NEHEMIA 9:10 - BIBILLYA Mareiyo Meele a Iruva

¹⁰ Neewe koora Farao na vandu vakwe mashora maniini a ngyende tafo, mashika elyi valetannya vandu vafo kiila, neewe kwawonau irina ilyimbi fika inu.

NEHEMIA 9:10 Iomraidhean Croise

NEHEMIA 9:16

Kyeendi vakuu veru vakalyang'aa vakalema yiirikya mavavaso,

NEHEMIA 9:29

Kwawuya ivakumbura mavavaso afo, lyo vakalema-da valaaranyi, vakalema (nang'u mmbo aleniingyo naambo mwiiringa nakirwa). Lyo wo vakalema, vakoomisa ngoo tawo, vakalyang'aa.

SABURI 83:18

Vamanyi shelyi yewe kumuni mmbwe Nndumi Iruva Ni Yewe Iruva nniini uwe ya ulana loose.

YUUKA 18:11

Ulaalu shammanya dede, Nndumi Iruva mmbo akee uwe ya maruva moose, yee, mashika Vamisri mmbo vekemutannya fya kinyala.”

YUUKA 3:20

Na yeny nsheorrwaa woko lwakwa, nshekapa Misri na ngyende takwa toose, numa ya vayo llyony ashemwekeya mukweenngye.

YUUKA 5:2

Farao kaamba, “Nndumi Iruva ni vi? Kutani sheeta unyanga lwakwe, shininge Vaisraeli mumu vakweenngye deny. Yeny nshiishi Nndumi Iruva-fo, nta nshiniinga Israeli mumu veende-fo.”

YUUKA 7:1

Nndumi Iruva kavia Mose, “Lola mmbo shakuvika kuve sha Iruva kwa Farao, na mwanamau Aron nave nkisuku wafo.

YUUKA 9:16

Kyeendi lyo shamura-u mukee-u na muu kimaruma ekyi kyeni, naambo shikoore widimi lwakwa, na lyingyi naambo irina lyakwa lyiidukaniswa ulaniny koose.

ISAYA 42:20

Kulollye mbony shiingyi llyo nkukeitumuso-fo. Kulootye maarwi lyo nkwiitye-fo.

ISAYA 63:12

Yeto alewatetera na woko lwakwe lwa usuri, na woko usha lwa Mose? Yeto alerauwa mura mbee yaawo, naambo nawe na irina lya llung'anu?

ISAYA 63:14

Sha ng'umbe tisholokaa imungony, mumuyo wa Nndumi Iruva kavavirya muu, ni indo aletetera vandu vafo, naambo irina lyakwe lyiwe na usuri.”

YEREMIA 32:20

Kasha kalya mmbo kuletana ngyende shiingyi kulya Misri, kwaveengera itana indo kufike inu, kunu Israeli na efo masangeny koose, nnduma wafo ukakwaana masangeny koose.

ESEKIELI 20:9

Indi mmbo shiletana indo kya yiindya irina lyakwa lyilatefuswa yefo nnang'ani a masanga kundo vakai; kundo veshilollya kyeeri kilya shendewoota kulya urukeny lwa Misri.

DANIELI 4:37

Ulaalu yeny Nebukadnesa, mmbo shikeerumisha na yiindya na yiitikisa Mangyi yei ya Iruveeu. Ekyo kyoose atana mmbo kyikee kisha na kya usumanu, nawe mmbwe atiri wiidimi lwa inyiisa yewo vekurosa woose.”

DANIELI 5:23

Mmbo kulelema na ikurosa mbee ya Iruva wa iruveeu kwandeende fiiya filya fileutwa mmba ya Iruva. Kwandeniiya-fo mfinyu yewe na vasongoru vafo na nka vafo, fitonga fyafo, kwarumisha maruva a saabu na fesa na minya na a firi na a mawe maruva nalashidimaa ilola, nta irera, nta yiita ao imanya, indi we Iruva yeto muu wafo ukee wokony lwakwe, na mitannyi yafo myoose ikee mbee ya usangu lwakwe kulakunde imwiindya.

DANIELI 9:15

“Ulaalu woi Nndumi Iruva weeru, mmbo lwalollya wiidimi lwafo, llya kuloota vandu vafo kulya urukeny lwa Misri, kwa woko lwafo lutiri finya, nayo ikalollywa fika inu, mmbo lulelyamara itana makasha.

Mashora 7:36

Mose yeto mmbwe alevauta-fo, katana ngyende na firingisyo kulya urukeny lwa Misri, na yeeveny ya Shamu, na kulya kasa ando a myaaka makumi aana.

Varome 9:17

Mashika areiye indi kya Farao, “Kimaruma shilekusaleesa-u ni ekyi, naambo shikoore yewe finya yakwa, na irina lyakwa lyivambiswa urukeny koose.”

NKUMBUYE WA UVAVASO 4:34

Ao ni indii lyingyi Iruva alemeenda yuuta vandu urukeny lwa vandu vengyi eveesaa neewoora ngyende shiingyi na fira, kutani awoora findo fisheresee na woko lwa finya lweeresye nnu shaasa Nndumi Iruva, Iruva weeru alemutana yeni kulya Misri mwiilollye indi?

NKUMBUYE WA UVAVASO 7:19

Kummbwa efyo fyoose miso afo alelollya na ngyende yeto ta yaawuta fya woko lwa Iruva lwa finya nawe kakuwouwa-fo, nawe Nndumi Iruva niindo ashevatannyaa, yewo woose kuveereiye.

1 Petro 5:5

Kiwo-da na yeni mukee vakoo, irikyeny vamiku. Yee, yeni moose raeny ngata ya ikunyiisa, llyo mushidimaa irundyana nisha, mashika Iruva mmbo alema yewo vekung'anisa, lyo yewo vekunyiisa kavasimba isarya lyakwe.