumi ya Nsia.

Vafilipi 1:12 Iomraidhean Croise

ESTA 9:1

Nalyo ukifika mwiiri wa ikumi na kavii, uvangwaa Adari nkonu wa ikumi na kararu, llyo filya mangyi arumbuye fishiinutywaa, llyo na nkonu vakiduva va Vayuda vekundye yoora finya yawo ilammya Vayuda, lyo mbony tikavarevekya, Vayuda vakava mmbo vavashillyaa.

SABURI 76:10

Nyashi ya vandu mmbo ikweengye kwarumishwa mmbandu, Na valya vaturunya fireny vavika sukukuu tafo.

YUUKA 18:11

Ulaalu shammanya dede, Nndumi Iruva mmbo akee uwe ya maruva moose, yee, mashika Vamisri mmbo vekemutannya fya kinyala.”

Luka 21:13

Nakyo nkyo kishemwengyee mwaanya weevika ukureeki lwany.

Mashora 8:4

Na valya valenyanyaka mmbo valeenda efo neefo vevambisaa Irero elyo.

Varome 8:28

Neese mmbo lwiishi Iruva mmbo arundaa ando amwi na valya vankunndye evawonisyaa mesha, mmbo valya vakee vavaange shaasa akunndye.

Varome 8:37

Kyaindi nnang'ani ya efyo fyoose mmbo lukeevinga na mmwasi yeevinga, kyeendwa mmbwe yeto alukunndye.

Vafilipi 1:5

kimaruma kya wiitanu lwany ivambisa Nrumi ya Nsia, uka nkonu ulya wa mbee na kufike inu.

Vafilipi 1:7

Na shaasa kivekee kuti yakwa shimukusarye kya efyo fyoose, mashika yeni mmbo mukee kunu nriminy wakwa, kimmba kyeeri kya ikaa lyakwa kifingyony neefo ishoreny elyo lya ikureekya Nrumi ya Nsia na iivangisa, yeni moose mmbo muleakana neeny isarya elyi.

Vafilipi 2:22

Lyo mwiishi nnduma wa Timoteo sheelyi mmbo alerundya Nrumi ya Nsia ando amwi neeny, kava sha mwana neeny sha ndeye.

Vafilipi 4:15

Na yeni-da, yeni Vafilipi mwiishi muveni, sheelyi kyeeri shileuka Makedonia llya mapookyony a ivambisa Nrumi ya Nsia, nkwiifo nta siri ingyi ileakana neeny kunu urundiny yelu lwa iningya neewarya kuuta yeni muveni-fo.

Vafilipi 4:3

Ee-da, shikundye na yewe, ishinga uroye wakwa wa dede, kweekye vaka yewo, mashika mmbo valekapannya Nrumi ya Nsia ando amwi neeny, ando amwi na Klementi, ando amwi na yewo vengyi valeakana neeny nawo marina awo akee efo kyitabuny kya muu.

1 Timoteo 2:8

Kimmba ni indo, mmbo shikundye vomi vaate miindye wo ando, veshiipoo maako awo vavikye vandu mbora kulaiyo ulai nta unyafi.

2 Timoteo 2:9

Neeny mmbo shilelyiswa ukiva kimaruma kya vayo kutani shifingwaa sha nndu mwiitana maravi; lyoony, irero lya Iruva llyivaa ifinga-fo.

2 Timoteo 4:17

Lyo Nndumi mmbo aleshisalallya kashiniinga finya, naambo, kyeendwa ni urundi lwakwa naambo nrumi yeyo yaambawa kisumani, naambo vandu va masanga moose veete; neeny lyo shaauwa efo kaniny kya miiso.