Vaebrania 1:2 - BIBILLYA Mareiyo Meele a Iruva

² Matika yaa a ulaalu mmbo arera neese na shia ya Mwana wakwe, yeto alemmbika nave muya ding'u wa fyoose, na kyeendwa mmbwe kaumba ulana loose.

Kyaasa Kiiya

² Matika yaa a ulaalu mmbo arera neese na shia ya Mwana wakwe, yeto alemmbika nave muya ding'u wa fyoose, na kyeendwa mmbwe kaumba ulana loose.

Vaebrania 1:2 Iomraidhean Croise

Mapookyony 49:1

Yakobo kavaanga vana vakwe, kavavia, “Kusanyiryeny mushe shimuvie findo fikaa fimukooye elyi mikonu yeefurummya.

ISAYA 2:2

Isheshaa mikonu ifumbuu lya mmba ya Nndumi Iruva lyisheikarwaa lyisheva ifumbuu yaasha lyiilannyi mafumbuu engyi moose, mmbo ushesaleeswaa nnang'ani ya fidooro, nato mmbo ushelatywaa ni masanga moose.

ISAYA 44:24

Nndumi Iruva, Nkira wafo, eto alekutana na ikuumba efo nsangeny aamba indi, “Yeny ni Nndumi Iruva, shiumbye findo fyoose, shaalala ngina yeny shimuni na ivika uruka a mmbi ekee kyimwi na yeny?

ISAYA 45:12

Ni yeny shiletana ulana, shaumba nndu wa vandu; Yeny, eeda na maako akwa yeny, shaalafo ng'ina na nsemu wa vayo shauvika.

ISAYA 45:18

Mashika Nndumi Iruva aletana ngina aamba ule, We ni Iruva, niwe aletana ulana na iivika; niwe aleivika kainangisa nnyaleumba ikee ruufo, mmbo aleyuumba naambo vandu vakeefo. Yeny ni Nndumi Iruva nta kuleefo ungyi.

YEREMIA 30:24

Nalo llushemandaa-fo kutani lwatana ekyo lwasheyaa. Mikonu yeyo ishaa elyi vandu vakwe vashemanyaa eki nisha.

YEREMIA 48:47

Indi, elyi numa, Moabu ishefwaaywa, kyeeri nkonu yeto ushefikaa ni Nndumi Iruva aamba.” Yaa nng'u umando lwa uvingo lwa Moabu.

ESEKIELI 38:16

neewe kushesaama uwe ya vandu vakwa Israeli sha ifishi lyisikyaa uruka. Kyeeri kyeefurumya, shishekweende kukapani na uruka lwakwa yewe Gogu, naambo masanga akooye ishimanya yeny, kyeeri shisheworaa paa weele lwakwa kwafo mbee ya usangu lwawo.

DANIELI 10:14

Ulaalu mmbo shisheye ikuvia findo fikaa fishe elyi numa. Eti ni mmbony ta mikonu eyo ishekaa ishe.”

DANIELI 2:28

Lyo kwiifo Iruva wa Iruveeu yeto mwisukkwa fyama fyoose. Mmbwe aleora Mangyi Nebukadnesa findo fikaa fishe. Ulaalu mmbo shikutambashuyaa kindo kilya kuloorya kwiilele.

HOSEA 3:5

Na nkonu usheshaa elyi vashewuiyaa Nndumi Iruva waawo, neeto aukye efo kwa Davidi nave mangyi yaawo. Vairyaa Nndumi Iruva vawaryeny mbora takwe.

MIKA 4:1

Mikonuny yeyo ya ifurummya ifumbu lya mmba ya Iruva mmbo lyishelollywa uwe ya engyi moose. Vandu va masanga woose vasheirishya nawo vaambe,

MEEKYENA 24:14

Naasany, ulaalu mmbo nkeesora vandu vakwa, na ulaalu ra shikuvie findo vandu yeva vashetannyaa vandu vafo yoo mafurummyony.

Matayo 13:39

Na nkiduva yeto aleera ni mmbishwa. Na mailullyony ni yoo masiiyony a ulana yelu. Na veelula ni vasu va Iruva.

Matayo 17:5

Arera indo nalandesyado akalyi ifishi lyitiri sa lyikavavikya kirishe. Akalu na unyanga luvaangaa luuka efo ifishiny lukaamba, “Akakau Mwana wakwa nkunde, yeto shilensauwa, mmbwe mushemwaarannyaa!”

Matayo 21:38

Naasa elyi varemi valya valollya mwana ulya ashe vakarera kikwawo, vakaamba, ‘Akakau muya ding'u! Ndifony-te lummbwae, yese luve veni ding'u!’

Matayo 26:63

Indi Yesu kamalallya sau. Nkohani ulya nniini kaallwa kammbia, “Nkulyisaany mboo, ‘Swa Iruva muni muu kuluvie kwakooya yewe ni Kristo kukee Mwana wa Iruva.’”

