NEHEMIA 9:34 - BIBILLYA Mareiyo Meele a Iruva

³⁴ Nta vamangyi veru na vakohani na vasongoru na vande veru mmbalelatya mavavaso afo-fo, nta mbalearanya shasa kulevavavasya-fo

NEHEMIA 9:34 Iomraidhean Croise

2 VAMANGYI 17:13

Kilanya ya fyaoose Nndumi Iruva karuma vakisuku na velola, indevavasa Israeli na Yuda kwa kana kyao eshaambaa, “Alashikeny mure-fo shia tany shikasha, mulatye mavavaso na miirumbuye yakwa, songosiny sha ilya shilevavasya vandeye vany, shavarikya kwa kana kya vakisuku varundi vakwa.”

2 VAMANGYI 17:15

Vakalema mavavaso akwe, na kyaasa kyakwe llya emmbikyana na vandeye vawo; na kureekyi takwe emmbakureekya vakalatya fya wongo sha vandu va masanga vakava kimwi sha-wo, valya Nndumi Iruva emmbeema valatani shawo.

2 MBONY TA FYEERI 29:6

Vasaawoye veru mmbo vemina Nndumi Iruva, Iruva weeru, vakantannya findo fikasha filavaa yaamba vakankapa mungo na yoo ando kwakwe kwekaa.

ESRA 9:10

“Woi Iruva weeru, lukaamba-ki ulaalu numa ya yekyi? Mashika mmbo lulera-fo mavavaso afo,

NEHEMIA 9:30

Lyo kwavasisirya ando a myaaka niingi nnu deny, kwarera nawo na kana ka vanabii vafo, lyo nta valakunde yiita, kwavavika maakony a vandu vakiduva vawo.

NEHEMIA 9:33

Lyo yewe mmbo kukee wa usumanu, kwavetana fya usha, neese lukawonisa yefyo fyoose kyeendo mmakasha eru.

NEHEMIA 9:35

Kimmba valera ikurundya yewe efo urukeny elo nsha kulevaniinga kyeevasarya, nta valaalashike ngaa tawo,

YEREMIA 29:19

Mashika mmbaleiindya marero akwa-fo, ni Nndumi Iruva aamba, yoo shemurumya wo kyeeri shiiruma varundi vakwa veawuya fisuku, indi mulavaarannye, ni Nndumi Iruva aamba

YEREMIA 44:17

Indi llutanaa filya fyoose lwallyiyya mboo, ikorya ubani nka-mangyi va ngyinii-u na illetyaa firaso fyeena, shaasa luletana yese na vamiku veru, vamangyi veru na vasongoru veru miriny ya Yuda na shieny ta Yerusalemu; kya elyi lwewona shoonga nkuka, lukavessywa nta lulalollye makasha.

YEREMIA 44:4

Ra na indo shamurumya varundi vakwa vakisuku kuleefo yiimuya shaamba; ‘Yeni mulatane utefusu yelu-fo, nshilusuuye nnu!’

ESEKIELI 5:6

Mmbo uleepala mavavaso ngota masanga moose na uramba lwakwa ngota ngyuruka toose tiuringittye. Vakalema ilatya mavavaso na uramba lwakwa.

DANIELI 9:6

Nta llulearanya varundi vafo na vakisiku-fo, ewo valerera na vamangyi veru, veeshillya, vakuu veru, na vandu veru woose.

NKUMBUYE WA UVAVASO 31:21

Nawo kyeeri vashesheyoo mfindo efyo firavi fiingyi, kimbo ekyi mmbo kishesalala sha ukureekyi kwawo, mashika nkisherekaa efo kaniny ka vana vawo-fo, mashika shilollye makusaro awo shaasa akai, kulaore nta shammbafita efo urukeny yelo shilevavikya kyaasa.