SEKARIA 8:2 - BIBILLYA Mareiyo Meele a Iruva

² Nndumi Iruva muni matorito, mmbo aamba ule; Nrima wakwa mmbo ulangye yeekya Sioni kyimaruma kya ikunda lya vandu vakwa. Na lyingyi mmbo shitirwa nnyashi ing'ani kimaruma kya vakiduva vandu vakwa Sioni. Ni yeny Nndumi Iruva muni matorito shaamba.

SEKARIA 8:2 Iomraidhean Croise

1 MBONY TA FYEERI 12:19

Vandu va Manase maata vekaa kyaalu kya Davidi kyeeri kilya ekapana na mangyi Sauli aryani na Vafilisti. Lyo mmbemweekya-fo mashika “Valya vaniini va Vafilisti vevika shila, vakavaumbuta vekunsara valashewafuluka vashewuya taari ya Sauli.”

ISAYA 59:17

Karaa usumanu sha mbafu ya minya ya ikuringa kyeeri kya fira na kofya ya ikuringa nrweny mmbwakwe kakuvika masara a ukiduva sha masara akwe, nawe kavikwa kififi sha ikoti lyakwe.

ISAYA 63:15

Lola uka iruveeu, kulollye uka marembo a usuri lwafo na usha lwafo; kififi kyafo nkwi kyikai, na wiidimi lwafo? Nrolu wa nrima wafo na isarya lyafo fyansurumwa kwakwa.

YOELI 2:18

Naasa Nndumi Iruva kalyilya vandu vakwe kavaiya mashoya na mafura kutani mwawuura shapu, nta mmushekivaa-se seko efo vanduny va masanga-fo.

NAHUMU 1:2

Nndumi Iruva muni matorito ni Iruva atiri kyififi na mwiitaiyya kiduva, Nndumi Iruva ataiiyaa kiduva eeshwe nyashi; Nndumi Iruva nyataiiyaa kiduva vakiduva vakwe, Nyafumbaa ngoo kyuumu kyimaruma kya vakiduva vakwe.

NAHUMU 1:6

A mmbo-vi ashiidimaa ikweesa na ngoo ya Nndumi Iruva? Mmbo-vi ashiidimaa isisirya unyaasi lwa nyashi yakwe? We mmbo apuswaa nyashi yakwe ikaaka sha muro, Mmbo ipaparaa naakwa mmawe a ngyina.

SEKARIA 8:1

Irero lya Nndumi Iruva muni matorito lyikasha kwakwa lyishaamba ule,