SEKARIA 1:12 - BIBILLYA Mareiyo Meele a Iruva

¹² Nalyo nsu ulya wa Nndumi Iruva, kaamba, “Ale Nndumi Iruva muni matorito mmbo kufikaa-kwi kwisuuye indo kya muri yeu wa Yerusalemu; na miri ya uruka yelu lwa Yuda, yei kusuuye kya-vayo ulaalu ando a myaaka makumi mfungare?”

SEKARIA 1:12 Iomraidhean Croise

2 MBONY TA FYEERI 36:21

Nakyo kilya Nndumi Iruva emmamba na kana kya nkisuku Yeremia kyikainukya, “Uruka lushevaa sama, kuleefo iremwa ando a myaaka makumi mfungare, kyiinani na kyeeri kya mikonu ilya ya Sabato kulare yeiinndywa.”

SABURI 102:10

Kimaruma kya unyafi lwafo na unyaasi lwafo. Mashika mmbo kwashiipoo na isheera kwaasha.

SABURI 102:13

Kwasalala-u kumuni, kwilyillya Sioni Mashika nkyo kyeeri kya ilyillya Ee-da fyeeri filederyo fyamfika.

SABURI 69:5

Woi Iruva yewe mmbo kushiishi na nshushwa; mmbo kwiishi makasha akwa moose.

SABURI 74:10

Woi Iruva, vakiduva veru mmbo vakusekaa fika indii? A mmbo vatatalaa irina lyafo llung'anu?

SABURI 79:5

Woi Nndumi Iruva, mmbo kuswaa llung'anu? Unyaasi na kififi kyafo mmbo ing'anaa indo kufike indii?

MWIILOSHA 3:3

Kyeeri kyeewa, na kyeeri kyeekira Kyeeri kyeewunndwa mmba, na kyeeri kyeetana mmba.

ISAYA 47:6

Shetiri isswa na vandu vakwa, shatefusa umasi lwakwa shavavika maakony afo yewe; nta nkulevalillya-fo, mmbo kulevavika vamiku vawo mashoreny moomu deny.

ISAYA 63:9

Nnang'ani ya ukiva lwawo woose we kalyiswa, ukiva na nsu wa kisangu kyakwe kavakira, kyuuka we muni, kavarosa, kavaipoo mikonu myoose ilemmiira.

YEREMIA 12:4

A mfika indii uruka lushaatarikaa, na mare a marema inaa? Kyimaruma kya uravi lwa veekaa muriny yeto mafisi a ngoroshony na ndeye nfikeemamitwa, vandu mmbakeyaamba, “Nnyalollyaa ufishyony lweru-fo.”

YEREMIA 15:17

Nshekaa ikwaanuny lya veetiri ifura-fo, nta ifura-fo nshekaa shimuni, kyeendwa ni woko lwafo lweshirovye mashika ya ivavyo nnyashi.

YEREMIA 29:10

“Kweekyo Nndumi I ruva aamba: elyi myaaka makumi mfungare ishisyaa ya Babilony, Yeny shimusheyaa, shishemufitya kyaasa kyakwa na imuuviira yaandi.

YEREMIA 30:18

Nndumi Iruva aamba indi, Mmbo nsheviraa vandu vakwa urukeny lwawo, shilyillye wo mmba yaawo Yerusalemu mmbo ishewuyaa-se itanwa, na mmba ya mangyi ivauwa.

DANIELI 12:6

Naasa shavesa nndu ulya umwi aree soori shimamiri asalalyi yoo uwe ya mura, “A ni fyeeri fifye inda, kutani findo efyo fyeeresye fyeera?”

DANIELI 9:2

Mwaaka wa mbee wa ushilyi lwakwe, yeny Danieli mmbo shekekulosha neesoongya mbony tikeeshireiye efo fitabuny fyeele, shamanya mbony tilya Nndumi Iruva evya nkisuku Yeremia, sheelyi Yerusalemu ishewunduwaa ando a myaaka makumi mfungare ishaa.

HABAKUKI 1:2

A Nndumi Iruva, shiiye fika indii kulasharannyaa-dwa? Mmbo nkukufuuya kyeendwa ni uravi lwa vandu vakwa lyo kulalutarami.

SEKARIA 1:8

Kwikee kio, mmbo shilelollya nndu eesaammye frasi idodorye. Nndu eto mmbo eesalalyi imungony nnag'ani ya miri ya mihadasi. Numa yakwe kweifo frasi tingyi tidodorye, na tingyi ta ifu, na tingyi tefwani shaa.

SEKARIA 7:5

Via vandu woose va urukeny elu, na vakohani kyeeri mwefinga, nekootoya mwiiri wa karaanu na wa mfungare, mmbo mwefinga kimaruma kyakwa?

Vaebrania 7:25

Kimmba ni indo we mmbo ashidimaa ikira deny yewo vasheyaa Iruva na irina lyakwe, mashika we akee na muu mikonu myoose evaterevyaa.

Usukuyony 6:10

Vakafua na unyanga waasha vakaamba, Woi Nndumi Mweele, muni Dede, mmbo kufikaa indii kulashuutaa uvingo, nta iniinga samu teru usumanu kya yewo vakee ulaniny?