NEHEMIA 9:16 - BIBILLYA Mareiyo Meele a Iruva

¹⁶ Kyeendi vakuu veru vakalyang'aa vakalema yiirikya mavavaso,

NEHEMIA 9:16 Iomraidhean Croise

2 VAMANGYI 17:14

Indilyo nta valakunde yaarannya, vakava va nria muumuu ngata ya vandeye vawo, valakusirye Nndumi Iruva, Iruva waawo.

2 MBONY TA FYEERI 29:6

Vasaawoye veru mmbo vemina Nndumi Iruva, Iruva weeru, vakantannya findo fikasha filavaa yaamba vakankapa mungo na yoo ando kwakwe kwekaa.

2 MBONY TA FYEERI 30:8

Mulasheeva mbafu shawo, indi irikyeny Nndumi iruva. Mushe na mmba ya Iruva kulya Yerusalemu, ilya Nndumi Iruva, Iruva waany ale iivika sheele llung'anu, mumwiindye we, naambo nalasherooyo lyingyi ni ngoo kimaruma kyany.

2 MBONY TA FYEERI 36:13

Sedekia nawe kamina mangyi Nebukadinesar ulya emmbikya ishingo kalyiisyamboo na irina lya Iruva, sheelyi nnyakaa natatale-se Iruva-fo. Kalema ikurya, na iwuiya Nndumi Iruva, Iruva wa Israeli.

NEHEMIA 9:10

Neewe koora Farao na vandu vakwe mashora maniini a ngyende tafo, mashika elyi valetannya vandu vafo kiila, neewe kwawonau irina ilyimbi fika inu.

NEHEMIA 9:29

Kwawuya ivakumbura mavavaso afo, lyo vakalema-da valaaranyi, vakalema (nang'u mmbo aleniingyo naambo mwiiringa nakirwa). Lyo wo vakalema, vakoomisa ngoo tawo, vakalyang'aa.

SABURI 106:6

Mmbo lulekullyamarya amwi na vande veru. Lluletana maravi, ee lluletana makasha!

SABURI 81:8

Yeni vandu vakwa aranyiny wiikimbi lwakwa, Woi Israeli, a nkyema kweshiiranyaa!

YUUKA 15:26

kavavia, “Kwakooya mushearannyaa unyanga lwa Nndumi Iruva na usau, we Iruva wafo, neetana kya woorotu mbee yakwe, na iloota kuri kwaarannye mavavaso akwe, yeny nshishekweengyee ndwari-fo sha elyi shiletannya Vamisri-fo; mashika yeny ni Nndumi Iruva yeto mwishiisa.”

YUUKA 32:9

Lyingyi Nndumi Iruva kavia Mose yeny mmbo shallola vandu yeva shalollya dede mmbo vatiri singo shuumu (mirima myuumu),

FYAASO 29:1

Mwiikimbwa kyeengyi katira nrima muumu Ashesarumyaa tiny nta nnyakkyaa-fo.

ISAYA 48:18

Kyevaa kyeni kwakooya kwelatya mavavaso akwa, llyo ufoo lwakwa lwevaa sha mwalukoluko wa mura efo yeeveny.

ISAYA 48:4

Mashika shemanya yewe ni mbafu na singo yafo ni singo ya minya na kisangu kyafo ni minya shuumu.

ISAYA 63:10

Indi vakallema, vakanlyilyisa nnu mumuyo wakwe mweele; kyuuka na indo kaalashika, kava nkiduva, kakabana nawo.

YEREMIA 19:15

“Nndumi Iruva wa matorito, Iruva wa Israeli aamba ule; Loleny, Yeny nshikeyengye muri yeu na miri ya vayo makasha moose shileamba kya vayo kyimaruma mmbalefumbisa nriya vawo, vakalema iyarannya marero akwa.”

YEREMIA 2:31

N a yeni, yee ngyeeri ya vandu, arannyiny ni irero lya Nndumi Iruva. A yeny mmbo shileva kasa koomu kwa Israeli, ao uruka lwa ireema yuu piti? A nkyokyi yekyi kyeengye vandu vakwa vakaamba, ‘Lwammba valeke, llukyishaa lyingyi kwafo?’

YEREMIA 7:26

indi mmbaleshaaranya-fo ao iloota maarwi, lyo vakanangisa nriya, vakailannya vande vawo ilyamara.

ESEKIELI 5:6

Mmbo uleepala mavavaso ngota masanga moose na uramba lwakwa ngota ngyuruka toose tiuringittye. Vakalema ilatya mavavaso na uramba lwakwa.

Mashora 7:51

“Yeni mutiri singo shuumu, mukava sha vandu va masanga mulashiitaa. Mikonu myoose mmbo mukeekapana na Mumuyo Mweele, shaasa vande vany valetana, neeni, ni indo-da.

Varome 2:5

Kyaindi kyeendwa ni uumu lwafo, na nrima wafo ulatiri ngata ya ikurya, mmbo kwakudeesya unyafi kufike nkonu ulya wa unyafi na yaanduyo lyaorwa paa yoo usumanuny lwa Iruva,

NKUMBUYE WA UVAVASO 31:27

Mashika uravi lwafo shilwiishi na wuumu lwa nrima wafo, lyo loleny yeny shiiyo, shikee neeni, mmbo mulelyamarya Nndumi Iruva, Iruva waany elyi nshefwaa!

NKUMBUYE WA UVAVASO 32:15

Lyo vandu va Nndumi Iruva veekyiinina vakammina Llya valesennya neewuura nisha Vakaraany Iruva yeto alevavika-u Vakamina mbanga ya ukiro Lwawo.

NKUMBUYE WA UVAVASO 5:29

Ankyema veshidimaa itira nrima wa ngata yeyo kyeeri kyoose, vashiinndye, neelumba mavavaso akwa kyeeri kyoose, nawo mmbo veevikyoo mbora wo na vana vawo llung'anu!

NKUMBUYE WA UVAVASO 9:13

Naasa Nndumi Iruva keengera ishivia, “Yeva ni vandu vatiri ngoo shuumu,

NKUMBUYE WA UVAVASO 9:27

Nkyekummbwa mashinga afo wo Abrahamu na Isaki na Yakobo kure kulalola uravi lwa vandu yeva na ulyamari lwawo,

NKUMBUYE WA UVAVASO 9:6

Kwekyo sheelyi Nndumi Iruva, Iruva waany nyakeeimuniinga uruka yelu luve lwany kyimaruma kya usongovisi lwaany-fo; mashika mmbo mukee vandu variiti.

Vaebrania 3:13

Naasa kwiikyimbiny nkonu simu, naambo kulave-fo nta umwi waany ava muumu elembwaa nnyulyamari.

Vaebrania 3:15

shaasa kyaambawa, Inu yeni kwakooya mwaita unyanga lwakwe mulasheumisa mirima yaany sha kyeeri kya yeende unyafi.