NEHEMIA 9:23 - BIBILLYA Mareiyo Meele a Iruva

²³ Na vana vawo kwavafumbuta sha nyinyiri ta nginiiu kwashevaata urukeny lulya, shaasa kulevikya vande vawo kyaasa.

NEHEMIA 9:23 Iomraidhean Croise

Mapookyony 12:7

Nndumi Iruva kakoora na Abram efo yooryeny kammbia, “Ufyari lwafo nshevaningaa uruka elu.” Nawe katannya-u Nndumi Iruva kitara kyeerasya yeto alekoora nawe.

Mapookyony 15:18

Nkonu eto Nndumi Iruva kavika kyaasa na Abramu, kaamba, “Ufyari lwafo mmbo shaluninga uruka elu, uka mura va Naili wa urukeny lwa Misri kukooye mura yeto nniini wa Frati,

Mapookyony 15:5

Kansomuta poo, kammbia, “Ulaalu lola iruveeu kwekeni nyinyiri kwamiidima iteekyena. Kammbia, Ni indo ufyari lwafo lushevaa.”

Mapookyony 17:8

Neeny nshekuningaa yewe na ufyari lwafo uruka elu kukee-fo ulaalu, uruka loose lwa Kanaani, luve ushilyi lwany llung'anu, neeny nshevaa Iruva waawo”.

Mapookyony 22:17

Ikuvikya mbora nshekuvikya, na ikufumbuta nshekufumbutaa, ufyari lwafo luve sha nyinyiri ta nginii-u, na lyingyi sha nsanga wa mbai ya nruva; na ufyari lwafo vashevingaa vakiduva vafo.

Mapookyony 26:3

Kaa urukeny weny, neeny nkaa neewe, shikuvikye mbora, mashika nshekuniingaa ngyuruka eti toose yewe na ufyari lwafo. Na yeny nshenangisaa kyaasa kyakwa kilya shilevika na ndoo Abrahamu.

1 MBONY TA FYEERI 27:23

Mangyi Davidi nnyekyena valya vekee kwasi ya myaaka makumi avii-fo; mashika Nndumi Iruva emmbaarya kyaasa yeengera Israeli vave veengyi sha nyinyiri ta nginiiu.

YUUKA 1:12

Kyeendi shaasa valeengera ivalyisa ukiva niindo valeengera ifumbuka na yeengera ikwaana urukeny. Nawo vakasuwa kimaruma kya vana va Israeli.

YUUKA 1:7

Na ngyeeri ya Israeli mmbo vekeefwarika deny, neefumbuka nnu, na yeengera iva veengyi, vakaengera itira finya, na uruka lulya lukaishurwa niwo.

NKUMBUYE WA UVAVASO 28:62

Neeni mweevakye nyinyiri ta nginii-u mushesaan vaangu nnu elyi mwara mulaita unyanga lwa Nndumi Iruva wafo.