Matayo 28:18

Na Yesu kasha na yoo vakai, karera nawo. Kavavia, “Shanniinngyo ushilyi loose lwa efo iruveeu na lwa kunu urukeny.

Matayo 3:17

Nalyo akakalu unyanga lureraa luuka iruveeu lukaamba, “Yeu mmbwe mwana wakwa nkunde, mmbwe shilensauwa.”

Marko 1:1

Nrumi ya Iruva ya Nsia ileendwa ni Yesu Kristo, mmbo ilepooka indo,

Marko 12:6

Naasa kakooya atiri-se umwi, mmbwe mwana wakwe nkunde. Mmbwe alefurummya inruma kakusara, ‘Ammba mwana wakwa mmbo vashenreremyaa.’

Marko 12:7

Naasa varemi valya vakaviana, ‘Akakato muya ding'u! Ndifony lundemmbwaa, na ding'u yeyo ive yeeru luveni.’

Yohane 1:10

Mmbo alekaa kunu ulaniny, na ulana yelu mmbo luletanwa kyeendwa mmbwe, na ulana yelo nta lulammanyi.

Yohane 1:14

Nawe Irero kaaluka nndu kakaa kunu kweru, araiye ikiiya vandu na iva wa dede. Neese lukalollya itumbe lyakwe. Nalyo lyikava ni itumbe lya Mwana wa Ngitany auka kwa Nde arye isarya iingyi na dede.

Yohane 1:3

Findo fyoose fiifo mmbo filetanwa mmbwe. Nawe kulaore aiyo nkuletanwa kindo nta kimwi kya efyo fikee fitani-fo.

Yohane 13:3

Nawe Yesu emmanya Nde mmbo ammeenrambikya findo fyoose maakony akwe nawe mmbo alesha auka kwa Iruva, na efo kwa Iruva mfo kundo aifo asheendaa nafo.

Yohane 13:32

Kwakooya Iruva mmbo ammeeng'aniswa kyeendwa mmbwe, na Iruva ashenng'anisaa kikee kyakwe muni. Na ulaalu indi-da ashenng'anisaa-se.”

Yohane 15:15

Nta nshikimuvaangaa-se mashinga-fo, mashika nndu ishinga nnamanyaa kindo nndumi yeto wakwe ee-fo atanaa-fo, mmbo shammeemuvaanga ni mbuya, kimmba efyo shileita fyuuka kwa Nde mfyo shilemusununndya fyoose.

Yohane 16:15

Na findo fyoose Nde atiri mfyakwa. Nkyo kimaruma shamuvia, mbony ashemoongoyaa ni kunu kwakwa ashetiutaa.”

Yohane 17:2

Kiryani na elyi kunniingye ushilyi lweeshillya findo fyoose, na efyo kunniingye naambo nakooye ifilyimmya muu wa lung'anu fyoose.

Yohane 3:16

Iruva mmbo eekunndye ulana karuma Mwana wakwe wa ngitany naambo wo nndu akusirye nawe nalakooye ireka kyeendi nawoni muu wa llung'anu.

Yohane 3:25

Nalyo kukakwiipoo ulai lwa vakiloshyony kya Yohane na nndu Myuda kimaruma kya mbony ta isamba.

Yohane 5:26

Mashika shaasa Nde atiri muu ummya efo kwakwe niindo-da aleniinga na Mwana itira muu ummya efo nnang'ani yakwe.

Yohane 5:27

Kavenniinga na ushilyi lweerummbwa mwaandu kimmba akee Mwana wa Nndu.

Yohane 9:29

Kya Mose yese lwiishi, ni Iruva alerera nawe. Indi nndu yeto llwiishi nta kundo aukye-fo.”

Mashora 10:36

Irero llya alerikya vana va Israeli eshaamba Nrumi ya Nsia ya ufoo ya Yesu Kristo (yeto akee Nndumi wa woose),

Mashora 2:17

‘Mmbo kyishevaa mikonu yeyo yeefurumya, ni Iruva aamba, mmbo nshepusuyaa vandu woose Mumuyo wakwa, na vana vany va womi na va kyeny, vasheambaa fisuku, na vana vakoo vashelolyaa ngyende, na vamiku vasheoryaa moorya.

Varome 1:4

Nawe kasheorwa paa na wiidimi sheelyi we ni Mwana wa Iruva, ngata ya Mumuyo Mweele, na iruka lya vafu, mmbwe Yesu Kristo Nndumi weeru.

Varome 8:17

na kimmba lukee vana va Iruva, mmbo lukee veni ding'u, veni ding'u va Iruva, yewo vashekaa na Kristo, yee, lwiilyiswaa ukiva nawe ulaalu numa lusherumishwaa ando amwi nawe.

1 Vakorinto 2:7

Mmbo lwarerya mbony ta waarya lwa kyama kya Iruva. Llo waarya lukee usurumi, llo Iruva aleluvika-fo uka elyo mbee kimaruma kya itumbe lyeru.

