Vafilipi 1:11 - BIBILLYA Mareiyo Meele a Iruva

¹¹ Indo muvekaa-fo mwiishwe ndunda ta usumanu kyeendwa ni Yesu Kristo, kya itumbe na nnduma wa Iruva.

Kyaasa Kiiya

¹¹ Indo muvekaa-fo mwiishwe ndunda ta usumanu kyeendwa ni Yesu Kristo, kya itumbe na nnduma wa Iruva.

Vafilipi 1:11 Iomraidhean Croise

SABURI 1:3

Nawe kava sha nri ukeenronge mbai ya soko ta mura, Uvikaa ndunda kwa kyeeri kya vayo, Nta iru lyavayo lyilashumaa, Na wo kindo atana kikansenya.

ISAYA 5:2

Karema kisha kautokopa koommbyaa mawe moose, Kavaa-fo misabibu ikee misauwe kisha, nnang'ani ya nnda ulya katana-u nganga ya iringa nnda ulya wakwe; uwe ya kidooro kyaasha. Kasuma kirori kyeevekkya mfinyu. Naasa kavereya nsabibu wakwe uvike ndunda. Indi wo nsabibu ukavika ndunda tidooka.

ISAYA 60:21

Vandu vafo nawo mmbo vavaa va usumanu woose, nawo mmbo vatiraa uruka llung'anu, Iramba shilelyivaakya yeny shimuni, lyikee ishora lya maako akwa naambo yeny shaarafumwa.

ISAYA 61:11

Mashika shaasa uruka lukeemya myooro ya vayo, na shaasa bustani yammya findo filevakywa nnang'ani ya vayo ni indo Nndumi Iruva amiisa usumanu na utore mbee ya masanga moose.

ISAYA 61:3

ivavasya yewo wakeiya va Sioni, vaniingwa ureto lwa fivaro ando a ifu, mafura a ifura ando a ikapa kiiyo, isarya lya utori ando a irovywa nriminy; vedimi ivaangwa miri ya usumanu ilevakywa ni Nndumi Iruva, naambo naarafumwa.

Matayo 5:16

Veny sa efo usanguny lwa vandu woose, nawo vakooye ilollya efyo fya usha mutanaa, vaute-u ing'anisa Nde waany wa efo iruveeu.”

Yohane 15:16

Nta shi yeni muleshisauwa-fo. Ni yeny shilemusauwa yeni, shamuruma mweende mundevika ndunda. Na ndunda yeto tany muvikaa tikooye ikaafo llung'anu. Na wo kindo mwankitereva Nde kikee kya irina lyakwa naambo naidimi imuniinga.

Yohane 15:2

Wo iramba lyikulunngye neeny lyikara lyilavika ndunda mmbo alyiammbwaa-fo. Na elyo lyiiyo lyoose lyivikaa ndunda kalyilyisa lyeengere ivika ndunda.

Yohane 15:8

Kindo Nde-yaakwa akooya ing'aniswa nakyo ni elyi mwavika ndunda shiingi, mukashiviiya vakiloshyony vakwa.

Varome 15:28

Naasany kwakooya shainutya ishora elyo, na iringisya ndunda eto, mmbo nshiiraa kwany sheende Hispania.

Varome 6:22

Kyaindi ulaalu mukammaa ivikwa valeke mulakirunndyaa ulyamari, mwaaluwa mashinga a Iruva, nnyo mbusha yaany, llyo iilyiswa muute-u iwona muu wa llung'anu.

1 Vakorinto 10:31

Naasany, mukalya, ao mukana, ao mukatana kindo kyoose, taniny fyoose mwing'anisaa Iruva.

2 Vakorinto 9:10

Na ulya mwaava mbeu kwa yeto mwivaaya, na nkate uve shoonga yakwe, mmbo ashemuniingaa mbeu teevaya neetifumbuta, nawe mmbo asheengeraa fimu fya usumanu lwany;

Vaefeso 1:12

Neese lukee nnang'ani yakwe luve nnduma wa itumbe lyakwe, yese lulesongwa yoora ivika nsia weru efo kwa Kristo.

Vaefeso 1:14

We mmbwe akee kiringisyo kya ding'u yeeru, naambo nalulyimyi ukiro efo umangyiny lwakwe luve nnduma wa itumbe lyakwe.

Vaefeso 2:10

Mashika yese mmbo lukee mashora a maako akwe, mmbo luleumbwa kyuuka na Kristo Yesu naambo lurunde mashora mesha yoo Iruva aleludeesya uka elyo mbee naambo luarunde.

Vaefeso 5:9

Kimmba ndunda ta sa ni usha lwa wo ngata na usumanu na dede;

Vafilipi 4:17

Nta nshi shilangye mweengere ishitannya indo-fo, lyo mmbo shifurye kimaruma kya simbo yeto tany tikeengera ifumbuka efo kwany.

Vakolosai 1:10

Naambo mukee shaasa kimusumannyi mbee ya Nndumi mukooye insennya deny, muvevika ndunda shisha efo mashoreny mesha moose, na yeengera urango lweemanya Iruva.

Vakolosai 1:6

Nnyo yeyo ilemufikya shaasa ivekee ulaniny koose, ikavevika ndunda tilollyo, shaasa ikeeng'ana efo kwany uka llya muleiita na imanya nnu isarya elyo lya Iruva kya dede.

2 Vatesalonike 1:12

Irina lya Nndumi weeru Yesu lying'aniswa nnang'ani yaany, neeni nnang'ani ya vayo, kyeendwa ni isarya lya Iruva weeru na lya Nndumi Yesu Kristo.

Tito 3:14

Vandu veru vakuloshe itira maako neetana findo fisha naambo valave sha vandu valavikaa ndunda.

Vaebrania 12:11

Wo ngapo kyeeri kilya nnyilelollyo nkindo kya ifura-fo, nkyeevavisa, kyaindi kwa yewo vakee veeshivire indo numa vakawonisa ndunda ta usumanu titiri ufoo.

1 Petro 2:12

Kaeny na ngaa shisha efo kwa vandu va masanga, naambo kwakooya vamweekerya fya wongo sheelyi mukee veetana makasha, elyi valolaa mikaaye yaany misha, vang'anise Iruva elyi nkonu ufikaa.

1 Petro 2:5

Neeni mukee sha mawe atiri muu, mmbo mukee vatani muve mmba ya Mumuyo, ukohani weele mukooye yuuta firaso fya mirima, efyo fishiirikywa ni Iruva, kwi Yesu Kristo.

1 Petro 2:9

Kyaindi yeni mmbo mukee ufyari usauwe, lukee ukohani lwa kimangyi, ufyari lwa vandu veele, vandu va ushilyi lwa Iruva, naambo mwiidimi ivambisa isarya lyakwe yeto alemuvaanga naambo muuke ireeminy na yaanga seny yakwe iilanyi;

1 Petro 4:14

Mukee va ngoma kwakooya mwakapwa mong'wa, kimaruma kya irina lya Kristo mashika Mumuyo yeto wa itumbe wa Iruva mmbwe yeto amukaaye.