SEKARIA 8:3 - BIBILLYA Mareiyo Meele a Iruva

³ Yeny mmbo shiwuya muriny wa Sioni shishevikaa marembo akwa yoo Yerusalemu nnang'ani. Yerusalemu mmbo ushevaangwa muri wa usumanu, na ifumbuu lyakwa yeny Nndumi Iruva muni matorito, mmbo ushevaangwa ifumbu Yeele.

SEKARIA 8:3 Iomraidhean Croise

SABURI 2:6

Ni mangyi yakwa shansauwa nasheshillya ifumbu lyakwa yeele Sioni!

SABURI 48:1

Nndumi Iruva mmbwe ang'ani, Yeto akwaani yiindyo nnu Efo ifumbuny lyakwe yeele!

YUUKA 29:45

Mmbo nshekaa nnang'ani a vana va Israeli, neeny mmbo nshevaa Iruva waawo,

ISAYA 1:21

Muri ulya wekee nsha indo, ulaalu wammaluka isonga, kweiishwe usumanu na wiitanu ulaalu kwammaluka kwa vaala shya.

ISAYA 1:26

Shishemuniinga valeti vany sha valya mweetiri llya mbee, amwi na vasongoru veemutetera sha llya kasha. Llyo Yerusalemu ushevaangwa muri wa urilalyi muri wa usumanu.”

ISAYA 11:9

Efo ifumbuu yeele lya Iruva nkushevaa-fo maariso nta ukyiva-fo, mashika finya ya imanya Nndumi Iruva, mmbo ishekwaana ulaniny koose. Sheelyi mura waivalyiivalyi yeeveny.

ISAYA 12:6

Oniseny unyanga mwiimbe kwa unyanga uniini na ifura yeni vandu va Sioni! Mashika yeto mwiitana finiini nnang'ani yaany mmbwe Iruva mweele wa Israeli.”

ISAYA 32:16

Llo uleti mmbo lushekaa urukeny lweeke kasa koomu, urilalyi na usumanu lushekaa lusheshillya nnda mmbiiri uvika ndunda shiingyi.

ISAYA 60:14

Na vana va vandu valya valekulyisa ukiva, mmbo vashaa kwafo na ikufiiryandi; Na woose valekwiila vakunyiisa fika si ya ngyayo ta marende afo; Nawo vakuvaanga, “Muri wa Nndumi Iruva, Sioni, Mweele umwi wa Israeli.”

ISAYA 65:25

Kite kya ngoroshony na yoonri mmbo filyaa ando amwi, na miiso mmbo illyaa mare sha ng'umbe, na kiluulyi mmbo kivaa shoonga ya shoka. Mmbatanaa kikasha nta ilyamara efo ifumbuny lyakwa yeele lyoose-fo, ni Nndumi Iruva aamba.

ISAYA 66:20

Nawo vasheende vana vamaye vany woose uka masangeny koose, iva kiraso kwa Nndumi Iruva, na uwe ya frasi na mitika, na fitara, na uwe ya nshungu na mafisi, fika ifumbuny lyakwa yeele Yerusalemu, ni Nndumi Iruva aamba; shaasa vana va Israeli vakeyeende firaso fyawo mmba ya Nndumi Iruva na kiiya kisha.

ISAYA 8:18

Yeny na vana Nndumi Iruva ashiiniinngye kunu Israeli ni kiringisyo kyiing'ani kyuuka kwa Nndumi Iruva wa matorito ooka ifumbuu lya Sioni.

YEREMIA 14:9

Nkyikyi elyi kwavaka nndu mweerei ashiraa, ao sha nsikari nalakitiri finya yekabana? Lyo dede Nndumi Iruva kukee neese na llukesendwa na irina lyafo; kulalure-fo mmbe.”

YEREMIA 26:18

“Mikaya Mmorashti nnyeawuya fisuku mikony ya Hesekia mangyi ya Yuda kavia vandu woose va Yuda indi; ‘Nndumi Iruva wa matorito aamba, Sioni mmburemwa sha rema, Yerusalemu mmbushaaluka mbillya ya sama, na ifumbu lya mmba shaasha mbillya.’

YEREMIA 31:23

Nndumi Iruva muni finya, Iruva wa Israeli aamba indi, “Elyi nsheviraa vandu urukeny lwawo, llyo vashereryaa efo urukeny lwa Yuda na miri ya vayo, vaambe, Nndumi Iruva navikye ifumbu yeele lya Yerusalemu mbora, yoo ando kweele akai.

YEREMIA 33:16

Vandu va Israeli na Yuda mmbo vasheona vashekyirwaa na muri va Yerusalemu mmbo uvaa lleke. Na muri wawo uvaangwa, ‘Nndumi Iruva ni ukyiro lweru.’

ESEKIELI 48:35

Waasha lwa mita ta masimamba moose aana ando amwi ni mita fiku kyeenda. Irina lya muri kupookya inu na mikonu myoose, ni Nndumi Iruva Aiyo.”

