NEHEMIA 9:1 - BIBILLYA Mareiyo Meele a Iruva

¹ Nalyo wikee nkonu wa makumi avii na kaana wa mwiiri yeto, vana va Israeli vakakuumbya ando amwi, vakakootoya, veeree makunnya, neekwaamba kiluulyi nrony.

NEHEMIA 9:1 Iomraidhean Croise

2 SAMUELI 1:2

Nkonu yeto weletya kukasha nndu ooka fireny kulya Sauli eekai, afwani kiluulyi na soori takwe temmba ngosha, Llya alefika alya Davidi akai kawa si kamfiirya ndi.

2 MBONY TA FYEERI 20:3

Yehoshafati katirwa mmbwerei, katereva Nndumi Iruva nantetere. Kavia vandu va Yuda woose vafinge.

2 MBONY TA FYEERI 7:10

Nkonu yeto walatya kwikee nkonu wa makumi avii na kararu wa mwiiri wa mfungare Solomon kasama vandu vaende kwawo vetiri nsia na ifura miriminy yaawo, kimaruma kya simbo yei Nndumi Iruva eniinga Davidi, Solomon na vandu vakwe Israeli.

ESRA 8:21

Naasa llyo shilevavasya wo umwi weeru nakootoye alya mfo wa Ahava lukunyiise mbee ya Iruva, lusumanise shia teru yese na vana veru ando amwi na findo fyeeru fyoose.

ESRA 8:23

Nkyon lukakootoya lukatereva Iruva weeru, nawe kalwaaranya fiterewo fyeru.

NEHEMIA 8:2

Nawe nkohani Esra kakyeende mbee ya ironda llya lyoose, womi na vaka, mmbo valya woose veeshidimaa yaaranya neemanya.

ESTA 4:16

“Endesanyirya Vayuda woose va Shushan, mukootoye ando a mikonu iraru mulalyaa nta ina kindo, kio na nsanyiny, neeny na fishinga fyakwa mmbo lutanaa indo, llyo shaangeny na kwa mangyi lla neelyi shilatiri muumu, kwakooya shawaawa, na shiwaawa.”

ESTA 4:3

Na wo ando efo urukeny, weele lulya lulefika lwewaa Vayuda mmbo kulekaafo kyiyyo kiniini efo kwa Vayuda, vakakootoya, vakakapa kyiyyo, vakaveraa makunnya neekwaamba ifu.

YOBU 2:12

Kyeeri valenlolya vekee kwaasha nta valemmanyi. Naasa vakaonisa ngyunyanga vakaffwa; vakarandwa soori tawo. Vakafalya kiluulyi mirweny yaawo.

ISAYA 22:12

Nkonu yeto Nndumi Iruva wa matorito, mmbo ekunndye mukape kiiyo, neefira muute fii ta nrrwe neeraa soori ta makunnya.

YOELI 2:12

Naakwa ni ulaalu Nndumi Iruva arera na vandu vakwe kaamba, “Kuryeny kya dede deny mukootoye neekapa kiiyo.

Valevi 23:34

“Rera na vana va Israeli, uvavie, ‘Nkonu wa ikumi na karaanu wa mwiiri yeto wa mfungare, n sukukuu ya matengo muvikye Nndumi Iruva ando a mikonu mfungare.

Valevi 23:39

“Lyo nkonu wa ikumi na karaanu ya mwiiri wa mfungare kyeeri mwammaa yiilula fimu, llyo muvikye Nndumi Iruva sukukuu ando a mikonu mfungare; nkonu wa mbee ni wa yiimuya deny, na nkonu wa nyanya ni wa yiimuya deny.

YOSUA 7:6

Yosua na vasongoru wooroye va Israeli vakarandwa masara awo, nawe Yosua kawa si kifulufulu yoo isandukuny lya mavavaso, kakaau fika nkwaany. Vakoollya mirwe yaawo kiluulyi.

Usukuyony 11:3

Na yeny mmbo nsheningaa vakureekyi vakwa vavii mumu vaute ukureekyi ando a mikonu 1, 260, veree makunnya.

VALETI 20:26

Llyo Israeli woose vakarwa na Beteli vakandefuuya Nndumi Iruva nkonu piti valakommba kindo, vakautyan Nndumi Iruva firaso fyeekora na muro na firaso fya ufoo.

1 SAMUELI 4:12

Nalyo nndu umwi wa ufyari lwa Benyaminy kookau eerishaa, kandefika Shilo nkonu yeto mweni, nato soori takwe mmbo temba ngosha, nawe muni katefuka tefu.

1 SAMUELI 7:6

Vakakusang'irya-fo, vakaraa mura vakeende mbee ya Nndumi Iruva, vakakootoya, vakaamba, “Mmbo lulelyamarya Nndumi Iruva.” Samweli kavaterevya kulya Mispa.