NEHEMIA 8:6 - BIBILLYA Mareiyo Meele a Iruva

⁶ Esra katereva Nndumi Iruva munifinya, nawo vakaamba Amen, Amen veshooroyaa maako awo efo uuwe, vakainyika mirwe yaawo vakeendya Nndumi Iruva vakawa si kifulufulu.

NEHEMIA 8:6 Iomraidhean Croise

Mapookyony 14:22

Abramu kavia mangyi ya Sodoma, “Shallya mboo na irina lya Nndumi Iruva, Iruva eto akee Muumbi wa iruveeu na ulana,

Mapookyony 24:26

Nndu ulya kafiirya ndi kainndya Nndumi Iruva.

1 MBONY TA FYEERI 16:36

Lurumishe Nndumi-Iruva, Iruva wa Israeli, kupookya llung'anu na llung'anu! Na vandu woose vakaamba, “Amen!” Vakarumisha Nndumi-Iruva.

1 MBONY TA FYEERI 29:10

Llyo mbee ya ikwaanu lya vandu woose, Davidi karumisha Nndumi Iruva: Ashambaa, “Kurumishwa llung'anu na llung'anu, ee Nndumi Iruva, Iruva wa nde-weeru Israeli.

1 MBONY TA FYEERI 29:20

Naasa, mangyi Davidi kavia vandu woose valekuumbya-u, “Arafuminy Nndumi Iruva, Iruva waany” Na valya woose vekuumbye-u, varumishe Nndumi Iruva, Iruva wa vasawoye wao vakamwiindya na iimfiryandi, vakainndya mangyi Davidi.

2 MBONY TA FYEERI 20:18

Naasa mangyi Yehoshafati kafiirya ndi kifulufulu na vandu woose va Yuda na Yerusalemu vakasheindya Nndumi Iruva.

2 MBONY TA FYEERI 29:10

Ulaalu mmbo shanrummbwa shila ivika kyaasa na Nndumi Iruva, Iruva wa Israeli, naambo nalasheesua-se lyingyi kimaruma kyeeru.

2 MBONY TA FYEERI 29:30

Mangyi amwi na vasongoru va uruka woose kavia Valevi veembe fiimbo fya irumisha Nndumi Iruva, filya fyereiywa ni Davidi na nkisuku Asafu. Naasa vandu woose vakeemba vetiri ifura iniini veefiirye-ndi na yiindya Iruva.

2 MBONY TA FYEERI 6:4

Kaamba, “Iruva narumishwa, Iruva wa Israeli! Mashika amminutya marero alya evia nde-yakwa Davidi, kaamba,

NEHEMIA 5:13

Shookafo shasisika soori yakwa, shaamba, “Nawe Iruva nasisike nndu moose indo, efo kyeny kwakwe, ao mashoreny akwe, yeto araa nalainutya kyaasa ekyo. Yee nasisikwa indo, nare nalasaayo nkindo.” Nalyo ikwaanu lyoose lyikaamba, “Amen.” Vakaarafuma Nndumi Iruva. Naasa vandu yewo vakeendya kyaasa yekyo.

NEHEMIA 8:7

Nawo Yesua, Bani Sherabia, Yamini, Akubu, Shabetai, na Hodai, Maaseya, Kelita, Asaria Yosabadi, Hanani, Palaya, wo ni Valevi, vakasunndya vandu mavavaso yoo naambo vaamanyi wisha.

SABURI 134:2

Inueny maako any ando yoo kweele, Murumishe Nndumi Iruva.

SABURI 141:2

Kiterewo kyakwa kisaame na kwafo sha nrungo nsha, Neeli shaiboyoo maako uwe kivake kiraso kya nkwaany.

SABURI 28:2

Kushaarannyi elyi shiifo nkuterevaa shishoorwaa maako neefo uwe kwafo kweele kushekye.

SABURI 41:13

Nndumi Iruva narumishwa, Iruva wa Israeli, Narumishwa we ulaalu fika llung'anu. Amen! Amen!

SABURI 63:4

Shikwaarafumaa kyeeri kyoose kya muu wakwa, Shiipoiyo maako akwa uwe kyeeri shiifo shiikutereva yewe.

SABURI 95:3

Mashika Nndumi Iruva, ni Iruva nniini, Na Mangyi niini uwe ya maruva moose.

YUUKA 12:27

Llyo mushevaviaa, “Ni kiraso kya Nndumi Iruva kya Pasaka, mashika llya aleira kakyillya mmba ta vana va Israeli kulya Misri, kyeeri alewaa Vamisri na yese kalukira. Vaisraeli vakakwiinyika vakainndya.”

YUUKA 4:31

Vandu yewo vakakusirya-u, na kyeeri valeeta Nndumi Iruva mmbo ansheya Vana va Israeli, nawe mmbo allollya makiva awo, vakainyika mirwe vakainndya.

YEREMIA 28:6

“Oo ekyo nkisha nnu deny, naasa kiinukye na Nndumi Iruva ashetana indo. Nasheinutya ukisuku lwafo naviire oota Babilony usimba loose lwa mmba ya Iruva na vandu woose valekamarwaa ushingeny.

FIIYO 3:41

Luruye mirima yeeru Iruva lutereve indi.

Valevi 9:24

Naasa muro ukauka yoo mbee ya Nndumi Iruva, ukakora kiraso kilya kyeekora, na mafura alya yoo uwe ya kitara kyeerasya, kyeeri vandu woose valelollya muro ulya vakakapa ngaya vakawa si kifulufulu.

Matayo 26:39

Kaenda na mbee kinnywa. Kawa si na kisangu katereva Iruva kaamba, “Woi Nde, kwakooya kikuviiyaa, upata yelu lushiire shire shilaluna! Indi kilave shaasa shikundye yeny-fo, kiveva shaasa kukunndye yewe!”

Matayo 6:13

Kulalurwaa efo kyeesyony, indi kulukire ekyo kivishwa. [Shamashika umangyi ni lwafo, na finya, na usuri, meeri moose allung'ani. Amen.]’

1 Vakorinto 14:16

Mashika kwatereva Iruva efo nriminy, yeto aiyo kava sha itondo mmbo ashidimaa inda yaamba Amen, kyeeri kumaa itereva, elyi nalaishi ekyo kwaamba?

Vaefeso 1:3

Iruva nang'aniswa, we Nde wa Nndumi weeru Yesu Kristo, yeto aleluvikya mbora takwe ta nriminy, ulaniny elu lwa kimumuyo lukee lwa Kristo.

1 Timoteo 2:8

Kimmba ni indo, mmbo shikundye vomi vaate miindye wo ando, veshiipoo maako awo vavikye vandu mbora kulaiyo ulai nta unyafi.

1 Petro 1:3

Iruva naitikiswa, we Nde wa Nndumi weeru Yesu Kristo, yeto alelwiira lya kavii kyuuka na isarya lyakwe naambo luwoni ivika nsia elyo lyeende muu kimaruma kya iruka lya Yesu Kristo auka kwa vafu;

Usukuyony 7:11

Na vasu woose mmbo vekee rembo veringyitye kitima kilya kya itumbe taari toose, na mbee ya vamiku yewo na valya vatiri muu vaana, nawo vakawa si kifulufulu yoo mbee ya kitima kilya kya itumbe, vakaindya Iruva.