DANIELI 9:16

Ni yewe Nndumi kuleva mwiluringa efo koose luukye. Kulakirooywa-se nngoo kimaruma kya Yerusalemu-fo; nta kimaruma kya ngyulyamari teru na uravi luletanwa ni vakuu veru-fo. Yerusalemu muri wafo na ifumbu lyafo yeele. Vandu va masanga valuringyitye mmbo vakeemina Yerusalemu na vandu vafo kimaruma kya ulyamari lweru na kya uravi lwa vakuu veru.

YOELI 3:17

Llyo mushemanyaa, yeni Israeli, sheelyi yeny ni Nndumi Iruva, Iruva waany, shikee ifumbuny lyakwa yeele lya Sioni. Nato Yerusalemu mmuri mweele. Vandu va masanga mmbakaa vauvinge-se-fo.

YOELI 3:21

Neeny, yeny Nndumi Iruva nshekaa uwe ya ifumbu lya Sioni.

MIKA 4:1

Mikonuny yeyo ya ifurummya ifumbu lya mmba ya Iruva mmbo lyishelollywa uwe ya engyi moose. Vandu va masanga woose vasheirishya nawo vaambe,

SEFANIA 3:13

Vandu yewo va Israeli vasaafo mmbashetannyaa nndu uravi-fo, nta yaamba wongo-fo, nta ilemba-fo. Mmbo vashekukayaa urilalyi, vavikyo mbora, valasheereya nta nndu.”

SEKARIA 1:16

Kweekyo yeny Nndumi Iruva mmbo shawiiya muri wa Yerusalemu, mmba yakwa ya iterevya ipooka itanwa na muri wa Yerusalemu upooke itanwa-se kwa wiiya?”

SEKARIA 12:6

Nkonu yeto mmbo vashallwa vasongoru va Yuda vave sha ngyoyo ta muro nnyaasi nnang'ani ya ngorosho niini ivakye kyimwii kishaaka nnang'ani ya nganu shuumu. Mmbo vashemamitaa masanga moose yoo afiitani nawo. Indi vandu va Yerusalemu wo mmbo vashevaa kippwa efo muriny mbwawo.

SEKARIA 14:10

Uruka loose mmbo lushevaa urambalalyi kupookya Geba kundefika Rimoni, kulella taari ya sinde ya Yerusalemu. Muri wa Yerusalemu mmbo ukaa yoo ukai, kupookya mwaango nniini wa Benyaminy kundefika mwaango ulya wa kwambee, kundefika mwaango wa ilemmyony (alya ilemyony lya ngiri kufiitani na alya kweekee mwaango wa kasha, kuuka alya urorony lwa Hanareli kundefikya alya vakammya kyaanka kya mangyi).

SEKARIA 8:16

Efyi mfyo findo mushetanaa, wo umwi navie ungyi ekyo kikee kya dede. Efo makwaanuny any a irummbwa myaandu, muutye vandu fya usumanu na urilalyi.

SEKARIA 8:19

Nndumi Iruva muni matorito mmbo aamba; Ikootoya lya mwiiri wa kaana, wa karaanu wa mfungare, na lya mwiiri wa ikumi mmbo ishevaa yefo mmba ta vandu va Yuda, ni sukukuu mikonu ya ifura miniini, kweekyo kuve-fo ukundi, udede na urilalyi.

Yohane 1:14

Nawe Irero kaaluka nndu kakaa kunu kweru, araiye ikiiya vandu na iva wa dede. Neese lukalollya itumbe lyakwe. Nalyo lyikava ni itumbe lya Mwana wa Ngitany auka kwa Nde arye isarya iingyi na dede.

Yohane 14:23

Yesu kaallwa kammbia, “Nndu kashikunda ni ndera yeyo yakwa asheiringaa, na Nde-yaakwa ashevenkundaa, neese mmbo lusheshaa na kwakwe, lwaallwe-fo kuve kweru kweekaa.

2 Vakorinto 6:16

A-mmbo kwiiyo wiitanu kyi kwa mmba ya Iruva na maruva a wongo? Mashika yese mmbo lukee mmba ya Iruva muni muu, shaaasa Iruva aleamba, sheelyi, “Mmbo nkaa nnang'ani yaawo, shirwe-rwe nnang'ani yaawo, neeny nshevaa Iruva waawo nawo vave vandu vakwa.”

Vakolosai 2:9

Mashika yoo kwakwe nng'u usongovisi loose lwa Iruva lukai, efo mwiiliny.

Usukuyony 21:10

Kashiipoo shikee na Mumuyo kashifita ifumbuny yaasha, kashoora muri ulya mweele, nto Yerusalemu, wisholokaa wuuka kwa Iruva muni finya toose.

Usukuyony 21:27

Nafo nkusheangaa-fo kindo kyikee kifwafwa, ao yeto mweende unyafi na wongo-fo, kuuta yewo veni vakee vareiye efo kyitabuny kya muu kya Ngurana ya Iruva.

Usukuyony 21:3

Shaita unyanga uniini lwishuukaa alya kitiminy kilya kya itumbe lwiishambaa, “Loleny-te, ando a Iruva ulaalu ni efo vanduny nawe mmbo ashekaa nawo, nawo vasheva vandu vakwe. Nawe Iruva muni ashekaa nawo.