NEHEMIA 6:9 - BIBILLYA Mareiyo Meele a Iruva

⁹ Yewo woose vakeerera mmbo vakelweerese, naambo lulemwa irunda mashora yaa. Kyeendi lyo ulaalu mmbo shikaaryaa mmwasi.

NEHEMIA 6:9 Iomraidhean Croise

2 MBONY TA FYEERI 15:7

Indi yeni kapyeny ngoo, nta mulashewuya numa, mashika ni kuti mulollye mbusha ya mashora yaa mukerunda.”

2 MBONY TA FYEERI 32:18

Vasongoru yewo vakavarya kwa unyanga uniini Kiebrania, kyevaniinga usau na weeresi vandu va Yerusalemu valya veselelyi uwe ya isimamba lya muri naambo kive kyaangu kwawo itira muri.

ESRA 1:6

Nalyo vandu vekee nawo vakaveekya, vakavaniinga fiyya fya fesa, na saabu, masaa engyi, na findo fyeevikya, na findo fya wuuru, fiingyi nnu vakafiniingya fya pya.

NEHEMIA 6:14

Woi Iruva wakwa, lola Tobia yeu na Sanbalat shaasa vakeetana, na nnabii nka yeto Noadia, neewo vengi veekundye isheerese.

SABURI 138:3

Kyeeri shilekuvaanga mmbo kuleshiirikya; Kwashiviirya muu neeshivika finya.

SABURI 56:3

Kyeeri kya weerei, Ni kwafo shivikye nsia.

SABURI 68:35

Iruva mmbwa weeresi yoo kweele kwakwe, Ee, we mmbwe mangyi ya Israeli. Kaniinga vandu vakwe finya na wiidimi. Iruva narumishwa.

SABURI 71:1

Woi Nndumi Iruva, mmbo sharishya ikusuruma kwafo; Kulashire shikooye isuka.

ISAYA 40:29

Mmbo aniinga finya yewo vaaraye, kaviirya muu yewo vafwafwa.

ISAYA 41:10

Kulairyee mashika yeny shikee ando amwi neewe, kulasavae, mashika yeny ni Iruva wafo. Shikuniingaa finya, eeda, shikwekyaa, ee shikutiraa na woko lwakwa usha lutiri wiidimi.

YEREMIA 38:4

Nalyo vasongoru vakeenda kwa mangyi vakammbia, “Nndu yeu nkuti nawaawa. Elyi akerera indi mmbo ashengyee vasikari kunu muriny asye finya deny, nawe ni ndo akeevia wo nndu kunu muriny. Nnyakeekya vandu-fo, mmbo akevaawuta tupu.”

ESEKIELI 30:24

Shikaarise maako a mangyi ya Babilony, shishemmbikkya usu lwakwa wokony lwakwe; indi we Farao mmbo shimfishaa maako, nawe asheongoraa sha nndu akapwa ifumu nyaminy.

SEKARIA 10:12

Shishevaallwa vandu va Nndumi Iruva vatiri finya, nawo vasheshiinndya na ishirumisha. Ni yeny Nndumi Iruva shaamba.”

2 Vakorinto 12:9

Lyo we kashivia, “Isarya lyakwa lyikufye.” Mashika wiidimi lwakwa mmbo lwalyimba yoo kukee kufwafwa. Nasaany mmbo shirumana kimaruma kya ufwafwa lwakwa shikee na ifura iniini, naambo wiidimi lwa Kristo lushikaye.

Vaefeso 3:16

Nawe namulyimyi iwona finya neevangiswa kiinani na usimba lwa itumbe lyakwe, kyiriyani na mashora a Mumuyo wakwe alukayaa efo nnang'ani.

Vaefeso 6:10

Na kyingi-se, engereny iva vakaari mukee na Nndumi na wiidimi lwa finya yakwe.

Vafilipi 4:13

Neefyo fyoose mmbo shaidima kyeendwa ni yeto mwiishisimba finya.

Vaebrania 12:12

Kyasia orweny maako yoo akee mafwafwa na ndi yeto shipooru,

1 Petro 5:10

Na Iruva yeto muni isarya lyoose, yeto alemuvaanga naambo mwaange itumbeny lyakwe lya llung'anu kwi Kristo, mwammaa ilyiso ukiva kyaangu, we muni mmbo ashemuselevendee, na imuvika kiringisyo, na imusimba finya.

1 SAMUELI 30:6

Davidi keereve nnu, mashika vandu maata mmbo veekundye nakapo na mawe, veetinnywo nnu n'kya vana vawo na vaka vawo. Lyo we Davidi kakukaarisa na ivika Nndumi Iruva nsia, we Iruva wakwe.