SEKARIA 1:4 - BIBILLYA Mareiyo Meele a Iruva

⁴ Mulasheeva sha vande vany, valya vevavaswa mmbakisuku va-mbee. Sheelyi Nndumi Iruva muni matorito aamba, “Ukeny efo meengyeny na mashoreny any makasha, mukooye iwuuya Iruva, indi-lyo valakunde ishaaran ya nta yaalashika. Ni Nndumi Iruva muni matorito aamba.”

SEKARIA 1:4 Iomraidhean Croise

2 MBONY TA FYEERI 30:6

Mangyi amwi na vasongoru vakwe, vakaruma mashinga indefita nrumi Yudaya na Israeli koose ishaamba indi, “Yeni vandu va Israeli, mmbo mulekiiya kipashuka llya mulekapwa ni Vaashuru. Wuiyeny Nndumi Iruva, Iruva wa Abrahamu, Isaki na Yakobo, naambo nawe nawauye.

2 MBONY TA FYEERI 30:7

Mulasheeva sha vasawoye vany Israeli, valya vemina Nndumi Iruva, Iruva waawo shaasa vekapwa ngapo ivavaa.

2 MBONY TA FYEERI 34:21

Endeny mukandevesa mbony kwa Nndumi Iruva ando akwa, na vandu yeva vaseeye kunu Israeli na Yuda, mumanyi mbony tikee kunu kyitabuny yekyi tiriye iluvya inda. Ni Nndumi Iruva arooywa ni ngoo kimaruma kya vasaawoye veru ilema yiinndya irero lya Nndumi Iruva vakalema itana yekyo kyitabu yekyi kyaambaye ni kuti kitanwa.

ESRA 9:7

Uka elyo lya vakuu veru kufike inu uravi lweru mmbo luleva uniini, nalyo kyeendwa ni uravi lweru yese na vamangyi veru na vakohani veru, mmbo lulerambikyo maakony a vamangyi vengyi va ngyurukeny tingyi lukawaawa neekurikwa usamirony, lukasokwa masaa eru, lukasutwa, fika inu.

NEHEMIA 9:16

Kyeendi vakuu veru vakalyang'aa vakalema yiirikya mavavaso,

NEHEMIA 9:26

Lyo mmbalekusirya-fo, vakalema, vakara mavavaso awo, vakawaa na vakisuku vafo valya vekeevarerya naambo vavaviire kwafo. Kyeendi vakalyamara kiniini nnu nnu.

NEHEMIA 9:30

Lyo kwavasisirya ando a myaaka niingi nnu deny, kwarera nawo na kana ka vanabii vafo, lyo nta valakunde yiita, kwavavika maakony a vandu vakiduva vawo.

SABURI 78:8

Valasheeva sha vandeye vao, vandu vatiri nriya na mbafu Irika lletiri isingasinga; lliletiri usaari kwa Iruva.

ISAYA 31:6

Nndumi Iruva aamba: “Yeni vandu va Israeli, mmbo mulenshilyamarya neeshikapa mungo. Indi ulaalu shiwiiyeny mukasha kwakwa.

YEREMIA 18:11

Kweekyo ulaalu, rera na vandu va Yuda na veekaa va Yerusalemu, ‘Nndumi Iruva aamba, lola nshikeeveyya makasha na yaala ngapo kyany. Kuriyeny, wo umwi uka uraviny lwa shia takwe, mukaalashika shieny na mitannyi yaany.’”

YEREMIA 23:22

Indi kwakooya lyo vesalala shileny yakwa, vevambisaa marero akwa kwa vandu vakwa, vemanya ivaiduta woke shieny tawo ta uravi na mitannyiny yaao ya uravi.

YEREMIA 25:8

“Kweekyo Nndumi Iruva wa matorito aamba: Kyimaruma kulaore muleindya marero akwa, loleny,

YEREMIA 26:5

na itana marero a varundi vakwa vakisuku yewo shikeevaruma uviny, ra neelyi kulare mulevaarannya,

YEREMIA 3:12

Enda, senda marero yaa kulella taari ya ndoo kwaamba, ‘Wuya, yewe Israeli nturi va kyikusirio, ni Nndumi Iruva aamba. Nshikyikulolaa na nyashi-fo, mashika shikee mwiisarya, ni Nndumi Iruva aamba. Nshishisswaa llung'anu-fo.

