Tito 3:1 - BIBILLYA Mareiyo Meele a Iruva

¹ Kumbura vandu yewo ikunyiisya yewo vatiri wiidimi na ushilyi, vavaindye, neekunda itana mashora mesha;

Kyaasa Kiiya

¹ Kumbura vandu yewo ikunyiisya yewo vatiri wiidimi na ushilyi, vavaindye, neekunda itana mashora mesha;

Tito 3:1 Iomraidhean Croise

FYAASO 24:21

Mwanakwa inndya Nndumi Iruva na itirya mangyi vio, Nta kulatarannyi na valya ve raaraa.

MWIILOSHA 10:4

Nshilyi kakurosya nyashi, yewe kulakunyaffwe-fo; Ikunyiisa lyaidima ifweerisa mwaandu nniini.

ISAYA 43:26

Shikumbura, luumburane, shivia mbony tafo, naambo kuniingwa usumanu lwafo.

YEREMIA 27:17

Mulavaarannye-fo; rundyeny mangyi ya Babilony mukkye muu. A nkyikyi muri yeu waaluke sama?

Matayo 22:21

Vakarouwa, “Ni fya Kaisari.” Nawe kavavia, “Naasa, niingyeny Kaisari efyo fikwaani na Kaisari. Na efyo fikwaani na Iruva muvefiniinga Iruva.”

1 Vakorinto 15:58

Naasany vanavama vakwa vakunde, vangeny iirikyony, nta mulasingesinge-fo, mwengere nnu irunda ishora lya Nndumi mikonu myooose, mashika mwiishi sheelyi ngatara yaany kwi Nndumi nshi ruu-fo.

Vaefeso 2:10

Mashika yese mmbo lukee mashora a maako akwe, mmbo luleumbwa kyuuka na Kristo Yesu naambo lurunde mashora mesha yoo Iruva aleludeesya uka elyo mbee naambo luarunde.

NKUMBUYE WA UVAVASO 17:12

Na nndu ara nalasora shaasa oorwa ni nkohani yeto mwiirunndya Nndumi Iruva, Iruva wafo, ao mwiirummbwa myaandu, nndu yeto ifwa nafwe, naambo uravi lumande kunu Israeli.

Vafilipi 1:11

Indo muvekaa-fo mwiishwe ndunda ta usumanu kyeendwa ni Yesu Kristo, kya itumbe na nnduma wa Iruva.

Vakolosai 1:10

Naambo mukee shaasa kimusumannyi mbee ya Nndumi mukooye insennya deny, muvevika ndunda shisha efo mashoreny mesha moose, na yeengera urango lweemanya Iruva.

1 Timoteo 2:2

Kimaruma kya vamangyi neewo woose vatiri ushilyi, naambo luwoni suku shisha na ta urilalyi, lukee na waarya na utele.

1 Timoteo 4:6

Kumbura Vakristo mbony yeto, neewe llyo kushevaa nndundi nsha wa Kristo Yesu, kuvemanya nisha ufundo lwa iirikyo ando amwi na ufundo lwa dede llwa kuleloshwa.

1 Timoteo 5:10

Nawe nkuti nakooye akureekyo mesha, kwakooya alerosa vana, neyaambya veny neesangya veele marende, na yeekya velyiswa ukyiva, neetana findo fisha etiri usau.

2 Timoteo 1:6

Kyikeeny indo, mmbo nkeekukumbura kunangise nnu simbo yeyo ya Iruva kulesimbwa llya kuleekeryo maako akwa.

2 Timoteo 2:14

Nkye vakumbure mbony yeto kuvevaikimba na irina lya Iruva, naambo valashellya ulai lulatiri mbusha, yelo lulyamaraa yewo vearannya.

2 Timoteo 2:21

Naasany kwakooya nndu akusongosye elyi akwiisa na vandu yewo, mmbo ashevakaa kiiya kilya kitiri nnduma, kyikee Nndumi, kyisonyi kideesye kirunde mashora mesha.

Tito 1:16

Vakaamba mmbo vaishi Iruva, lyo na ngaa tawo mmbo vakee inkana; mmbo vatanaa fya yeende unyafi, vakava filemi, valavaa nta kwa kindo kisha.

Tito 2:14

yeto alekuuta we muni kimaruma kyeru, naambo naluute efo maraviny moose, nelyise vandu yewo va ushilyi lwakwe muni, vatiri umale lweetana mashora mesha.

Tito 3:14

Vandu veru vakuloshe itira maako neetana findo fisha naambo valave sha vandu valavikaa ndunda.

Tito 3:8

Ni irero lya iirikyo dede; na mbony yeto mmbo shikundye kutaambe na ukaari, naambo valya valeirikya Iruva vakummbwe ikaa na mweendo nsha. Efyo mfisha nafyo fitiri mbusha kwa vandu.

Vaebrania 13:21

namusongovise yeni mutani wo kindo kyisha, mwiitanaa shaasa akundye; nawe natani efyo finsennyi nnang'ani yeeru, kwi Yesu Kristo, Nnduma mmbwakwe llung'anu na llung'anu. Amen.

2 Petro 1:12

Kwa ekyo mmbo shikudeesye imukumbura efyo mikonu myoose, na kyikava mufiishi na ivangisywa efo dedeny yeyo.

Yuda 1:5

Lyingyi mmbo shikunndye imukumbura, lla elyi mwammaa imanya efi fyoose, sheelyi llya Nndumi alemaa iwouwa vandu vauke kulya Misri, mmbo alerumata valya elyi numa valera iirikyo lya dede.