1 Vakorinto 8:6

kweru yese Iruva ni umwi-nsi, we Nde, yeto findo fyoose fimmyi kwakwe, neese nkwakwe lukutiri na muu. Eefo na Nndumi umwi Yesu Kristo, nawe kwakwe findo fyoose mmbo filekaa-fo, neese-da ni yefo kakwe luukye.

Vagalatia 4:4

Na kutani llya fyeeri fileinana, llyo Iruva alelurumya mwana wakwe akee mwiire ni nka si ya uvavaso.

Vaefeso 1:10

Kyeendwa ni Kristo kavika findo fyoose ushilyiny lungyi, yefyo fya iruveeu na fya ulaniny kiwo, ee, kyeendwa mmbwe.

Vaefeso 3:9

Na imikkya vandu woose naambo vamanyi mbony ta wiidimi lwa kyama ekyo, kyikee efo kwa Iruva yeto aleumba findo fyoose.

NKUMBUYE WA UVAVASO 18:15

Nndumi Iruva, Iruva wafo mmbo ashekuutyaa nkisuku efo vanduny vafo shaasa yeny shikai, neeni mwaaranyinny-te.

NKUMBUYE WA UVAVASO 31:29

Mashika shiishi deny elyi shifwaa mmbo muvaa varavi deny, na yaalashika mirima deny mulasore shia ilya shilemoora, na lyeefurummya mmbo mushesheyoo mfindo fikasha kiinani na shaasa mushelyamaryaa Nndumi Iruva, Iruva na inrosya ngoo kya mashora maravi a maako any.

NKUMBUYE WA UVAVASO 4:30

Na kwakooya kwatirwa nnyinyira kyeendwa mfindo five, wuiya Nndumi Iruva, Iruva wafo, kwaarannye ekyo akuviaa;

Vaebrania 1:5

Mashika lyo mmbo alemmivia nsu ungau nta lyimwi, Nnyewe mwana-kwa, “Inu mmbo shakwiira.” Na lyingyi, “Neeny mmbo nshevaa Nde kwakwe nawe kwakwa nave mwana.”

Vaebrania 1:8

Kyaindi kya mbony ta mwana mmbo aamba, “Kitima kyafo kya itumbe, woi Iruva nkya llung'anu na llung'anu; na ndata ya umangyi lwafo ni ya usumanu.

Vaebrania 11:3

Kyeendwa ni irero lya Iruva ulana mmbo luleumbwa, ni indo lukusirye, naakwa mfindo efi filollyo mfileumbwa mfindo fingyi-se.

Vaebrania 2:3

a yese mmbo lusheturunyaa inda, lukanra lulasara ukiro elu uniini indi? Nalo Nndumi alerera kya vayo mapookyony, numa lukakoora kweru paa kyuuka kwa valya valeita.

Vaebrania 3:6

lyo we Kristo, akee mwana, mwikallya mmba ya Iruva, yeto mmba yakwe ikee nnyo yese, lyo kwakooya luwaranaa nnu na ukaari lweru na itumbe lya ivereya lyeru fika mafurumyony.

Vaebrania 4:14

Kyasiany, kimmba lutiri Nkohani yeto aleanga na iruveeu, we Yesu, Mwana wa Iruva, lukutire deny na iirikyo lyeru.

Vaebrania 5:8

Na lla elyi akee Mwana, mmbo alesisirya makyiva yoo alenkooya;

Vaebrania 7:28

Mashika uvavaso mmbo lwavika vandu vakee vafwafwa vave makohani vaniini, kyaindi irero elyo mboo yeyo ilesha numa ya uvavaso mmbo lyilevika-u Mwana, yeto amaa fyoose fika llung'anu.

Vaebrania 7:3

Nnyatiri ndeye nta maye-fo, nnyatiri kyeeri apookye-fo, nta mafurumyony a muu wakwe-fo, lyo mmbo alevakaniswa na Mwana wa Iruva); yeto mmbo akaa llung'anu.

Vaebrania 9:26

kukooye ni indo, mmbo elyisoo ukyiva keengyi uka elyo ulana luumbwa; kyaindi ulaalu lyimwi nsi elyi kyeeri kyileinana, kaorwa paa, namaa ulyamari na kiraso kya muu wakwe.

1 Petro 1:20

Nawe mmbo aishiwa deny uka elyo mbee kulaore ulana elu lwemmbeiywa, nawe kaorwa paa fyeeri efi kimaruma kyany.

2 Petro 3:3

Mwimanyaa mbele irero lya elyi kya yaamba elyi mikonu ya ifurumya mmbo vasheshaa vandu va kinyala na vetatala, vesoraa lango tawo veni.

Yuda 1:18

Mmbo valemmbia, “Fyeeri fya ifurumya mmbo kushekaa-fo vandu vetatala, vesoraa lango tawo veni yeto tiretaa.