YEREMIA 3:14

“Wuyeny, yeni vana vaturi va kyikusirio, ni Nndumi Iruva aamba. Yeny nshikee nndumi waany; ni Nndumi Iruva aamba; shishemwiipoo, umwi uka muriny na vavii uka mmba imwi, na shishemweende Sioni;

YEREMIA 35:15

Mmbo shileengera imurikya varundi vakwa wo vakisuku, vakamuvia mure shia tany shiravi mutani filya fisumani. Vakamwiikimba mulainndye maruva a wongo nta yaarunndya, nambo mukae na ifura urukeny llwa shileniinga vaniini vany, Lyo mmuleshaarannya nta ishisara-fo.

YEREMIA 4:1

Nndumi Iruva aamba indi, “Yeni Israeli, kwakooya mukunndye iwuya, shiindukyeny. Kwakooya mushuutaa mbee yakwa uravi yelo shilusuuye, na kulare musingasingaa lyingyi

YEREMIA 44:16

“Kya marero ya kwaluvia kwiisenda na irina lya Nndumi Iruva, llukwaarannyaa-fo.

ESEKIELI 14:6

“Naasany, via yewo va-mmba ya Israeli sheelyi Nndumi Iruva aamba: Kurieny mwaalashike, mulakane na maruva yoo any a wongo mulakane yefo mitannyiny yaany mikasha myoose.

ESEKIELI 20:18

“Naasa sheekimba vana vawo kulya kasa koomu shavavia: ‘Vakwiise-nnu, valasheetira ngaa na mikaaye mikasha ya vande vawo ya utefusu na yiindya maruva a wongo.

ESEKIELI 33:11

Vavie, Nndumi Iruva aamba, Yeny shiifo na muu, nshifurie ifwa lya nndu llyamari-fo, indi nndu llyamari naalashike, neera-fo shia yakwe shikasha akee na muu. Alashikeny, alashikeny, mure shia shikasha; nkyikyi yelyi mukundye ifwa, yeni mmba ya Israeli?

ESEKIELI 33:4

naasa nndu moose yeto ashiita unyanga lwa wombe, nta nalaikyimbwi, usu lukasha, na imuutau, samu yakwe mmbo ivaa uwe ya nrwe wakwe muni.

DANIELI 9:6

Nta llulearanya varundi vafo na vakisiku-fo, ewo valerera na vamangyi veru, veeshillya, vakuu veru, na vandu veru woose.

HOSEA 14:1

Yeni vandu va Israeli, wuyeny kwa Nndumi Iruva waany. Ulyamari lwany llo lulemweengye nsindara mukawa.

AMOSI 5:24

Lyo taniny efyo fya dede na usumanu lweeke sha mura, sha mura nniini ulashuumyaa.

MIKA 2:6

Vandu mmbo vakeshirerya vakashivia, Kulalurerye yese-fo. Kulaambe mbony eto-fo. Iruva nnyashelutanyaa nta ukasha-fo.

SEKARIA 1:3

Kweekyo, enda kundevavia; Nndumi Iruva muni matorito mmbo aamba, Wuyeny kwakwa, na yeny shishemuwuuya, ni yeny Iruva muni matorito shaamba.

SEKARIA 7:7

A kyeeri muri wa Yerusalemu weekemmbikye mbora amwi na vandu vawo, neewo woose veefitani nawo, nshemurikya nrumi ya kana ka vakisuku vakwa va kyeeri ekyo?

Mashora 26:20

Nkyo mbele shandeongoya valya va Dameski na Yerusalemu, na uruka loose lwa Uyuda, na vandu va masanga, sheelyi vakurye vaindukye Iruva, vatani findo fiinani na ikurya lyawo.

Mashora 3:19

Kuryeeny-te, mwiinduke, naambo ngyulyamari tany tiutwa, fishe fyeeri fyeellelisyo kimaruma kya Nndumi,

1 Petro 1:18

Muvemanya sheelyi nshi mulewowowa na findo filyamarikaa-fo, sha fesa ao saabu, naambo muuke efo ngaany ya ureti mulewarya kwa vande vany-fo.