SEKARIA 13:3 - BIBILLYA Mareiyo Meele a Iruva

³ Kwakooya akwiipo-fo nndu lyingyi sha nkisuku, ndeeye na maaye yewo vammbonnye, mmbo vammbya ule, yewe nkukaa na muu-fo, mashika yeni mmbo mwaawuya ukisuku lwa wongo kwa irina lya Nndumi Iruva, nawo ndeeye na maaye ni kuti vammbwae kwakooya aawuya kisuku.

SEKARIA 13:3 Iomraidhean Croise

YEREMIA 23:25

Yeny shammiita yekyo vakisuku vaamba, yewo vakeyaawuya fisuku fya wongo na irina lyakwa veeshaamba, ‘Shammorya, shammoorya!’

YEREMIA 23:34

Na kwa nkisuku ao nkohani ao nndu umwi wa vandu ashaamba, ‘Iryo lya Nndumi Iruva,’ yeny nshikapaa nndu yeto na mmba yakwe.

YEREMIA 28:15

Shiikivia Hanania indo, sheengera yaamba, “Arannya Hanania. Nta Nndumi Iruva nnyalekuruma-fo, lyo mmbo kwakunda vandu veerikye wongo.

ESEKIELI 13:23

naasa, yeni mmukaa mulollye lyingyi ukisuku lwa ulembi-fo. Mmbo shirurushwaa vandu vakwa maakony any. Llyo mumanyaa sheelyi yeny mmbwe Nndumi Iruva.”

ESEKIELI 14:9

Kwakooya nkisuku alemba karera irero lya wongo, nyeny Nndumi Iruva shalemba nkisuku yeto; nawe ni kuti shimwaante na imuuta nnang'ani a vandu wakwa Israeli.

ESEKIELI 43:7

“Yewe mwana wa nndu, Yaandi, ni ando kwa ushilyi lwakwa, ando kweevika marende akwa, shishekaa nnang'ani, a vandu va Israeli llung'anu. Nta vana va mmba ya Israeli valakaa vatefuse lyingyi irina lyakwa yeele, nta lyawo, nta vamangyi vawo na yiinndya mafwanu, nta irika minying'a ya vamangyi vawo ando yaa.

Matayo 10:37

Na yeto mwiikunda ndeye ao maye ngota yen, we nshi nndu ashisumannyi-fo. Na yeto mwiikunda mwana wakwe wa womi ao wa kyika ngota yeny, we nshi nndu ashisumannyi-fo.

Luka 14:26

“Kwakooya nndu akusheya na kwakwa kara nalasua ndeye na maye na nka na vana na vanavamaye na vamfwamaye, navesanda-u na muu wakwe muni, we nnyashiidimaa iva nndu wa kiloshyony kyakwa-fo.

2 Vakorinto 5:16

Nkyoony, uka ulaalu yese lwiishi nta nndu umwi kyikee kya mwiili-fo. Na kyikava yese mmbo lulemanya Kristo lukee na mwiili yeu, kyaindi ulaalu nshi indo-fo.

NKUMBUYE WA UVAVASO 18:20

Na nkisuku yeto ashereraa marero alakwaani na irina lyakwa kyikava ni kya makusaro akwe muni, ao karera na irina lya maruva engyi, we nkuti nafwe.

NKUMBUYE WA UVAVASO 33:9

Yeto alesenda ndeye na maye, lyo shilallollye, Nta vana va maye nalavairikye Mmbo aleirikya kilya kuleamba, kavetira kyaasa kyafo,