Tito 1:16 - BIBILLYA Mareiyo Meele a Iruva

¹⁶ Vakaamba mmbo vaishi Iruva, lyo na ngaa tawo mmbo vakee inkana; mmbo vatanaa fya yeende unyafi, vakava filemi, valavaa nta kwa kindo kisha.

Kyaasa Kiiya

¹⁶ Vakaamba mmbo vaishi Iruva, lyo na ngaa tawo mmbo vakee inkana; mmbo vatanaa fya yeende unyafi, vakava filemi, valavaa nta kwa kindo kisha.

Tito 1:16 Iomraidhean Croise

YOBU 15:16

nng'a nndu wa vandu akee kiraa na nreti nndu atanaa uravi sha ina mura.

FYAASO 30:12

Kwiifo vandu vakulolyaa sheelyi mmbo vakee vesha, Ate nta mbakee veelise kirinda kyawo-fo.

ISAYA 29:13

Nnndumi Iruva mmbo aamba, “Vandu eva vakee ishiinndya kwa marero-nsi na kunu mirima yaawo mmbo ikee kwaasha na yeny. Mmbo vashiinndyaa velolaa mikaaye ya vandu-nsi.

ISAYA 48:1

Aranyiny mbony eti eni vandu va mmba ya Yakobo, yeni muvangwaa kwa irina lya Israeli, yeni muukye efo ufariny lwa Yuda, mulyee mboo kya irina lya Nndumi Iruva na isenda irina lya Iruva wa Israeli, lyo nshi dede nta nkisumani-fo.

ISAYA 58:2

Indi vakeshiruuya wo nkonu; vakundye imanya shia takwa, sha masanga alya aletana usumanu, valare ivavaso lya Iruva waawo, nng'u mavavaso a dede kwakwa, wakafura ikaa kufii na Iruva.

ISAYA 59:13

shaasa lulelyamara na ilema Nndumi Iruva, na shaasa lulealashika lulalatye shia ta Iruva weeru, lwiirera mbony ta uriiti na ilema, ikusara mbony ta wongo na ityuuta nriminy.

YEREMIA 12:2

Nnyewe kumuni kulevaronga, nawo vakavamba miraarii; vakammya vakavika ndunda; yewe nkuishiwa nnu firommuny fyawo indi mirima yaawo ikakaa kwaasha neewe.

YEREMIA 5:2

Naakwa neelyi vaamba, “Shaasa Nndumi iruva eefo na muu, indi mmbalya mboo ya wongo.

YEREMIA 6:30

Mmbavaangwa mbulula, mashika Nndumi Iruva ammbalema.

ESEKIELI 33:31

Nawo mmbo vakeesha kwafo sha vandu va usumanu vakaveyaarannya neekyo kwiifo kuvavia vakamanya, indi lyo mmbatanaa-fo. Yefo kaniny kyawo mmbo vakeyoora ikunda iniini, indi mirima yaawo mmbo ikekusara mbony ta mbusha tawo.

MEEKYENA 24:16

Yeto mwiita marero a Iruva, neemanya urango lwa yeto akee uwe ya fyoose yeto ansukuyo mbony ta muni findo fyoose. Kwakooya amwiinndya dede mmbo antarambuwa miso,

Varome 1:28

Na kimmba valelema ikaa na Iruva efo umanyony lwawo, Iruva mmbo alevareeya valatye urango lwawo yelo lulavaa, vatani findo filavasumannyi.

Vaefeso 5:6

Kulave nndu amulemba na marero a ing'ana; mashika unyafi lwa Iruva mmbo lwasheya vana yewo va uravi.

1 Timoteo 1:9

Navemanya irero elyi, sheelyi uvavaso llutiri mwaandu na nndu nsumanu-fo, kuuta yewo veerenga veni, neewo valakee vaarya, valaishi Iruva, valyamari, na vatefusu, neewo valashinndyaa Iruva, na veekapa vandeye vawo, na veekapa vamaye vawo, na vewaa.

1 Timoteo 5:8

Lyo nndu yeto nalalolaa vandu vakwe, mmbo yewo va kyeny kwakwe muni, yeto mmbo amina iirikyo, kooka-fo kava nkasha ngota nndu nalakee nkristo.

2 Timoteo 3:17

Naambo nndu moose akee wa Iruva nasongovike neekaariswa naambo needimi itana findo fyoose nisha.

Tito 3:1

Kumbura vandu yewo ikunyiisya yewo vatiri wiidimi na ushilyi, vavaindye, neekunda itana mashora mesha;

Tito 3:3

Mashika elyo mbee naakwa ni yese llweetiri urango-fo, mmbo lwekee varavi, lukalembika, lwiirundyaa lango sheesi ta wo ngata, lwiisindaa uraviny na ukasha neesuvana na vengyi.

1 Yohane 2:4

Yeto ashambaa, shammumanya, lyo kara nalaringa mavavaso akwe, mmbo akee mwoongo, nta dede nnyikee nnang'ani yakwe-fo.

Yuda 1:4

Mashika kwiifo vandu valeanga siriny veshoovyaa, vakee vautye uvingo uka kipooka. Nawo ni vandu valaishi Iruva, vakee vealasha isarya lya Iruva lyikava kindo kya tangalu. Nawo mmbo valema Iruva yeto muni akee mmbwe wa dede, na Nndumi weeru Yesu Kristo.

Usukuyony 21:27

Nafo nkusheangaa-fo kindo kyikee kifwafwa, ao yeto mweende unyafi na wongo-fo, kuuta yewo veni vakee vareiye efo kyitabuny kya muu kya Ngurana ya Iruva.

Usukuyony 21:8

Lyo yewo veerei na yewo valairikye, newo veende unyafi, na veewaa, na vasavi, na vatuusi, na veindya maruva a wongo, na vaongo woose, waavi lwawo ni kulya iruveny llya lya muro wa kibiriti. Yelu llo ufu lwa kavii.”

1 SAMUELI 15:22

Nalyo Samweli kaamba, A Nndumi Iruva mmbo asennyo mfiraso fyeekora na muro ngota yaaranya unyanga lwakwe? Lola, iindya Nndumi ntorya ngota firaso Na yaaranya ngota mafura a ndafu.

1 SAMUELI 15:24

Llyo Sauli alevia Samweli, “Mmbo shilelyamara elyi shilefuluta ivavaso lya Nndumi Iruva, na marero yoo afo nang'u, mashika lyo yeny mmbo shilesora ekyo kya vandu yewo.”