NEHEMIA 8:10 - BIBILLYA Mareiyo Meele a Iruva

¹⁰ Nalyo kavavia, “Kweengyeny mukandekulyiyya shoonga tany na ufoo, neekuniyya, muvekumbwa neeto nalatiri, mashika nkonu yeu mmweele wavikwa ni Nndumi Iruva weeru, nta mularovyo-fo mashika ikyesa na Nndumi Iruva nnyo finya yaany.”

NEHEMIA 8:10 Iomraidhean Croise

1 VAMANGYI 8:66

Kufike nkonu wa nyanya, Solomoni kasama vandu vakeenda kyeny. Veefurye kimaruma kya mbora aleniinga Davidi ishinga lyakwe ando amwi na vandu vakwe Israeli.

1 MBONY TA FYEERI 16:27

Usuri na umasi taari toose, ushilyi na ifura fikaishura mmba yakwe.

NEHEMIA 8:11

Niindo valevi valeviirya vandu muu, mashika yeu ni nkonu mweele, nta mularovyo-fo.

NEHEMIA 8:12

Na vandu woose vakookau vakandekulyiya neena, vakakyesa neeniinga valya valatiri waavi, kimmba vemmiitumuso nisha kya filya valeloshwa.

ESTA 9:19

Nkyo Vayuda yewo vakaa kundo kwa mareminy na miri ilatiri turuve vakeendya nkonu yeto wa ikumi na kaana wa Adari uve nkonu wa sukukuu, vakakurikya wo nndu na urooye findo fya pya.

ESTA 9:22

Vayuda valewona ivinga vakiduva vawo vakakooya ufoo, na ifura ando a kiiyo, tive sukukuu na ifura, vavekuutya findo fya pya wo veni na veni vaveniinga na vaturi.

SABURI 149:2

Israeli nakyese neeto alemuumba. Vana va Sioni vafure neekabya mangyi yaawo ukoru.

SABURI 89:17

Mashika utore lwa finya tawo ni Yewe. kwii ilyillya fyafo mmbo luvingaa.

FYAASO 17:22

Nrima usakukye ni nri, Indi nrima ukunarye mmbufofisaa mwiili.

MWIILOSHA 11:2

Ava waavi lwafo kwa vandu mfungare ao nyanya, Mashika nkwiishi kindo kishiidima iwoya ulana ndesi-fo.

MWIILOSHA 2:24

Nkwiifo kindo kyimwi kisha, kwa mwana wa nndu, kuuta ilya neena, neefura, kya mashora akwe-fo. Neekyo, mmbo kyuukye kwa Iruva.

MWIILOSHA 3:13

Kweekyo lulye neena lwiifurye, kya mashora a nrike weru mashika eto ni simbo tuuka kwa Iruva.

MWIILOSHA 5:18

Naasa efi mfyo findo shilekooya imanya, kindo kisha kisennyi kwa nndu wa vandu ni ilya na ina naifura kya ndunda ta nrike wa mashora akwe yaa alekooya irunda kwa mikonu yei myaangu Iruva alenniinga yaa ulaniny, mashika niindo Iruva alevikya nndu uramba.

MWIILOSHA 9:7

Enda kulyiiye shoonga yafo kweefura, kuni na mfinyu wafo na nrima nkyesi mashika iruva ammbwarya mashora afo kutannyi.

KYIIMBO KYA FIIMBO 5:1

Mmbo shikee yaanga nnda wakwa, mfwama wakwa tindi ya walyi. Mmbo shikee isangyirya mane-mane na fyuungo Mmbo shikee ilya irana lyakwa lya ukyi, mmbo shikee ina mfinyu wakwa na malela akwa. Nndu nka Kulyiyyeny yeni mbuya takwa kuniyyeny, Kuniyyeny deny vakunde vakwa. Nndu Nka

ISAYA 49:5

Na ulaalu Nndumi Iruva mmbo aamba indi, we aleshitana ukya efo nsangeny wa maaye akwa shive ishinga lyakwe, naambo sheende Yakobo na Israeli vakusanyirye-se mbee yakwe (kimmba yeny shaindywa mbee ya usangu lwa Nndumi Iruva na Iruva wakwa kaveva nnyo finya yakwa).

ISAYA 61:10

Mmbo shifuraa nnu na Nndumi Iruva, nrima wakwa ukesaa kya Iruva wakwa; mashika masara a ukiro, ansikya na isarya lya usumanu sha nndumi wa walyi akekushopa na usha lwa masara a walyi, na mwalyi mwaalyikwa akekushopa na findo fya saabu.

YOELI 2:23

Eni va Sioni fureny-te mu kyesye Nndumi Iruva akee Iruva waany, kimmba we ashemuningaa mmbwa ya kisie na mateeri shaasa akundye uka elyo mbee.

SEKARIA 14:21

Fiiya fyoose fyeekorya fya Yerusalemu na Yuda, mmbo fishevikwa fyeele, kwa Nndumi Iruva muni matorito. Naasa yeto moose ashaa isheniingya kiraso ashiidimaa yiipo neendekorya-fo nteera wa kiraso. Naasa nkukivaa-fo nndu weekaba mbusha lyingyi yefo mmba ya Nndumi Iruva muni matorito nkonu yeto-fo.

Luka 11:41

Indi yefyo fikee yefo nnang'ani mfyo mushevikaa fyeesarya vakiva llyo fyoose fishemuviyaa fyaa.”

2 Vakorinto 8:2

Kyeeri vekee fyeesony fya ngatara shiingyi, wiingyi lwa ifura lyawo sanda na itura lyawo mmbo filevaengerya usimba lwa ikunda yeekya vengyi.

Vafilipi 3:4

Kulakooye yeny sheshiidima ivikya findo fya mwiili nsia. Kwakooya nndu moose alollya kuti yeevikya findo fya mwiili nsia, yeny ni mmwasi.

Usukuyony 11:10

Na yewo vakee ulaniny mmbo vafuraa neekapa nndoro. Nawo vashekuningaa findo fya pya wo veni na veni, mashika elyi vakisuku yewo vavii valevatuuwa yewo vakee ulaniny.

1 SAMUELI 25:8

Vavese mbony eto nawo vakoongoyaa fyoose. Naasany warya vasoro yeva, kimmba lwasha nkonu wa pule. Mmbo shakutereva kuvaniinge kindo kyoose ekyo kukooyaa kwiitiri, wo vakee sha mashinga afo na yeny Davidi shikee nsero wafo.